台灣美食 (已結業)

其實去過呢間野食過3次好鍾意食佢個個酥炸雞球肉躁飯=]雖然普普通通但係飯同送既份量足夠食飽一餐有餘(對女士來講大部份的吧!!)今晚另外同同事叫多左個炸蝦餅...普普通通沒什麼特別不過店內環境尚可食飽傾左成晚偈都唔會比人睥/趕客走係唯獨是本人唔食煙-_- 食煙既客人在門外吸煙就攻哂入店內了...汗

晚餐要了豬軟骨飯和葡萄紅茶，一共28元飯味道可以接受，但沒有甚麼特別飲品略酸唯一可讚的，是上菜速度很快，價錢也可以接受。

同朋友仔y小姐黎呢度行街,所以就腳就黎左呢度食lu!我叫左個肉燥飯,d肉燥唔錯,個味armarm好,同埋幾大碗,我食左半碗已經好飽,隻老旦都好入味,正呀!仲有叫左個珍珠奶茶,不過甜左少少,d珠好食呀我地都覺得^^gd 呀都~~呢個價錢係reasonable!

放緊假其實唔係咁想寫字, 但又不吐不快.....年初三大約十點鐘, O係始創中心後面搵到喱間門口寫住\"台灣美食\"O既茶餐\廳, 見咁多間最多人都係佢\地O米入去試下.....我同男朋友兩個人每人叫左一個餐\:1. 蟹籽包心丸米線+ 十八蚊以下飲品(揀左蘋果綠茶)2. 芘芭蝦肉燥飯+ 十八蚊以下飲品(都係揀左蘋果綠茶)我記得大約每個餐\三十幾蚊....其實野食野飲真係普通到冇乜好講。個蟹籽包心丸係街市都有得賣。芘芭蝦係吉列炸,份量有兩件, 蝦係冇蝦身只係得隻蝦尾...味道一般。但三十幾蚊都唔係有好大期望啦!重點O係度! 佢\門口有一張紙寫住\"假日照常營業\"。我心諗:鬼唔知咩。但俾錢時就知喱句話係有玄機! 我見我男朋友俾錢時同個收錢妹妹問左句野, 我又聽唔到佢\地講乜,出到門口我男朋友個樣就好似心有不甘喇!原來我男朋友係問:點解張單會有零頭九毫子尾O既?數銀妹妹答:係呀加一嘛!...............要自己行去俾錢, 仲要加一!我想同佢\地講o既係, 如果因為果幾蚊令到客人嬲到永不光顧, 咁實在係得不償失! 如果假日有加一, 亦應O係門口果張寫住\"假日照常營業\"既紙上寫明

次次都係lunch去食. 最好食就係魯肉飯(而家次次去都揀呢樣) , 好多料, 那個汁好味, 可以食哂成個大碗飯. 湯米的湯就淡咗0的. 台式飲品都可以.平日lunch去食, $28的餐, 唔加錢配特式飲品, 都可以揀紅/綠茶/"銀菊露". 呢個價值, 配呢個質素, 同區算不俗.

今日和同事一起去食呢間野平時都冇去過食, 今日心情好就入左去試下叫左個肉x飯食, 好多肉, 都幾香幾好食但係杯野飲就真係差左少少, 雖然好鬼大杯, 但係唔好飲幾大杯都係假既!28$ 來講都算ok既, 但係下次食我諗唔會叫野飲囉! 平d...

雖然裝修嘛嘛,但可看到其心思。盬酥雞球飯不錯,多個飯,味道也好扒就比較硬而干,好似泠封了一萬年一般飲品就頗差,顏色像畫完水彩洗筆水,味道又太甜總括來說,二十幾元一個午餐包飲水彩也算OK

岩岩同朋友落黎旺角，我肚餓就響附近搵食...雖然成條街都好多食店，不過見佢呢間食台式野，價錢都OK，咁就入黎試下叫左個椒鹽豬扒飯餐$28，+3轉椰香珍珠，朋友淨飲圓桂茶$16椰香珍珠：第一啖飲好難飲，甜到飛起，我自行混入一杯清水才勉強OK...椒鹽豬扒飯：好細碗(MENU上寫大大碗飯)，豬扒得4,5條，有點硬同乾....有2條菜朋友說個茶都OK畀岩岩好47蚊個收銀小妹妹，踏出門口一步她才說今日係假期要加一(?????)，<我心諗你地成間野入面都冇寫到，出面既餐牌又冇標明，好似呃人啵，而且沒什麼服務可言，全部都係小妹妹幫手....>，我就問佢即係幾多錢，佢叫我畀52蚊佢，之後我以為佢會找錢畀我不過佢話已經OK了，<我心諗就算加埋一都係51.7，$0.3都唔找(再???????)>，我唔係貪個3毫子，不過真係好有問題囉....!!!!因為有朋友響度我唔嘈佢地咋﹗畀我一個人對住佢地我唔嘈到飛天都唔肯走，哼﹗一人唔找一元幾角既話佢地一日真係賺唔少啵~

同屋企人黎食午飯,要左個鹽酥雞球米線同咖喱雞球麵,本來以為鹽酥雞球係炸但咖喱雞球係好似咖喱雞飯個d咁,點知上到桌至知兩者原來一樣都係炸雞球,只係個汁唔同,不過後者咁就貴兩蚊!鹽酥雞球比九龍灣分店無咁好,唔夠香脆,但係好似大碟些;而咖喱汁就唔辣;其實雞都幾大碟,粉又多,所以食到好飽。

上次因為周圍既店都多人．迫於無奈入左呢間野點知．．．．．叫一碗好普通既雞亦米線都可以整得咁難食．．．．．真係從未食過咁難食既野．．無論．湯．米線．雞亦．．甚至果隻菜都係難食湯好似味精湯．又濁又難嗅．米線又林又唔彈牙．．雞亦又太老．．但菜就太生．．．嗚～真係好慘．．結果．．食左２啖就無食