影片
食家推介
之前也有食过中国厨房的红烧牛肉面都几好！但因为价钱不便宜，所以都冇经常性食，都系偶然先会试吓！今日中午兴起同同事一齐去食红烧牛肉面，去到嘅时候服务员嘅态度没有以前咁友善，同我地讲冇lunch set，我哋都冇所谓!因为𠮶刻真系好想食！入到去我哋叫红烧牛肉面，等左成半个钟，终于等到先发现阿姐落错单，我哋又要继续再等多10分钟！都算啦！点知红烧牛肉面汤底冇红烧牛肉嘅味道！牛肉都冇牛肉嘅味道！！啲面太淋，一啲咬劲都无！！买单𠮶刻真系好肉赤！！用左$100蚊都唔知食左啲乜！！！
继续阅读
一向以为这间餐厅主要做游客生意，所以常常经过也没有试过。今天有同事力推这家店的午餐，我就试一下吧！这间餐厅位于广东道中港中心，位置十分就脚方便，我们就随侍应的吩附到了七楼。一步入餐厅，七楼的景致开扬，装修古色古香的，感觉高雅。最意想不到的是在尖沙咀有这样的环境用膳，而他们的午市皇牌套餐只索价$45-$62！仲包包主菜、饮品同凉菜一款，无加一，认真抵食！凉菜/蚝汁烤夫：虽然细细碟，但是一点也不马夫。烤夫十分入味软稔，满有蚝汁的鲜味，味道唔差。凉菜/香菜鲜腐竹：这个腐竹口感有点硬身，有点干，感觉一般。叉烧烧肉饭$50哗啦！这个叉烧烧肉饭十分足料！差不多完全盖过饭面！叉烧肥瘦刚好，带点焦香，味道香甜，肉质软稔有肉味。而烧肉的皮脆卜卜，烧肉半肥瘦，带点脂香，味道唔错。加埋软绵的白米饭，十分满足。台湾红烧牛肉面$62这个牛肉面质量不错。牛肉是牛𦟌部分，炇得入味，肉质好稔但又不失口感。而面条是幼条扁身的那一款，质地比较稔，口感滑溜，配上富酱油味的汤，味道没有想像中浓郁，味道可以。以$62包小食、牛肉面同餐饮，性价比算不错了。奶茶这杯奶茶够热，茶味香浓，也有奶滑口感，不下糖也不涩口，同茶餐厅有得fight.柠檬茶这杯柠水有成四片柠檬，柠味十足，有助消化。虽然味道未致惊喜，但以环境舒适度、价钱同食物质数，相信这儿将会变成我的尖沙咀饭堂。
继续阅读
位于广东道既#中国厨房 x #台湾牛肉面 睇住佢咁多年都未食过，今日终于试咗喇！牛肉确又香又淋，面条Q弹，汤底咸甜适中，盛惠$78！其实还可以。可惜原来系游客价😅 可能以为我地是游客瓜！其后被发现其他人一碗牛肉面连小食及餐饮都系$55，仲有茶费$12/位，当堂觉得自己系水鱼🐟。试埋蚵仔煎$88，这个就不合格，没有一点台湾味。失望！
继续阅读
系呢度食饭，我真系唔知我系边，其实我只系中港城啫。环境系可以接受嘅，都算干净，可能未到lunch hour，唔算多人。一睇餐牌，我真系怀疑我自己返左上去餐厅所写嘅价钱系用人民币，港币系用括弧细字啲写，呢点真心失望。。。明明我地系香港，点解要咁样嘅表达方式呢。。。我唔认为正常常写份餐牌会无生意，亦唔系咩优惠，真系唔明。叫咗佢招牌嘅红烧牛肉面同叫左碟菜share，味道还好，牛肉都够味嘅，有酸菜伴，份量够饱嘅。价钱贵咗小小，一碗要78元。
继续阅读
位于广东道嘅一间台湾牛肉面，望到个门面都似系做大陆人生意，所以知道呢间铺头好耐，但一路都冇试过。突然间心血来潮真系想试吓，估唔到都几有惊喜，味道都好唔错。呢间台湾牛肉面味道会比较偏重，因为我钟意浓味嘅关系，所以我觉得OK。我哋两个人叫咗两碗面，分别系红烧牛肉面同四川担担面。红烧牛肉面个汤底好香牛腩香味，面质都唔错，系比较硬身嘅。我最钟意嘅系佢嘅四川担担面，好香芝麻同麻酱香味，面质好滑，非常惹味。另外小食都叫咗红油抄手同糖醋茄子，红油炒手里面嘅肉质唔会好容易烂。另外糖醋茄子，酸酸甜甜，好开胃。所以真系估唔到，以为做大陆人生意嘅餐厅质素一定差，其实食物质素唔错。
继续阅读