影片
招牌菜
见开咗间点心，一路冇嚟食。附近茶楼都试过晒，星期日同屋企人嚟饮下茶。入到去装修几特别，有别于其他传统茶楼点餐可以用QR code，落单好方便落单冇几耐，好快就有点心，凤爪食落多味精同好咸，有啲失望紫薯包整得好得意，有只猪嘅样，入面紫薯，甜甜地几好食😋第一次喺酒楼食到椰汁西米流心球，好新鲜，啱啱炸完，热辣辣大家食嘅时候要小心热，好味，推介大家试🤤雪茄虾春卷，嚟到都系好新鲜，外皮卜卜脆，但价钱少贵蜜汁叉烧肠晶莹剔透，摆盘几靓，几香滑👍🏻虽然免茶位，但系会收返+1服务费整体嚟讲，点心除咗凤爪之外，其他都好食，环境有别于传统茶楼，不过人手唔够，价钱相对一般茶楼贵咗少少回头再食指数：💛💛/5分满分
继续阅读
今次总共叫左五样野， 箭猪叉烧包，咸水角， 猪仔紫薯包，萝卜丝肠粉，葱油文昌鸡， 食完冇一样掂， 啲嘢油到飞起， 食完之后成手油， 不知所谓， 番到屋企隔一阵觉得好济， 劲唔舒服 ， 劲辛苦，结果呕咗出嚟， 一定冇下次啰
继续阅读
好耐没有写食评，但今次呢间真系要写出来。新开后行过几次都无入去，门口大大只字写「手工点心」，而门口也无价钱牌。星期日中午时分入去，刚刚好唔使等位，坐低就睇点心纸开茶，茶钱$12一位，比海之恋彩荟轩平$1，要了一壶铁观音，上枱时是一个大茶煲，配大排档透明玻璃奶茶杯，真系谂唔到点解会用呢只杯饮铁观音。铁观音完全唔似铁观音，没有回甘味，直头是普通食店𠮶杯茶胆冲茶一样。潮州粉果，皮厚饀少，入口成嚿粉咁，差过街边档$5旧。蟹粉灌汤包，呢旧同潮州粉果啱啱相反，大大嚿剁碎猪肉馅，落咗好多糖好甜但系就系冇乜蟹粉味。煎酿尖椒，应该是油浸尖椒，入口成口油，旧肉松散，食完只碟都系油。酸菜鱼套餐，这个𩠌就好味道，酸辣度刚刚好，鱼够滑冇骨。因此未算全伏。新张期内免茶钱，加一后$176
继续阅读
约朋友到他的office附近食午餐，他知道我喜欢饮茶，便带我去试试一间新开张，名叫《叹茶》的手工点心店。看完点心纸上的点心图片，我们便叫了三款卖相有特色的点心，包括蟹肉啤梨果(咸水角)、雪茄虾春卷及红米金沙肠，这些点心都不会在一般酒楼食到，从外观设计到用料及烹调方法，感受到㕑师的用心制作。三款点心都是即叫即蒸，送到枱上时都是热辣辣的，又不用等好耐。我们还叫了一客一人份量的酸菜鱼套餐(包白饭及萝卜丝配菜)，酸辣度刚好，鱼片又滑又无骨，而且份量十足，结果我们要打包部份点心。唯一美中不足的是茶，非常一般，配不上《叹茶》这店名，反倒盛茶的金属水煲颇有特色，而且保温效果不错。由于是新张期，所以免茶钱，若果新张期后要收番茶钱，必须要提升茶叶的品质。
继续阅读
见新开张就入去试下。 点知就中伏。原来同上手一样系棋哥集团。 点心价钱仲贵过美心，茶钱$12／位，再要收加一！唔系吓嘛？！选择又少，味道又唔系好食？ 真系洗咩帮衬你？ 绝对无下次！！
继续阅读