吃得開 (已結業)

吃得開既前身係喜迎館。喜迎館既食評，好壞參半，食過佢既外賣，都中上水平，平日客人亦算多，換咗做吃得開，就少食啦！係呢頭返工，因為「就腳」（其實係因為落緊雨），今日就試試呢間啦！今日order 一個最穩陣既茶記常餐(叉燒湯通粉常餐，$52），同款茶餐，附近茶餐廳係 OpenRice 外賣menu 標價$50，心諗，常餐要整得難食，比整得好食難幾倍吧！一打開個叉燒通粉，嘩，乜料呀？成個隔夜湯飯咁既？！叉燒呢大佬？！撈左一陣，終於搵到啦！可能汲取左有食評投訴佢啲叉燒孤寒啦，呢碗叉燒多過4舊既，但 … 我知你哋啲廚師好刀功，但唔洗表演俾我知啦！塊塊叉燒切到日本叉燒咁薄，人哋日本叉燒一塊cover 到一個碗，我拎晒所有叉燒只係勉強夠冚個外賣兜囉 🥹 成個叉燒通賣相係我近排見過最差嘅。到火腿同炒蛋啦。人哋茶餐廳通常係一塊火腿，但你有2塊，火腿 …… 絲，well，梗係近排火腿加價定啦！炒蛋係creamy 好味既，但 … 你哋係炒蛋，還是炸蛋呢？啲油多到呢 😰唯二值得讚既，係你哋既厚多士整得唔錯（而且有2塊），同杯奶茶都算有啲茶記水準。吃得開個位置，由於位處北角最少人行既死位，除非間舖有名氣或者好好

幫襯左3次！第三次感覺超唔好！第一次食感覺良好，味道好餸夠多。第二次食餸減半，麵又少左。第三次食仲神奇，叫左5個餸加個麵，餸少都算喇！仲要俾小個餸我！錢就收咗！餸就冇俾🤬聽同事講原來哩間唔係第一次！佢上次食都俾小左個餸佢🤬

為生日會訂購咗9盆Party食物 - 味度很好，特別是椒鹽腰果牛柳粒，芝士火腿牛角包，而芝士焗肉醬意粉很受歡迎；每盆份量足，遞送很準時，有信用，超出預期咁好👍🏻經What’s apps訂購，過程簡單，方便👍🏻

因為突然要OT，見樓下有間新食肆，諗住近近地買個外賣，我叫咗個黑松露雜菌意粉。返到公司一打開，目測雜菌得幾粒，我再撩吓個底雜菌全部加埋唔超過10粒，味道就係忌廉蘑菇湯加少少松露味。$64咁嘅質素，足以證明香港嘅租金真係好貴。

新開既食得開🧐 有時返工唔知去邊度食好，見到附近有新開既餐廳，抱住試伏既心態試下呢間新開既餐廳，點知又ok喎🤣🧡 叉燒炒蛋飯 $52Lunch set跟野飲或者餐湯，當日既餐湯係粟米忌廉湯，本身無咩期望，飲落相當唔錯！味道有d似日本罐裝粟米湯，偏甜但個人幾鍾意🥰但飲到底有部份固體忌廉(?)，呢方面就真係要改善下🥲至於個飯呢，份量好多，裝滿曬成個飯盒，好似d飯唔洗錢咁，叉燒份量都唔少，個蛋都炒得幾滑，望落都好靚，幾surprise因為完全超出本身既expectation😂😂題外話：當日大概1點lunch時間過到去，已經有超過一半既lunch set無曬，menu keep住update,感覺有d似大學canteen😂同埋餐廳主要做外賣，隔離都有位可以坐底食，但冷氣唔太夠，依家呢個天氣可能會比較熱，但呢個價位呢個位置黎講都可以接受既~味道：7.5/10性價比：7.5/10📍吃得開北角渣華道321號柯達大廈1期UG樓A號舖📌人均消費: $51-100#hkfoodie #hkig #hkfoodieblogger #美食 #pasta #foodiegram #foodiehk #foodb

新開之前都叫過幾次，上次叫過常餐，意粉得三四啖，叉燒都正常size還好。今次再叫，意粉多返，個叉燒竟然薄切到咁，好失望🥲覺得呢間呢質量好飄忽，希望之後可以控制好啦。

用OpenRice order咗, 去到餐廳, cashier同出餐位置有3位員工。但3個人同時處理落單(1個聽個客要咩, 2個聽第1個員工覆述入機, 但好似入極都入唔到), 無人出餐/ 處理等拎外賣嘅客人… 終於差唔5分鐘, 嗰一位客人落完單, 先有人派外賣。令到外賣, 原來一早比預定時間做好(預計15分鐘, 我早5分鐘去到已可以取)叫了焗豬扒飯, 理應好熱。食嘅時候熱係暖, 味道都唔錯, 但食食下就好快凍咗, 就變得唔好食。正常焗嘢應該係好熱… 同埋豬扒本身無切，不過無畀刀食有啲難搞😅 明白需要環保, 如果唔畀刀的話，不妨喺豬扒上面𠝹返幾刀。有2次用OpenRice order，都備註咗凍咖啡要少甜，但都無少甜到，張單無入到少甜。希望餐廳見到可以改善下。

openrice適逢有優惠，所以試下新餐廳有位坐野食味道正常，份量都幾多，不過都食得晒，特價四十蚊黎講算係咁好似講朝頭早開八點，下次有多五分鐘鬆動可以去買個麵包食下，都多款

lunch落雨， 近近地落樓下食新開，無咩人，好快有得食點左set素burgeram...... 個包是扁的，好明顯無烘過 ...... 好似放左隔夜咁咬落去感覺好怪d薯角炸得好好，夠熱的，杯好立克好夠味，good