合豐車仔麵 (已結業)

早餐食車仔麵會唔會有啲過分🤣🤣🤣其實又冇乜所謂嘅，自己鍾意再加埋食得開心咪得囉，最緊要係口味啫，呢間合豐車仔麵都相當有懷舊的口味😋😋😋 款式眾多，任君選擇款款都係$8起一麵三餸都係三十兩蚊咋😍唔好介意，食肉獸的我嗌咗3款都係肉🤣🤣🤣雞翼尖 + 豬腸 + 牛肚雞翼尖㗎喇你幾好味魯汁豬腸超入味超好食腩汁牛肚問燜得又霖入味再加上腩汁河粉，正👍👍👍老公仔健康啲🤣韭菜 + 豬皮 + 菜肉餃 + 米粉唔好意思實在太吸引了，我都有偷偷地食咗幾啖 🙈豬皮朔晒啲汁又霖又好食😋菜肉饺啖啖肉😋韭菜都唔錯㗎，夠晒爽口門口大大個名寫住合豐車仔麵🍜大家唔好去錯啊😊

不專業食評😂（口味每人不一，請自行斟酌）車仔麵越開越多，每間都有獨特嘅味道。而呢間車仔麵正正位於旺角鬧市中比較偏僻，不容易被發現既位置，但係偏偏呢間咁不為人知嘅店舖搵到我久違嘅車仔麵味道同埋感覺。呢間除咗車仔麵，仲另外有賣兩餸飯。但既然係車仔麵，咁當然係必試啦！嗌咗幾樣比較傳統嘅配餸：豬腸、柚皮、豬皮、牛腩、油麵。油麵少少彈牙，唔會太冧（除非特別要求）豬腸、豬皮都好入味，前者偏彈唔冧，後者就有部分有啲冧，無一般咁爽口，可能浸得耐牛腩好入味，唔會好難咬，但美中不足嘅係有d牛腩偏碎整體來講係會回頭嘅，值得再試食落同老板傾下計。詳談之下先發現，原來呢間食肆老闆做車仔麵已經超過15年，先後搬過幾次。最開始係位於花園頭嘅「街邊檔車仔麵」，兜兜轉轉黎到現今嘅「合豐車仔麵」。疫市下業主仍加租，厄殺呢啲傳統小店嘅生存，如果順路經過，可以一試。

出旺角行軍。。。對！當 #MeTime 或者 #OurTime 沒有細路在旁，信義妹同六仔都好似人地行軍一樣，最短既時間做最多既野，吉袋出發，滿載而歸。 中場休息就到合豐車仔麵食個快飯， 最少揀3餸，先落單付款後搵位。餐廳枱與枱之間都有啲距離，大家唔駛迫住食。 食物選擇都多， 信義妹揀咗生根，牛栢葉，魚旦，河粉，中辣。先講講辣，辣度中辣都唔錯，最少有辣同香，唔會好似有啲食店叫中辣又唔辣又唔香。牛栢葉就略嫌過咗火啦！太有咬口，好彩唔大件。魚旦係陳皮魚旦混上辣汁確實好味。不過信義妹都係鐘意白魚旦多啲。生根吸曬湯汁味道很好啊~ 河粉唔太淋，順滑幼身。 六仔嗰碗係牛腩，豬腸，時菜，粗麵。牛臗夠軟稔，五香味濃。豬腸有肥但不膩。時菜係菜心，日不過不失啦！麵，信義妹就無試啦~整體除咗覺得細碗咗少少外，味道，麪既口感都唔差。信義藍星札記 Facebook Page https://www.facebook.com/IncredibleShunyeemui/ Instagram https://www.instagram.com/IncredibleShunyeemui/

有次和朋友傾談當中，話說有間車仔麵有酸齋食的，而且味道唔錯，於是路過旺角，當然要試一試啦！位置在花園街，街市對面。走進食店，第一時間選料配麵⋯⋯睇餸點麵的好處是，見到賣相吸引才點，不用點餐紙，來得簡單直接由於坐在門口的第一張枱，看見很多熟客過來純熟地、念口簧說出心儀食物，然後坐下來。付款後，揾位坐下來，店員跟著會替你拎麵過來。酸齋冬菇蘿蔔豬腸米粉$41筆者都是第一次食車仔麵配酸齋，酸齋味道確實唔錯，但始終覺得，它唔應該放在車仔麵上，應該分開上朋友教路，吃蘿蔔時加點點甜醬，這種食法又別有一番風味，所以很喜歡與朋友分享飲食心得，往往有意外收穫蘿蔔甜度適中，豬腸粉量足，夠入味，可以再清多點肥膏更好，米粉配其秘製辣汁，相當唔錯蝦卷冬菇魚蛋麵連汔水$39蝦卷粉的比例太多，冬菇夠入味，喜歡這裡是用陳皮魚蛋

這間車仔麵自從2年前消失在西洋菜街後，一直都找不到這鋪， 這兩年間，亦食過很多間車仔麵， 但未有一間我是滿意的。 皇天不負有心人，今日我終於找回金豐， 見到老闆娘非常感動， 那碗車仔麵食回我以前的味道， 笑住食，我要瘦D的豬腸，老闆娘盡量滿足我，翼尖非常入味，羅白嫩及清甜，食材樣樣都新鮮，金豐是我心中的米之連==============================

陀地食物嚟講車仔麵應該都穩入三甲。牛牛每次去完旅行返香港最想第一時間食到嘅就係一碗好味嘅《嗱渣麵》。有位偉大嘅食神講過，要整碗好食嘅嗱渣麵並唔容易，因為愈簡單嘅嘢其實就愈考功夫。例如：蘿蔔要揀，唔可以有渣、豬腸要洗乾淨，唔可以有屎⋯咁先係一碗成功嘅嗱渣麵。今日介紹呢間車仔麵店位於旺角街市旁，質素絕對好過銅鑼灣$70一碗嘅4餸麵。舖頭門面非常整潔，直澄係可以用「光鮮亮麗」黎形容。座位坐得舒服唔會，唔會太迫同其他食客背貼背。最重要係冷氣充足！麵底同餸方面，不外乎油麵、粗麵、魚蛋、豬皮、蘿蔔等等，其實講得出嘅都有。最驚喜嘅係牛牛發現呢間舖頭有柚皮賣！竟然仲有鋪頭會去整呢種咁嘥功夫而且冇乜錢賺嘅食物。仲要係一間喺街市旁嘅車仔麵店！而且呢到餸嘅份量超多，睇下張相個兩碗就知，絕對符合到車仔麵嘅真諦 - 餸要多過麵。真係叫淨餸都抵呀！味道 ☆☆☆☆環境 ☆☆☆☆價錢 ☆☆☆☆☆抵食指數 ☆☆☆☆☆