影片
已经食了10次8次，初初系好食，服务亦不错，但唔知点解越来越难食，水准非常不稳，有时好D，但通常都差很多，像不同师傅处理，而且，楼面亦好唔掂，唔系要咩服务，但都唔使10次有8次都错，叫杯野次次都错，枱客多就话啫，得一两枱都咁，3枱以上都唔知点搞？！有次明明下午茶有的炒粉面，佢计正价，但即刻推卸责任话你唔讲清楚先，我愕一愕然，跟住佢纠正番，我心谂，你都可以问啫，无客㖞𠮶时，好忙咩，个客都未出声已慌死第一时间推卸，唉……！差到令我写食评，系因为刚食完𠮶次晚餐真系难食到垃圾级，连最基本饭都系生？！……俾咗好多次机会，以后以后不会再试！
继续阅读