合興車仔麵

营业中

休息中

元朗合興車仔麵真係港式車仔麵嘅經典老字號！超過50年歷史，懷舊風味無可取代，係街坊同遊客嘅心頭好！必試佢哋嘅咖喱魷魚，醬汁香濃甜辣，魷魚爽口彈牙，微辣惹味，食到停唔下來！豬腸處理得乾淨無腥味，滷水入味，軟腍有嚼勁，份量大滿足！雞翼滷得香噴噴，肉質腍滑，充滿滷汁香氣，超開胃！配上彈牙幼麵或粗麵，湯底可選清湯或香辣汁，微辣夠過癮又唔會太刺激。其他餸料如豬紅同蘿蔔都好有水準，份量足。服務快捷，店員親切，環境乾淨企理，雖然坐位略擠但氣氛熱鬧。價錢親民，CP值高，咖喱魷魚、豬腸同雞翼樣樣出色！想喺元朗食地道車仔麵，合興真心值得一試，食完即刻想再返嚟！

每逢與好友不知道該吃什麼時，我們都會不約而同地想到元朗合興的道地車仔麵。這家小店的一直都保持到水準😍。配菜多選擇，每次都好想試不同的配菜這次我們點了以下麵款:1. 肥牛豬腸木耳餃清湯粗麵配菜:🥓肥牛片：厚實肥美🐽豬腸：Q彈有嚼勁，完全沒有腥🥟木耳餃：餃餡爽脆可口，為麵款增添了爽口的口感🍜粗面底: 清爽的湯底，麵條粗身有麵香2. 咖喱魷魚豬脷陳皮魚蛋清湯油面微辣配菜: 🦑咖喱魷魚：味道剛剛好，不會過於濃郁，辣味襯托魷魚🐷平時多數揀豬紅，今次配搭豬脷，下次都係揀返豬紅😂🍡陳皮魚蛋：一直係至愛，口感不會好粉🍜油面底: 有咬口的油面，加上魷魚的辣汁整體口感微辣卻不會過於刺激我注意到隔壁桌的一位男士點了中辣，最後只能請店員給他一碗清湯。🌶️🌶️🌶️看來他對辣味有些接受不了。對於不太耐辣的朋友而言,合興車仔麵的「微辣」選擇已經很不錯了，不會太過刺激。😂另外，值得一提的是，即使食完合興的車仔麵，我們也不會感到特別口渴，似乎並沒有使用過多味精。🧋不過店舖裏面都有不同飲品可以選擇，我們選了$12的樽裝飲品，烏龍奶茶及荔枝玉露。只是麵的份量比以往好像少了一點，下午茶份量剛好吧，但午餐就略嫌不夠了。🤔而價錢方面總

琴晚叫外賣自取，叫麻辣牛展居然只得兩簿片，蘿蔔得幾粒仲要細到似芋圓咁唔係生意差到偷工減料到咁嚴重丫！但今日再試街市既合興，佢既牛展就又厚仲有4片，蘿蔔都正常大小係咪唔同老闆所以料會差咁遠？以後食合興都係去街市果間買，雞地尼間唔怪之得咁少客人如果係同老闆麻煩跟進下送既多少要一樣，已經唔係第一次咁少，諗住以前食開雞地既就比多次機會，最後都係失望而回，唔係自取真係以為比人偷食過元朗人想支持都唔想比人揾笨

三點時段，身在元朗雞地附近，想到食車仔麵，於是走進了「元朗必是車仔麵-『合興』👉🏻分店」點了兩碗三餸麵，分別是$18牛腩、$9冬菇、$11鹵水豆腐、配$12油麵，共$50；另一碗是$12豬腸、$12雞翼、$9豬皮配$12米粉共$45。$18牛腩，只有4件，二大一小一牛根，味道一般，口感黏牙，份量少得可憐。$9冬菇，有3只，比5蚊大丁點，蠔油炆煮，正確味道$11鹵水豆腐，一份有4片，嫰滑中帶點鹵水香，筷子輕輕可以整片夾起而不爛，有驚喜，但份量又是少到無語$12油麵，為女士份量，大食的我吃不飽另一碗$12豬腸，鹵水味不錯，份量亦多，唯獨腸中的肥膏勁厚，不好肥的不懂欣賞$12雞翼，一份兩隻，屬中細size, 相同的鹵水味，皮已經久煮有的掉，肉有點過熟$9豬皮，豬皮清潔乾淨沒帶毛髮，味道正常，份量正常$12米粉，老公食完再去搵食總括而言，去合興是吃辣，如果不吃辣的話，點的食物都是統一的鹵水味道。而份量方面，亦是一大問題，價格與份量不成正比，如果無必要，都應該唔會再去

