影片
港铁太古站 A1 出口, 步行约4分钟; 仁孚工业大厦/汇丰路口转入
继续阅读
营业时间
星期一至五
06:00 - 18:00
星期六至日
全日休息
公众假期
全日休息
以上资料只供参考，请与餐厅确认详情
招牌菜
叉烧捞丁面都唔错～但系肉质比较硬身！有好多肉都咬唔开！面质只是出前一丁，只有豉油都味道！没有其他味道！但系职员非常友善！到餐非常快捷！呢个唔错呀。食物方面希望有所改善！
继续阅读
鸡扒肉燥饭（$46+$1外卖价）🌟🌟🌟🌟鸡扒系煎过既，就算冧左肉燥系面，都有d会食到系有d d 脆，几好食。同鸡肉既咸度适中，衬番个饭几好食。肉燥表现都唔错，汁同肉既比例都适中，有时重可以食到d大大粒既肉。不过对我黎讲饭就比较多，下次可以睇下可唔可以叫少饭啦！饮品🧃🧃🧃🧃🧃我就拣左纸包饮品-苹果绿，佢都有几款纸包饮品比大家去拣既，同佢都可以叫柠茶柠水果d。但有得叫纸包，我就一定拣纸包啦，咁样好似抵d？😂😂
继续阅读
师傅早一阵子黎过呢一间食店 ，发觉都几好唔错，所以早几日放饭嘅时候谂唔到食乜，就想起呢间食店，决定再黎多次返啅，而师传今次去嘅时间比上次还要迟，但去到食店竟然冇乜人，真系估佢唔到㖞，唔知咩玩法呢? 于是乎入去坐低后跟住就划嘢食。上次食完一个九大簋之后，今次师傅决定试下其他嘢，谂左一阵决定柯打个米粉，之后就拣左几个𩠌，师傅决定今次唔好食返同上次差唔多嘅嘢，所以拣咗三个𩠌系上次有柯打，再柯打另外三个𩠌系从来未试过嘅。于是乎拣左猪红，鸡中翼，猪肠，牛丸，墨鱼丸同龙虾丸，再配上辣汁同腩汁。说时迟那时快，碗车仔面就到，先试下佢汤底，汤底味道嘅几香几甜，味道讨好，辣汁捞落啲汤底度，发觉味道再正啲，又唔算好辣，不俗㖞。猪红系一粒粒，味道正常，唔算话卤得好入味，但又唔算系冇味，滑滑的口感，可以。鸡中翼今次散叫果然有两只，一如上次，鸡中翼卤得非常入味，加上鸡中翼非常滑身，8蚊有两只又确实几扺食。至于猪肠，猪肠炆得唔算入味，但今次又几肥，加上炆得够腍，收货啦。至于三种丸，简单啲嚟讲都算唔得，丸本身肯定系来货，唔会自己整，所以都唔会有好大期望。牛丸唔香，加上唔爽口唔弹牙 ，咬落去个口感好差，一入口已经唔钟意，绝对唔合格。墨鱼丸就相对好少少，入口都几爽口，唯独欠墨鱼嘅香味，但三种丸中墨鱼丸算稍胜一筹。最后系龙虾丸，龙虾丸都系普普通通，口感可以，但仍然系冇乜龙虾丸𠮶种香味，加上未算好爽口，麻麻地。米粉就正正常常，冇特别。总括黎讲食完呢三种丸之后，师傅发觉比上次个九大簋差好多，似乎其他嘅嘢食好味过丸类，下次如果师傅再嚟呢间食点肯定识叫，环境舒服冇乜人，价钱都合理，六个𩠌一个面底，埋单57蚊，冇嘢饮可以喇。是次师傅再返啅，感觉有少少失望 ，可能因为叫嘅𩠌始终唔啱 ，其实师傅平时食车仔面，真系好少会柯打咁多丸，亦不禁想起这首歌，。所以真系笑脸比唔到到，但应该仲会再黎。
继续阅读
奶茶，茶好淡，要叫佢加茶胆先得鱼蛋有五粒。唔掂，质地劲削，咖哩有啲苦烧卖都系五粒。。好粉。。。。同食粉团无分别之前帮衬过一次，觉得食得下，今次。。。。🤮转咗人？
继续阅读
呢头大约有4间车仔面我食过晒 因为车仔面is my life呢间系最高质最有heart啲店员又好连续食左两日推介：鸡翼 猪肠 鱼蛋唔知点解猪肠一日有老水一日冇？但冇老水都好食冇臭味下午茶冇讲几点开始唔记得问店员
继续阅读