影片
终于有机会试试，每位百几蚊任您砌，质素都在预期之内。唯一食得过就只有雪花肥牛，愿主祝福您 ﹗楼下座位已满，侍应妹妹接待到楼上雅座。阁楼好矮㖞，高少少都顶头锤，其实依几个食肆舖位既阁楼都一样啦。坐低环顾四周再望望点菜纸，居然要自己行出行入取食物，对连自助餐都唔食既我来说，件系非常厌恶的事情 ﹗肉骨茶汤底，清淡如水，求其掉点药材，清鸡汤做底就算数。雪花肥牛，卖相都十分吸引，掉到滚汤中拖两拖，嫩红色即卷上蒜蓉指天椒豉油享用。滑溜又有咬口，香甜味美，牛味浓浓，牛脂牛肉汁非常丰富，加上豉油清香及辛辣味道，味道更加突出，好味㖞 ﹗添食添食，真的停不了。特级肥牛，瘦猛猛没半点脂肪，鞋烚烚地嘴嚼，牛味特浓但韧到死啰 ﹗豚肉片，不嫩不弹，不香不甜，比瘦肉还要瘦，失望。海鲜并盘，另加 $108 蚊无紧要，眼见一大堆生料都未能使我提起兴趣啊。鲩鱼片，还似为系脆鲩，原来是普通鲩鱼，跟粥档鱼片一模一样，草青味突出，试一片便够。花蟹，细细只水蟹无肉食，幸好肉质不霉带滑，味道还算甜美。中虾，爽爽弹弹又滑滑，配上蒜蓉指天椒豉油蛮不错。蛤蜊，BB 蚬没半点肉，幸好新鲜弹滑有海水咸香。蚝仔，的骰但肥美，蚝汁在嘴里爆开，可口满意。火鸡子，都放了短长时间了，肉质都塌晒，汤底淡又无腌过，腥味略重。牛柏叶，留意火喉一缩即食，爽弹但无味道。包心丸，非常大路外购货，唔难食无意见。南瓜，我不吃的。粟米，放到干争争，食落有渣。萝卜，不甜带渣。冬瓜，最正常，烚到完全熟透，爽又带点棉，好味。拍青瓜，室温不冰凉，怪怪的，只有强烈酸味，吃不到辣味，不过不失啦。菠菜，使我想起韩烧的前菜，外购几好味，爽爽的、咸咸的。烧牛舌，腍劈劈，膻味霸道，no good ﹗烧台山猪肉肠，即系台湾腊肠？有腊肠既味道及香气，内外都咽咽韧韧，但微暖唔热啰。烧生蚝，石蚝奀滋滋、细细粒，外热内冷好功夫，麻麻地。烧鸡全翼，无腌既？里面完全无味㖞，外面烧到太㶶。净食雪花肥牛同食菜好喇，其他鱼虾蟹丸萝卜，仲有串烧都算罢啦！
继续阅读
收左工好肚饿，住上水甘多年好多餐厅都食过哂，😂但台正烧牛涮锅仲未食过，今晚决定试试看。本想叫个特别d既汤底-肉骨茶，但惊热气，所以叫左椰子鸡，汤底甜甜甜地，椰子味好淡似有甜味既清水。胜在材料新鲜，出面有蔬菜可自己拎，叫左$168特级肥牛，牛肉色均匀，食落口感唔错，牛柏叶够淋，羊肉唔so，蚝鲜甜，鱼皮饺好食，其他都正常，不过不失。唯一不足今日无虾同蚬。唔洗加一，又好食过市区打边炉，唔错选择，下次简其实汤底应该会更好味。
继续阅读
以前想食牛涮锅都一定要出九龙食，但仪加上水就有得食啦。今次拣左特级肥牛，椰子汤，配一杯港式野饮。个汤底有小小失望，有几条椰子肉，罐装椰子味，比起另一间既椰子汤差得远。先会上一碟豚肉加一碟肥牛，之后可以无限encore。肥牛我地追加左5次，因为实在太合我心水，我同朋友都唔中意食太肥既肥牛，仪加好多都话果d先系雪花肥牛，但系问题系人地雪花肥牛真系入口即溶，通常任食既雪花肥牛，所谓既雪花其实就系肥肉。哩间既肥牛带有一点点肥肉，食几多碟都唔会觉得济。仲有就系哩间既肥牛完全冇雪味 至于豚肉就比较一般，我地食左一碟就冇再encore。酱料方面都算齐全，麻辣酱好味 除左港式野饮之外，汽水任饮。除左肥牛同豚肉要额外落order，出面都有唔少野食任夹。推荐炸芋头，好香芋头味同埋好松化。果日全部青菜都好新鲜，好似岩岩摘出黎咁
继续阅读
我地一行四人系8:30到，写咗order, 点知佢地嘅侍应经理正正系到食鸡煲，可能系晚餐。我地等咗再等， 大半个钟， 唔止一样食物都未到， 连汤底都未到！我叫佢地跟跟， 佢地竟然话等佢食完先。最后我地两个钟内， 系食咗两份牛同猪， 同睇佢地食足八个字鸡煲，不知所谓！！
继续阅读
朋友介绍我黎呢度 就即刻试试啦价钱都几接受到 打边炉仼饮仼食$148@1人 免加一 另送一杯港式饮品但鼓励四人以上过黎食 会送鸡煲 更抵食同朋友两个人食 鸡煲要加68蚊 所以冇叫到环境都几干净企理啊蔬菜类同调味料系自助形式一坐底就有侍应问要咩汤底朋友想食冬荫公就叫左 汤底内有蕃茄 味道酸酸甜甜睇翻食材种类 原来都偏少冇厨师肠冇蟹籽丸冇牛筋丸 有点失望总结 一般啦 始终打边炉都系讲求配料
继续阅读