叻哥(亞洲)餐廳 (已結業)

做完運動特別肚餓，不願再移動的我跟男友隨意於荃灣西約體育館附近找了間茶餐廳進食。愛辣的我點了個豬扒豆腐喇沙湯米線。於港式茶餐廳點喇沙當然不及星馬菜館的正宗。但$37這個價錢能有此質素我已經十分滿足。最重要的是豬扒大大塊，而且軟冧冧。 最怕就係遇上咬唔斷又乾憎憎既豬扒 xd 圖中可見豬扒仲係剪埋一條條，方便客人食用，岩哂我尼啲懶人。男朋友點的豬扒腸仔飯中規中矩。岩哂以食肉獸冠名既佢 xD服務方面，始終係茶餐廳，顧客多，樓面忙到無停手，要俾多啲包容。Hong Kong style 既速食文化，你懂的

番工前同媽咪食番個午餐份量都多，雞球又炸過炒過都唔un，咕嚕汁都足夠送飯，唔錯但食唔哂原來12點前仲有早餐食，魚柳脆卜卜，同樣又係幾大份，都係食唔哂不過不失，正常茶餐廳水平

出左荃灣, 晚上去左麗城食晚飯, 本來係去另一間茶餐廳的, 但係冇位, 跟住嚟左呢度, 好多位, 好少人, 家姐話係咪唔係好味的呀.點左幾個小菜一齊食, 價錢都抵食的, 40幾元, 有一個餸, 一個飯, 一個湯. 雖然碗例湯勁多油浮晒上面, 又唔係好熱, 但D餸都OK, 唔算大碟, 適中份量, 我們叫左粟米班塊, 京都豬扒, 西蘭花炒海鮮.西蘭花海鮮, 海鮮有魚塊, 魷魚之類. 味道一般啦, 不過不失. 粟米班塊都好味喎, 熱辣辣, 夠香脆, 同埋好多粟米汁. 豬扒都好味呀, 有些洋蔥, 個汁都唔會好咸, 豬扒都淋身的.

其實就好耐無寫食評，但為左呢間叻哥，真係要俾個「叻」你話說，我叫左一個金牌蒜香雞 送 圓肉蜂蜜綠茶，落單姨姨就話無圓肉蜂蜜綠茶，轉左做涼粉冰（但無貼有任何告示）！咁我而家有左bb 5個月，就真係唔可以飲涼粉！咁落單姨姨就叫左經理姨姨黎解話，佢話：一係你轉其他野飲囉！半價！而家係你提供唔到圓肉蜂蜜綠茶，唔係我想轉其他野飲喎！不如你問清楚先黎講吖！經理姨姨立即話：我係呢度最話得事既！唉。。。算喇算喇！而家唔洗你俾半價，咁你想飲乜呀？凍飲加2蚊！我：下。。。你個圓肉蜂蜜凍綠茶，本身已經係凍！點解我仲要加2蚊？？咁你迫我轉涼粉冰，又點解唔洗加2蚊既？？？經理姨姨：咁你想點呀？已經唔收你半價啦！（走左去）（叫返個經理過黎）我：我想飲圓肉蜜蜂凍綠茶，所以我叫金牌蒜香雞呢個餐！咁我已經讓步，要凍檸水（已經唔係叫特飲啦）經理姨姨無答就走左，再叫佢返黎，佢就答：得喇得喇！2蚊都唔收你喇！總結：點解佢提供唔到餐牌上既野，仲要搞到我好似乞佢杯凍檸水咁呢？？？我想講，根據商品說明條例，你係衰左架！唔好再咁理直氣壯同客人講轉其他野飲要半價喇，唔該

這裡剛開業的日子，曾經火爆一時，人龍不絕，還以為有什麼巴閉餐廳來了。最初來試過，感覺是不會紅得多長時間，因為要什麼無什麼，食物也實在很一般，如咖喱是杰撻撻，睇見都唔開胃，食味也沒有過人之處。果然，不足兩星期，店子生意已急速下滑，現在是隨時走入去都可以揀位的。這天時間有點趕，心想不知俾多次機會佢，去了食lunch。十二點幾，只得三檯客，都幾難搞。柯打了日式肥牛炒烏冬，結果上來是海鮮炒烏冬，是我賺了嗎?炒烏冬一看便知是了無生氣，有兩幾毫無咬口的魚塊，幾粒韌韌的蜆肉仔，兩隻蝦是最好的了，起碼有丁點咬口。然而，這個水準，難以滿足到我。連凍飲，埋單四十四，此價位在附近有好幾個選擇，想要突圍，真要加把勁了。