喫茶舍 (紅磡灣中心)

营业中

休息中

第一次幫襯呢間舖，睇左下menu叫左杯奶茶，同埋講要少少糖，唔知係收銀定係老闆負責落單，好串話，唔好意思我地冇落糖嘎窩，我點知你邊款有落邊款冇落啊？我只係想飲冇咁甜，咁樣既態度不敢恭維

假日約了友人去紅磡行街睇戲食飯，夏日炎炎想搵個地方坐下飲下野，橫掂都係即興搵下有冇開心果系列，上網見到有間有開心果飲品，即去試下。去了即見到開心果系列，Yeah!茶飲店來講都算大間，因為有得坐，仲要有幾張枱， 真係做到坐抵飲杯野抖下Relax，裝潢感覺柔和有清新之感。餐牌，飲品有多款選擇。開心果歐蕾，$42。都幾大杯，開心果的青綠色感覺fresh，面層有開心果碎粒，奶泡口感綿密，入口順滑，有濃郁的開心果味，甜度適中，唔會太膩，味道不俗。

裝修雅致，門面是清新，外面裝修用上水泥地，飲品種類不多，比較專注做幾們獨特嘅飲料，價錢非常相宜，人氣飲品大概$30就有一杯，推介：宇治抹茶歐蕾/ Matcha Latte $35 （for 抹茶控）雲沫金萱青茶/ Couldy Four Season Green Tea（清清地，亦都有一層類似奶蓋喺上面，有啲層次感）$30

碳培烏龍珍珠奶茶加仙草（熱）叫咗少甜，甜度剛好，飲到烏龍味，但唔算好濃，珍珠口感唔錯，係我鐘意個款煙韌度，覺得有啲奇怪，啲仙草浮喺奶茶面，因為飲開果啲過常沉底。整體來講，味道和價錢合理，會再買其他口味試吓。