台灣ET鹽水雞 (福榮街) (已結業)

咁啱喺外賣app見到做緊特價！勁掋！係7折！一個餐先$41，膽粗粗去試下！估唔到都幾好味，雞都幾滑同有啫喱，個麵係平時出面食既撈撈麵咁。又幾過癮🤣唔錯唔錯👍🏾👍🏾👍🏾

今日中午係長沙灣搵食 唔想食飯粉面 搵左間食鹽水雞的店鋪點左半隻雞+木耳+雜菜呢間味道係幾夠的 雞有點鞋但都可以入口 唯一唔太滿意的是D木耳係苦所以真係要小心點菜 下次唔好點木耳

話說近期唔知點解食上癮🤣我都幾鐘意食雞，自從試左似之後，就keep住得閒去食下🤤呢排仲開始毒埋d同事，仲成日叫埋佢哋一齊去check check佢🙈今日試左呢個肉燥飯餐+鹽水雞都非常唔錯👍🏾 個肉燥夠哂香冷泡茶$15蚊，平靚正！唔係出面果d雞就不在話，夠滑又入味🤤You do chicken right!! 🐣🐥不過下次都係叫翻雞食🤤 或者毒啲同事叫個4人份量一齊當餸食🤤🤤🤤好似仲有其他小食，下次再check埋佢🤡

同朋友食完飯，經過見到鹽水雞，買黎做下宵夜🤤我叫左個A餐要雞腿配甜不辣，蜂巢豆腐，雞腎加BB辣正常蔥蒜。之後再加個五款配菜餐要左芭樂，海帶，豬耳，黑木耳，同甜不辣，少辣正常蒜走蔥。原來盒野都幾大，雖然四十幾蚊，但都算抵食😂😂台灣食過鹽水雞，特別嘅就係雞皮會整得好爽脆又好好食呢間啲雞腿肉都好似，幾滑！胡椒五香粉嘅味都夠重🙈我好鐘意個甜不辣，佢喺台灣魚蛋，似年糕咁彈牙！同鹽水雞嘅味好夾，好特別 🤤另外第一次揀生果，估唔到芭樂既味幾爽口😉 BB辣香得黎唔太辣岩晒我宜家無得去台灣旅行但食到台灣夜市嘅小食解下癮都唔錯🙈🙊

午餐叫了份鹽酥雞，不但用萬年油炸，而且油溫根本未夠高就炸，炸出來的雞塊（抱歉，不是雞塊，只是雞屑，粒也不如）油益味超重，一點都不脆！！！份量也是不知所謂，如圖所示，雞軟骨般的所謂鹽酥雞，連1/3個紙袋也不夠！價值$28!無下次！😤😤

呢排成日聽開介紹話肥仔黎鹽水雞，好似好好味咁但元朗又太遠唔就腳。點知今日行行下見到呢間叫ET👽既鹽水雞，就買翻去加餸試下！落完餐後，店員都幾快手撈好食落隻味又真係幾特別同過引喎雞都幾滑又大兜最鍾意係佢d雞皮係彈口果款，中間仲有層啫喱狀既骨膠原 🤤。叫左小辣都唔算太辣，仲幾惹味，涼浸浸好啱夏天食，又可以扮晒健康當減肥餐😂見佢仲有冷麵加底，下次都可以試埋先ET都好似有好幾間分店，唔知同E Tea係咪friend

叫左個兩份餐飯飯都掂餐 $58- 古早香菇肉燥飯 x 1- 鹽水雞 (半份) x 1招牌鹽水雞飯 $42- 鹽水雞 (半份) x 1- 絲苗白飯 x 1我同老婆都係食左1啖就搞唔掂首先飯點解可以唔熟，又硬肉燥完全唔似肉燥2份半雞其中一份竟然得隻雞翼同幾塊雞皮仲有支單雞骨，真係唔知想點仲要完全無味就好似乜味料都無落過既雞一樣無下次 ，無比較無傷害呢句說話係真既我諗今日呢兩份餐比返店家食我肯定佢都食唔落本身諗住比下機會試下新野早知食返呀x伯算好嬲報告完畢

