台茶店

好幾年冇幫襯過，近哩一兩個月食返，一次堂食都還可以接受。打後有兩次外賣自取，第一次俾咗錢嗌分湯，結果冇分到，小事嚟，講聲攞入廚房分返開。第二次最嬲，嗌咗個鹽酥雞麵，分湯走青，返到屋企一打開，啲蔥好似唔使錢咁成碗湯都係，最過分就係鹽酥雞麵，我啲鹽酥雞呢？打電話落去鋪頭反映問題，係一個阿姐聽電話，個阿姐就係咁強調幾次話：廚房做緊中學學校訂餐，有甩漏在所難免。係呀，一次半次梗係冇問題啦，但係今次已經唔係第一次，做唔到咁多個外賣就咪學人接咁多啦。初時都好聲好氣同佢講，後尾阿姐就話：我就唔信其他餐廳冇甩漏喇。哇～聽到哩句說話即刻火都嚟埋，我而家係你哋餐廳買外賣，甩漏嘅係你哋，唔通係我嘅問題？一日有過百個中學外賣就大曬？walk in嘅外賣單就唔係單？仲好意思話我打橫嚟講，錯就係錯，道歉就一定要㗎啦，唔想俾人彈就唔該做實事啦，講咁多解釋做乜姐？冇人想知你一日做幾多中學外賣單囉，我只係想正常食餐有餸飯囉，你哋嘅錯誤要我嚟埋單？你估你哋嘅食物味道真係好好咩？如果唔係近近地又加上諗唔到食乜，我真係唔會幫襯囉！永遠black list～～冇下次！…查看更多

因為想飲佢杯珍珠奶茶先專登走去食，一入去我就行去收銀位拎起本餐單睇下食咩好，點知個男職員就勁惡行埋黎話另個女人黎先架，係咁強調話個女人黎先。我就話我都係睇下餐牌食咩姐，個男職員就無理我講咩叫我行開比個女人嗌野食先。好啦，想飲佢奶茶就忍左佢，自問自己又無因為佢咁惡對我而對佢無禮貌，點知到我叫野食個陣，個男職員就勁惡甘問食咩啊，找錢個陣又勁大力將啲銀仔拍係張枱到。姐係咁既對客態度真係不得了，唔會有下次想幫襯既慾望。撇除態度都想講下食物味道方面，正正常常不過不失，就作為聯和墟入面都叫做平價黎講就唔好要求太多，入到口唔難食，但就一定唔係正宗台式野食。基本上嗌咩野食都會免費跟杯指定奶茶/綠茶，野飲係似係台灣飲到個啲偏甜，另外如果你要走冰佢會加你$2定唔知$3。…查看更多

Today I went to the forever tea, ordered the 吉列豬排乾面 and 仙草珍珠奶茶。豬排的賣相和圖片有點出入，望落好orange，味道一半。整體而言一般。…查看更多

午餐免費配珍珠奶茶或芒果綠茶，叫咗兩個乾麵餐，轉其他飲品補差價。鹽酥雞乾麵 配仙草奶茶(+$3) $44鹽酥雞味道正常，但係個乾麵出晒事。乾麵完全唔乾，個麵底煮到淋晒，仲要冇瀝乾水，碗底全部都係水。食食吓啲鹽酥雞跌晒落碗底，浸到淋晒，明白點解唔可以好似得你豬扒咁用個碟分開上。肉燥分量太少，撈埋落啲麵度好淡口。仙草味道正常，但係畢到碎晒，奶茶都係伯爵茶底溝奶精，嗌咗少甜都係好甜，飲咗半杯已經好膩。吉列豬扒乾麵 配芋香珍珠奶茶(+$3)塊豬扒呈詭異嘅橙色，又薄又細塊，冇切斷食得比較麻煩。乾麵嘅評價同上面一樣，不過豬扒分開咗裝，唔會浸到淋晒。芋香味係好假嘅香精味，冇茶味，珍珠口感都尚算正常，不過同樣冇乜味。總結食店嘅定位係低價、填得飽肚嘅平民食物，似細個學生哥嘅時候冇乜錢食嘅街坊小食店，想懷舊嘅可以嚟試吓，我就覺得可一不可再啦。…查看更多

為咗杯仙草奶茶黎 唔係因為好好飲而係 粉嶺聯和墟冇咩台式飲品有嘅話都要成$2x杯咁不如我嚟呢度食個下午茶肉燥乾麵 轉米粉 拼滷水雞翼連杯$15台式飲品只係$32 過$15嘅 補返差價就得啦。枱上面 冇任何調味料其實想加少少辣椒油落去要問侍應先有。肉燥係夠味 但唔夠撈碗米粉滷水雞翼 正常味道’乾麵‘ 我expect係冇湯佢瀝水唔夠乾。成碗份量 加埋杯飲品對我來講啱啱好佢正常餐牌 好多都係$44 up一樣包杯台式飲品按照返我叫嘅茶餐比起佢哋正常餐牌叫嘅都係個多一隻雞翼 半隻滷水蛋肉燥，菜，米粉多少少茶餐 性價比高好多但係咪真係勁好食 我覺得一般啦～質素 對得起這價錢不能要求更多…查看更多

