台竹美食坊 (已結業)

呢間餐廳我都幫襯過幾次．．服務態度都ｏｋ呀．．冇ｄ人講到咁差．．野食唻講都算平．．其他地方加哂價佢都冇加．．三十蚊已經食到飽．．味道方面都唔錯．．不過最近ｄ野飲好似失左水準．．一時淡而無味．．一時有怪味．．裝修都幾靚．．不過ｄ冷氣唔知係咪壞左．．長期開得過一兩部．．坐得耐都幾焗．．總括唻講台竹比起同區ｄ餐廳已經算好．．就一間『茶餐廳』唻講．．做到咁已經ｏｋ．．冇理由要一間『茶餐廳』做到有『大酒店』既服務架嘛。

打邊爐 平就真係幾平款式都不錯 漏單常有 次次去親都冇次係齊 圈埋比佢都會唔記得員工態度劣爆 唔係淨係對我地個"木台" 劣囉對其他都10個劣 連隔離木台 個d人都覺得D 員工好有問題答人就晦晦氣氣咁 提供 水 我也是有這個問題 個日我同我媽一行2人 去打邊爐 叫左2杯西瓜汁食完 我媽剛睇醫生要食藥 叫個侍應比杯暖水黎到 杯水熱到唔可以再熱 拎起個杯都成問題問返個侍應 有冇暖少少 個侍應話冇 之後 再問 可唔可以比 2粒冰 個待應都係話冇我同佢講 我媽要食藥 杯水熱得濟 佢既答案 竟然同我講: 你不如叫d野飲丫 我真係好惡然囉 我木台面仲有杯西瓜汁 你叫我叫野飲?!我真係咁同佢講 佢既答覆就係: 公司講明話唔比暖水或者 冰水 人地 只提供熱水我覺得哩間餐廳真係好有問題 第1) 如果我真係貪你杯水 而唔叫野飲 第2) 有冇人食藥係用熱到拎唔起隻杯既水呢 喉嚨都穿啦下話你地平 就係真係平 但係我唔想因為淨係貪你地平 而去受哩間冇人情味既舖頭既氣囉

今日去打邊爐係抵食又平不過服務態度好差我地差唔多食到完我朋友要食藥就叫個男侍應比杯暖水點知佢比左杯滾水我咁我就問佢地可唔可以比凍水我等我溝下d滾水冇咁熱點知個侍應態度好差咁話:問佢有冇冰,比幾粒就可以佢話:我就話我朋友要食藥喎佢竟然話:我真係估唔到一間餐廳連一杯水都比唔到客人!仲要理直氣壯咁!!

有晚同個fd行過置樂......見到間野門口排哂長龍企左好多人....心諗一定好好食....所以去排埋一份.....入到去見個個打邊爐....好似好抵食咁....我地打埋一份...$47兩個鐘任食....真係好抵食....初頭仲以為呃人會收茶錢果d咁ge野....點知真係咁抵....我地嗌左幾杯野飲....但係等左好耐先到....我諗人手唔夠....得兩三個樓面.....不過服務態度一流.....個個笑容滿面....我地追左幾次單....追都追到我煩....但係佢地都笑笑口話唔好意思....所以條氣都順哂....又抵食又好笑容...下次一定介紹多d fd去!!!!!

好有問題low!我去打边爐...坐係度等好耐先有個爐!落單落左＋幾分鐘都未有得食..最後走la~佢收完本身既$...仲要話D 湯既豬骨....材料都要食清but 佢地拾完再放返等要我地食...唔食就要比多$10 我地話D 湯既豬骨等等...唔洗食ar?佢地話要食哂..真係好嬲...佢地D服務又唔好...又要我比多$10我真係覺得好唔抵囉...唉~~大家留意o下

尋晚同男友黎撐枱腳，見咁多人係度打邊爐，都想打埋一份，無奈唔食得．男友要個什錦丸仔湯泡飯＋珍珠奶茶：蕃茄湯底，都唔錯；奶茶幾好．我要個香脆豆腐肉燥飯＋薄荷朱古力珍珠：凍既餸配合暖既飯，味道淡淡的；哩杯野飲，好味．