車仔麵名稱來源係舊時嘅攤販以經過改裝木頭車流動經營所得，比人嘅印象就係污糟唔衛生，因此，被稱為「嗱喳麵」依家食車仔麵都可以好奢侈，大部份貴得黎餸又少味道又差，而今次係透過社交媒體網站群組推薦，呢間係元朗人公認好食、多餸、環境衛生乾淨，價錢方面就見人見智，以我就覺得價錢係公道，因為食物水準好出色，值得比呢個價錢。聽聞合興車仔麵另一間分店水準更高，不過好多人排隊，好食嘅餸一早比人買晒曬。

合興車仔麵@元朗 元朗地道車仔麵一定會諗起合興啦🤣每次都會叫好多個餸先開心滿足😋不過各位朋友仔記得要食就要早少少去食，如果唔係晏左好多餸都會賣哂。 💥 豬腸雞翼尖麻辣豬耳米粉 HK$48豬腸有少少肥好淋好入味👍雞翼尖都係好入味唔會太淋爛溶溶👍麻辣豬耳好抵食好大碟，鹵水豬耳上配上麻辣醬好惹味，唔會太辣好好食👍 👍🏻 評分 : 8/ 10 💥豬紅牛腩鹵水豆腐咖哩魷魚河粉 HK$42豬紅真係好好食，唔會有血腥味，每次有都會心點👍牛坑腩就一般般，都好入味，唔會太柴鹵水豆腐又係好好食，好滑好有豆味👍咖哩魷魚灼完必然靠嗰辣汁，不過都幾辣，鍾意辣嘅朋友仔啱哂，因為粉麵湯底如要香辣汁都係呢個汁，所以好惹味好正😋 👍🏻 評分 : 8/ 10 合興車仔麵@元朗📍元朗鳳翔路69號建輝大廈地下3號舖

一諗起要食車仔麵，一定會嚟合興👍🏻信心保證。每次都要食幾個餸先滿足😘尤其是水魷，爽口彈牙，第二度真係食唔到。大家要食一定要早少少去，因為夜晚七點左右好多餸已經賣晒😜

呢間車仔麵 唔係hea做係屋企樓下 成日見坐滿人 去試下覺得幾好食推薦距個咖哩魷魚 個辣汁係幾過癮既如果去食 帶定外套 因為唔知點解冷氣開得特別大 係咪因為怕人叫得太辣😂老闆態度好好 幾幽默 似係人情味鋪頭 唔會話賺夠hea 做推薦～

趕時間去做運動，想食少少野墊個底，但又唔想食麵包咁Dry，機緣巧合之下就走咗入依間車仔麵店啦。本身諗住叫兩個餸，但佢最低消費要三餸加麵，所以就叫咗冬菇、魚片頭，麻辣豬耳油麵啦，炆冬菇食得出係心機之作，每粒都飲飽水咁，魚片頭就基本啦，最有驚喜嘅就係個麻辣豬耳！食咗一條我就決定下次要黎試晒其他麻辣汁嘅餸！麻辣豬耳因為有辣油，所以係另上的，唔會俾啲湯沖淡晒，麻辣汁係又麻又辣，仲得意地有少少甜（可能我條脷壞咗），豬耳爽脆彈牙，唔似某仔米線咁會麻到苦，真係後悔冇叫多幾個餸！