今日2021年4月8日下午大約3:30下午和朋友買香芋珍珠奶茶各1杯，一杯走珍珠走冰， 後來佢收我18蚊, 我話冇理由喎我晚上買都唔使18蚊，佢好惡話“你唔好同我嚟呢套”我喺度做咗好耐，佢話你唔好講啦， 我話你咁做生意咁嘅態度係唔得, 佢斟咗其他奶茶畀我，然後佢再斟，斟咗杯有珍珠有冰奶茶比我，後來我同佢講我講咗要“走珍珠走冰”，我覺得佢鬧客人就精神奕奕。 晚上我入店內， 望到廚房嗰個F字頭女店長可能認得我望實我，我向E字頭男人投訴這個F字頭店長, E字頭名男人職員就說會話佢和說唔好意思, 之後我預備走嗰個女人揸住部相機向住我好似影我咁,真係小學雞行為，之後回家我打去呢間舖頭說返頭先嗰啲事情，佢話嗰個女人做咗好耐, 我再確認係咪走冰要加兩蚊佢話餐牌有寫， 我話唔係錢嘅問題係佢嘅態度問題.我向他說我成日屋企人熊貓外賣幫襯你，這個女人令到我唔想再幫襯， 佢同我講唔好意思，會話佢。總結:今次呢件事我唔會再幫襯佢，我個人覺得如態度好$40，50一杯也值得…查看更多

嗰日我去咗呢間買外賣 聽人講好似好抵食 所以去試吓 我叫左個餐之後叫咗杯香芋珍珠奶茶 返到去先見到原來杯野係冇加珍珠 純粹香芋奶茶.... 而且服務態度麻麻 野係好食嘅 但係係招待客人方面就唔係咁好 所以我唔推薦呢間…查看更多

果晚去買外賣, 天氣太凍, 唔見有人等買飯, 就走左去買個餐等緊個餐時老闆送左杯薑茶尼飲, 出餐5分鐘左右, OK~食物質素/價錢 OK....中等價錢~老闆都幾talk 得, 係咁R水吹…查看更多

吐司用麵包底皮做，硬到食唔到，反映後店主覺得理所當然！食就食唔食就罷的態度！如今疫情下都做不好！祝佢早日收場🤬已熊仔外賣叫既！打返去反映時不知店員或店主啦！再講多次做好些啦…查看更多

聯和墟好多街角巷仔，如果唔留意好多時都會行過左啲小店，錯失良機今次都係食一啲街坊小店，好易比人地錯過個種，非常喜愛聯和墟既感覺，就好似去舊時既香港咁下午菜餐好味道😋😋😋.5下午茶揀左肉燥乾麵/肉燥飯同花枝丸/炸雞，配限定價錢台式飲品一杯🥰價錢都只係30蚊到，呢個價錢真係好難係香港搵到🤗講返食物質素，好似媽媽煮既食物咁，唔係好濃味個種，清淡啲，無咁台式重口味，當下午茶食下飽肚係個唔錯既選擇😊野飲就超級超級大杯，食完哂可以拎出街繼續飲！非常抵😆大家不妨去試下媽媽味既台式菜😁…查看更多

呢到有下午茶套餐，所以下就都幾多學生哥黎食。我叫左個花枝丸乾面，咁岩今日送珍珠奶茶。個面較濕，而且唔夠味，份量都偏細份，當下午茶還好，但正餐黎食未必夠。至於珍珠奶茶，就真係過甜了。…查看更多

收工去食，經過幾次都未試過又心思思想食下台灣野，之前都係帶住個b廢事出街食。。。入面又唔係成日有好多人，點知一試覺得d野又夠熱又幾好味，加埋杯跟餐嘅珍珠奶茶就更有誠意！！又有我今日想食嘅肉燥，味道唔錯叫左個皇牌湯麵，有滷水雞翼，台灣腸，半隻滷水蛋，牛肉，少少生菜，花枝丸，湯底都唔錯，唔算太鹹。。另外珍珠奶茶唔算太甜，佢送嘅份量同平時出街飲嘅差不多！抵飲又可以八達通俾錢，好方便！！原來幾好食，值得再去食！下次叫埋其他人一齊食！…查看更多

我發覺我個人真係好鍾意支持小店每一次都係去一啲平時唔係熱潮追捧嘅小店可能係因為我都好鍾意有家嘅感覺今次呢間係一間家庭式小店☀️放假日 又係唔知食乜好揸車去咗粉嶺 本身想食豬手麵誰不知竟然食左閉門羹冇開門結果就誤打誤撞嚟咗呢間台式餐廳估唔到一樣都有驚喜 （老闆娘好似係台灣人）好有禮貌價錢合理 味道又唔差 日常之選👍🏻值得支持我地叫左幾款套餐#豬手滷肉丼飯（造型都幾得意)#豬手滷肉飯#鹽酥雞滷肉飯#炸墨丸滷肉飯炸餃子#油菜一碟（佢地既油菜都幾得意 食落都唔差）…查看更多