影片
招牌菜
我哋喺葵兴邨兜左好耐都唔知食咩好，最尾见到呢间好多街坊食嘅餐厅出面有个餐牌写住有得食蒸鱼就行左入去（因为我屋企好少买新鲜鱼食😂😂）餐厅好多小菜可以拣 我哋最尾拣咗西柠鸡同豉汁蒸仓鱼鱼既种类其实可以有好多拣 我地当有得拣牙带鱼、红衫鱼、泥猛、黄花鱼（有d唔记得左） 个汁都唔只得豉汁拣 可以拣蒜蓉、蕃茄汁个d 蒸鱼系即叫即蒸，我地个碟好食好新鲜，但要食既话可能要等既时间会长少少西柠鸡都好好食 够哂酸味 真系见到有柠檬片系碟𩠌入边 唔系求其揾啲柠檬汁开水就算。数落都有十几嚿鸡块 抵食之选
继续阅读
呢排都系葵兴做野，呢日做得晏但太肚饿，所以决定系葵兴食完先回家～不过附近冇乜选择，误打误撞入左呢间茶餐厅食野。一入到去，基本上都有位坐，因为都几大下。大多数都系住附近既人系到食饭。种类都算多，价格亦唔太昂贵。咁多选择，我最终简左个西式常餐食，叫左沙嗲牛肉公仔面，配火腿煎蛋，仲有牛油餐包加热饮，先系HK$38！！我就觉得好抵啦！沙嗲牛肉公仔面，都算浓味，牛肉份量都OK 多，所以食得好饱下。个煎蛋系半流心，我摆埋落个面到一齐食，简直系绝配。不过个包就麻麻地，可能系冇烘底关系啦。所以建议加１蚊转烘底，起码会硬身Ｄ，冇咁软身。食完，饮番杯热利宾纳，成个人都好暖好饱！以街坊食堂既质素黎讲，味道都算正常，但价钱就好吸引我！CP 值高既一餐饭！
继续阅读
一连几天向葵兴工厂区附近,唔熟尼区,得自己一个又好攰,下午茶时段唔知食咩好,想揾间餐厅可以舒适咁食啲野真系话易唔易,咁啱经过尼间茶餐厅,门面好大,望入去有卡位座,就冲入去叫左碗鸡扒公仔面(出前一丁面底丫唔该)配热奶茶哗～块鸡扒系金黄色脆皮咖~睇得出厨师用心煎,净系睇已经加分,食落去鸡扒厚肉无雪味~加上座位好阔落,食完叹埋杯奶茶,开心哂!所以连续3日我都向尼间茶餐厅食下午茶~食左餐肉蛋三文治烘底 配热华田再追加 奶油多烘底 尼款面包真系越食越想食而今日终于(向下午茶时段)叫到我想食既午餐梅菜蒸鲩鱼配白饭送例汤$38,师傅叫出黎问我想要鱼头定鱼尾,我惊多骨,所以选左鱼尾,鱼清甜新鲜,唔系好重调味,简简单单,系家既味道~
继续阅读
8号风球下，来到这裹叫了一个午餐$38 （包例汤同油菜），心谂好抵食，但由于8号风球需要加多$2，汤同午餐都到了，还欠一碟油菜，即时问侍应，佢就同茶水讲，佢话转头正，但听到老板同茶水讲唔好正😡，跟住就同我讲话冇晒😡😡😡😡，$2佢就识加，菜都识收，呢间平时做开街坊生意都咁冇良心，睇真d佢写个餐牌都好鬼鼠，系餐牌底用细字写：热饮加$3，冻饮加$5。同一个价$40附近餐厅包汤同热饮，唔驶食得咁受气😰
继续阅读
自转到这区返工后，四处去试适合自己的午餐，因而在这食店医肚，典形有几款午餐自主打，看后选了梅菜扣肉饭，扣肉肥瘦比例是七比三，入口肉质煮得相当淋，跟餐的例汤也极有水准，冻奶茶甜味适中，整个午餐相当不俗。
继续阅读