係屯門區..真係幾難揾間舒服既餐\廳..<br />但台竹...算ok架喇...<br />廳面+廁所都十分乾淨..<br />服務員態度都唔錯...<br />常面帶笑容..<br />食物都幾新鮮..<br />味道唔太濃烈適合現今咩都講求健康<br />價錢比起市中心至少平兩至三成~

寬敞六人卡位豬骨湯底清淡墨魚丸好粉金菇暗淡蟹柳無味芝心丸不錯生菜洗得幾乾淨肥牛肥糕多到....一人一罐七喜埋單五十五一位不設加一限時兩小時唔想煮飯,人丁單薄去得過

間野一開就食過一次，勁難食law，叫左一個魚香茄子飯，根本就一d茄子都冇，得d肉碎，個汁冇味又稀，食兩啖，真係食唔落，之後冇再食。前排肚餓，見間野好多人食wo，諗住可能改善左la，又去食下。今次食咖哩豬扒飯，心諗點都唔會好難食啫。點知出事，賣相ok，但係果個汁+飯凍0既，飯又硬，唔好食。個咖哩豬扒飯廿幾蚊，又冇野飲，食大家樂都好過la。以後都唔去食la!

去過幾次呢間野,次次都係夜晚打邊爐~因為真係好抵食,45蚊任食冇加一.埋單真係$45,雖然唔包野飲不過果度d野飲都好平~同埋都有人係門口食風等位架,建議一係早d一係遲d去就最好~講返d野食先~第一次去覺得40幾蚊真係唔好期望咁大,點知反而幾好wor,最正係有蝦有蠔,雖然唔係貴&新鮮貨色,但已經好surprise,幾十蚊有得食仲想點ar~(不過呢期去好似冇左蠔lu)其他料都幾齊,有隻好特別好似叫做芝心丸,入面係爆漿既芝士,有d似pizza可以拉到好長果隻cheese,好得意~其他丸呀,肥牛,菜類個d都幾齊,我自己就覺得同普通酒樓分別唔大喇.野飲都唔錯,有次飲左個益力多沙冰大大杯都只係$7,仲有好多款揀,有d即搾果汁,勁juicy勁多果肉,feel到完全冇落糖.正!順帶一提,佢仲有2款熟食係比打邊爐果d人任拎任食,好似係碗仔翅同羅白牛腩,不過自己就冇食過,寧願留肚食肥牛^^

其實已經食過好多次,不過而家先記得要俾評語。20蚊左右一個飯,味道一向幾好,另外d咖哩好香~試過佢d任食火鍋,45蚊一位,佢d自製雲吞水餃我覺得一般,不過以咁既價錢黎講算係合格有餘,成日見到一大班人係度等位食火鍋~我鍾意飲佢既木瓜香蕉汁,6蚊杯,連糖水都唔會加,健康抵飲選擇。最愛係楊枝甘露,我食個d同下面張相都幾有分別噃,無咁白"雪雪",一d都唔"水",好好食,如果你覺得鴻星個d已經可以接受,咁呢度既楊枝甘露一定唔會令你失望。10蚊,廚師推介得有道理~

身住屯門，一間餐廳，入面坐得舒服，食物幾好，廁所乾淨，價錢在廿蚊左右，如此「正常」，已經好難搵到。雞排飯，份量ok，味道ok <-$20木瓜香蕉crossover，不只是溝粉，都有生果渣<-$20相對同類型的仙跡岩、仙桃園，大家賣既食物差不多，在這裡價錢會平d。

4-10-2005 1624去屯央拉記睇睇書後，還未同friend集合去食晚飯前，去置樂花園附近睇下有乜地方可以hea下，見到間新裝修，環境不錯的食店，便入去幫襯一下，這裡的位置其實是近屯門公路，仁愛街巿後面附近。今日下午茶唔係好好，所以只叫了一個楊枝金露，細細碗，料都唔算少，因為煲左唔係好耐，所以要落冰，但味道都不錯，芒果幾甜，柚粒有少少苦，都算係咁啦，10蚊兼有強勁冷氣，總好多俾貴租但冷氣多少少都殺死佢為抵！