影片
以上资料只供参考，请与餐厅确认详情
食家推介
招牌菜
食记 (29)
而家local嘅餐厅执完一间又一间，香港仲有好多好食又抵又有人情味嘅舖头值得我地帮衬嫁🥹今次系我第一次黎合利，佢铺面望落好简单又旧，但其实入边好干净，枱与枱之间虽然比较近，但系啲枱好大张，坐得舒服唔会迫。我哋三个人叫咗一碟卤水拼盘(细)，佢嘅打冷唔系冷冰冰而且好入味，就算叫咗碟细嘅都好足料，我谂四个人都够食。个蚝饼炸得好靓好脆，唔会太粉，而且好多蚝仔！total 分左6件。另外叫咗个芳鱼肉碎粥(细)，如果用佢啲细碗都分倒8碗出嚟。佢个粥好香，落咗好多方鱼干。仲有个咸鱼肉饼煲仔饭！太心急食唔记得影相！佢个豉油有少少甜味，一到落去个饭度焗一阵就出到饭焦。系好好味，啲咸鱼好香，个肉饼口感亦都唔会干。后尾听到隔篱枱落单先知有啲𩠌可以拣双拼，大家落单时可以问一问。总括而言，佢啲嘢食系真系好足料好抵食。我呢度3个人都系食咗大约$450炸！由于佢啲嘢食太大碟，我哋样样都想食，真系好饱。仲有好多𩠌想试，下次要多啲人嚟先可以share食倒多啲款式。
继续阅读
之前同同事食过几次呢间合理潮州打冷，一大班人嗌好多菜share食，大部份都几好食。今次突然有啲挂住其中一道送，所以得两个人都照食打冷。唔知大家有冇喺潮州打冷舖食过一款粥叫方鱼肉碎粥，今次就系想食返呢碗粥所以先去帮衬两个人嗌咗一锅方鱼肉碎粥，份量大概系每人食到三个细碗左右个人好钟意方鱼嘅咸香味，令到成碗粥好入味不过呢碗粥系由落到葱花同少少芹菜碎去煲，如果要走青记得讲！好味指数：🌕🌕🌕🌕🌑仲嗌咗芝麻西柠鸡呢间舖特别加咗芝麻喺西柠鸡上面令到食到柠檬香同时都有芝麻香🌕🌕🌕🌗🌑潮州煎蚝饼煎得够脆，不过蚝嘅份量就好似有啲少🌕🌕🌕🌗🌑呢间打冷饭店喺OpenRice评价唔太多，但每一次食都会坐满人。如果多人食记得book位。
继续阅读
冇谂过一餐高水平嘅潮州菜价钱会咁平，今晚叫咗三样嘢食，夹埋竟然唔使三百蚊落楼真系好抵°一心其实系谂住嚟呢间帮衬佢嘅水瓜烙，不过食到一半先至发现佢好似系九肚鱼烙，畀钱嘅时候又唔记得同老板娘讲，希望佢冇收少我钱啦，始终呢啲老实小店真系要真心支持°讲返佢个九肚鱼烙先，材料好足好新鲜，粉浆唔会太厚，唔会一味净系食咗面粉食唔到九肚鱼同埋其他嘅配料，真心赞°第二度𩠌系芥兰炒牛肉，用返有潮州特色嘅沙爹酱特别正°最后一度系糖醋面，煎得够香够干身，而且又唔系太多油，加上砂糖同埋醋就无敌啦°
继续阅读
五一假期前食个晚饭，因为朋友要喺佐敦做嘢所以拣咗呢一间潮州舖，嗌咗四个𩠌每人先至二百几蚊，即系平均一个𩠌百几蚊，其中一个仲要系卤水鹅片，真系一餐抗通胀晚餐。卤水鹅片份量都唔少㗎，冇将价就货，而且卤水香得嚟又唔会一味得个咸字，我肉又唔肥，净系咬咗啲皮出嚟就可以成嚿好安心咁样食晒落肚，连垫底嘅卤水豆腐都好味。啫啫芥兰够火喉有镬气香喷喷仲有啲芥兰非常青绿新鲜。香煎墨鱼饼其实应该系炸先至啱，墨鱼饼面有啲粉丝碎一齐揸到脆卜卜，又唔会太油㖞。食到舔舔脷叫多一碟最后又拣咗椒盐鲜鱿，唔会炸到over晒，啲粉浆又唔会好厚仅仅够包住啲鱿鱼真系fit晒。
继续阅读
这间在佐敦的潮州打冷，外貌同其他的潮州打冷差唔多由橱窗睇，可以见到好多潮州传统的冷盘，包括韭菜猪红，卤水豆腐，大眼鸡，红肠，卤水鹅，卤水墨鱼等等入到去座位都有少少排列得好密，但系张枱就比较宽敞，叫好多嘢食都唔怕第一碟到枱的，就是韭菜猪红，睇短片就可以见到啲烟，证明呢个韭菜猪红热辣辣，下面仲有好多韭菜，好正第二个潮州小炒王，你哋睇吓啲烟，真系热辣辣炒完，即刻送到枱面，味道好好就算蚝饼都系热辣辣，而且唔系用好多粉浆去煎炸，唔会成口油潮州炒面线，同样都系热辣辣，颜色同其他潮州打冷店炒面线的，好似白咗少少，亦都幼身咗少少，我反而钟意阔身少少，可以有更好的口感，以及食到潮州面线的咸味西柠鸡同样热辣辣登场，叫咗个姜汁炒芥兰，唔记得影相，应该系芥兰苗，而且斜切咗，口感更加爽甜品叫咗个用芋头蓉做的，好好味值得推荐，叫咗几支啤酒，每人价钱都系200几
继续阅读