🚩合興車仔麵雞地附近諗唔到食咩就食左合興，我就比較鐘意食呢間多過安寧路個面個間。由疫情開始，佢地就已經一直有做外賣優惠45蚊五餸一麵。除左17蚊嘅餸唔揀得，其他嘅都揀得❣️佢地嘅豬腸同豬紅都好好食🤤🤤

全港有好多間車仔麵，但不是間間都正常發揮，價錢合理，有時真係幫襯到好激氣例如餸是隨便搵個阿姐白烚就捧上餐桌，仲要好像唔捨得俾客人食咁，餸得啲啲仔，湯底求其俾啲辣椒油加味精湯，咁樣就收客人四五十蚊碗。合興車仔麵絕對是我敢推薦俾朋友幫襯的車仔麵，首先湯底很香很濃，我選了腩汁加微辣，餸是很豐富不小器，我選了最基本最便宜的餸，豬紅魚蛋白蘿蔔，每樣餸都是個別調味，不是白烚然後額外加汁就算絕對夠餵飽一個正常成年人的份量。車仔麵是香港傳統美食，不用玩太多花巧野，專心鑽研好基本功做得好已不是易事。

本來想搵間cafe食個tea，點知附近Cafe求其食個普通三文治最平都$80，貴到呢😮‍💨😮‍💨😮‍💨 咁啱行過合興，醒起之前有幾次想食嘅嘢都賣晒，撞彩試吓入去食，點知勁好彩今日咩都有🤭價錢同其他車仔麵店差唔多，都算幾多款揀叫咗河粉配雞翼、豬腸、魚片頭+腩汁(中辣）雞翼($12/2)滷得好入味🐓，豬腸($12)份量好多，多到懶得數😂食曬啲麵同其他餸都仲有豬腸👍🏻 魚片頭($10/3)就一般貨色冇咩特別～湯底夠濃味，中辣好正，比其他車仔麵檔更加辣🌶唔食得辣嘅唔好亂挑戰🤣店員服務好好，本身想拎杯水飲，不過原來剩係得支裝水叫，店員都有解釋話佢哋不嬲都冇提供水，重驚係個湯底太辣，話可以幫我換過碗（不過我真係純粹口渴😆埋單💰$46💰以後元朗車仔麵首選呢間🤟🏻🤟🏻🤟🏻

未試過堂食一直都係買外賣番屋企慢慢歎每次都keep到水準唔會令人失望之前嘅抗疫42蚊碗一直都keep住買肥叔叔好好人好nice 坦白講整體員工態度比大橋果間好好多即使我去呢間唔就腳我都寧願幫襯呢邊

我認為元朗合興車仔麵係神級車仔麵，個人比較喜歡近Yoho間分店，因為坐得比較舒服，店舖比較大，平時有個肥叔叔幫手落單好客有好傾。講番食物，至少3餸唔計麵，淨餸就要叫4餸。最出色一定係佢個咖哩魷魚，會另上嫁。個辣真係超正，所以你基本唔洗再簡辣，直接用魷魚個辣汁就可以啦。 魷魚爽口彈牙。其次我最愛就係豬紅、豬腸、牛孖筋同木耳餃。所有餸都好入味，而且份量勁多。豬腸唔會臭，豬紅辣辣地。湯底我通常簡滷水汁。每次埋單介乎50-60蚊，但係食到勁飽。好滿足。

食車仔麵黎講，我最注重嗰湯底，仲要係辣既湯底。因為超食得辣既關係，好多間車仔麵既辣對我黎講都唔夠辣。之前朋友試過呢間，佢話好辣，辣過佢食過所有既車仔麵，竟然係咁，我就試下。去到見間鋪頭都幾乾淨，店員服務都ok~呢間屬於港式辣，鹹左少少，但係味精明顯唔多，辣喺口腔，沒落喉嚨既，唔錯～餸揀左咖喱魷魚，豬腸同冬菇，味道都唔錯，而且份量好多！咖喱魷魚係分開上，係厚身既醬汁，味道唔錯，魷魚好爽口。豬腸係新鮮豬腸，味道都幾好。冬菇有炆過，都ok 既。