本身已經不凑米氣，天氣炎熱更想吃些開胃的午餐。經過長沙灣的ET鹽水雞，看到好像很多選擇，就這間！因為想試多幾款配料，所以連續光顧了兩天，同樣A餐(1人用)，可選雞胸、雞腿或三隻雞翅，再加三款配菜。1) 鳳爪根，台灣貢丸，花枝丸 (小辣，正常味)雞肉連皮有咬勁，跟手撕雞不同質感，雖然連皮但不覺肥膩。鳳爪根（聽說即是雞的膝蓋骨)爽口惹味，下次都會選這個。整份鹽水雞都頗入味，感覺有點咸，應該選一款中和一下。選的小辣感覺不辣，美中不足沒有走葱，可能太忙吧。2) 米血糕，甜不辣，鳳梨 （中辣，濃味）米血糕軟糯入味，甜不辣口感跟魚蛋相似，本來以為沒有味道但這個有點甜也有咸。今次選了鳳梨，中和了其他配料的咸味，覺得選得很好，下次可試芭樂。份量對於我來說是夠的，而正常食量的或許需要選另加冷麵或飯的午餐了。

尋日係葵廣買左一人餐鹽水雞、 夠飽又好食 唔會過咸。今日諗住再番兜去長沙灣個間。點知勁失望， 打開勁細份 。 叫左雞加百頁豆腐甜不辣，杏飽姑。 豆腐係好細粒， 好似餸頭餸尾咁。仲要味道好重味精， 我飲左好多水都仲係好口渴， 不推

好懷念既台灣味道😜自從荃灣果間分店執左之後，一直都念念不忘。咁岩前幾日揸車經過，竟然見到長沙灣開左間新分店！但咁岩太夜，員工都執哂野關門了😢所以第二日決定晏晝特登揸車出去食返呢種久違既味道！重點係仲可以泊到車😂我叫左個A餐雞髀配甜不辣，西蘭花同皮蛋。雞肉仍然係滑滑既果一種，有d似海南雞feel，但又夾雜住一陣陣咸香白胡椒粉既味道。甜不辣有少少魚蛋味，但口感似年糕煙煙韌韌咁，皮蛋都好出色，好襯果種咸香味。價錢以小食黎講係高價d，但都有成半盒既份量，我見如果想當正餐既話仲可以加個麵底或飯底Tim下次要叫返一隻雞既大餐先😂😂😂返屋企慢慢嘆！

今日買左一個《終於食午餐 》要冷麵 芋絲同日式豆腐買到返嚟 發現佢比少左一個餸 根本無比到芋絲簡直係呃錢 都唔知係咪有心仲要啲麵乾爭爭鞋圾圾 難食過上一次勁多無下次！ byebye!

平時經過開長沙灣都見到呢間新開既小店，又見佢好似有幾間分店咁。今日終於的起心肝衝去試一試。-一向都好鐘意食台灣野，去親夜市都會狂掃街同一定會食鹽水雞。真係估唔到，疫情關係邊度都去唔到既情況下，竟然可以食到呢陣久違既味道。🤤-我叫左個1人餐，揀左雞脾配甜不辣，海帶同花枝丸。份量都幾多，d雞好juicy同滑。我本身唔食得太辣，所以揀左個BB辣試試。店員仲同我講解話d調味粉係台灣黎既胡椒粉，食落去真係好香，d雞又索哂d汁，超入味！真係有驚喜喎 😋我諗我之後會試埋其他餐😍好開心又發現一個新食點 🎉🎉🎉

係台灣最鍾意食鹽水雞同滷味，呢啲平民美食係香港好難先揾到，最近因為疫情根本邊度都去唔到，咁啱發現屋企附近最近開左間鹽水雞就即刻買黎試下睇點菜紙都算多款揀，但其實價錢都唔平，嗌一人餐對我黎講一定唔飽，所以揀左一人餐再另外加配料，最後total $91間鋪得2個女仔，我買完之後，後面又多左幾個人，但可能新開未熟，都起碼要等15分鐘先有返到屋企即刻食，嗌左中辣真係好鬼辣，下次都係嗌返小辣算，餸都好入味，份量唔算少，下次得閒應該會幫襯