臺北站 (已結業)

經過看到看板寫著"熊貓奶茶"，看似粉有趣的剛巧有點口乾就放棄貢茶試試這間相比起有數人在排隊的貢茶，這裡一個人也沒有...不過既然決定了就試試吧。。。要了大的熊貓奶茶，少甜少冰看著收銀背後那青年狂按糖水，已經心知不妙，我不是要少甜的嗎。。。看他按了不下五下。。。究竟他有沒有看清我要少甜的？然後又看到他下了大半杯冰。。。好了，我無語了，他根本就不是跟據我的要求調製的吧？拿到手，一喝。。。。果然，我從未喝過這麼甜的所謂「少甜」，這根本已經是加甜了吧！？而且完全沒有奶茶應有的茶香和奶香。。。簡單來說就只是杯糖水。。。至於珍珠倒是蠻QQ的，但那白珠的味道很怪。。。。最後媽媽也著我不要再喝下去。。。。白白浪費了12塊 =口=果然嘗新是有風險的。。。。

咁啱今日要去沙田做野，做完野梗係蛇返陣至返公司。去到沙田中心超口渴，四圍搵野飲，見到臺北站隻熊貓，好似幾得意，十幾蚊一杯，都抵飲嘅。原來熊貓奶茶係黑白珍珠，都唔係咩特別野，不過用隻公仔包裝下，又引到我呢D人買o黎試。杯野都ok嘅，咁大杯都係10蚊多d。下次再蛇可能都會再買。

開張試左次多多 感覺麻麻..呢近想飲有紅豆既奶類..宇治就岩哂.見呢間12$大杯好抵..就試下..點知好淡..好麻麻..一半打後直頭淡口到好似水溝稀奶..紅豆勝在多過隔離間x茶小小..但整體都係唔會有下次..張卡都撕走了...

呢年幾以來，台式飲品風由旺角吹到黎新界。跨張講，你可能落街行下，就搵到好幾間呢類型既舖頭。所以有時真係唔知點選擇，咁呢日行過。見貢茶太多人，就轉移過黎呢度。呢度有樣好，珍珠有大、小之分。不過，我都係覺得大珍珠好。珍珠奶茶呢間既珍珠奶茶都算幾好飲，茶味真係夠濃。而且珍珠好煙韌彈牙，佢地係預先將珍珠放糖水浸一段時間。咁珍珠既味道會融入到奶茶到，呢個唔係間間都做到既。呢一間既珍珠奶茶算幾好飲，而且等得唔太耐。唔錯唔錯。

今日放工又去咗沙田，去到沙田中心，見到有間嘢飲，原來係台北站，我最初鐘意飲Happy Lemon，之後係貢茶，所以都冇試過其他嘅舖頭，今次咪試吓台北站啦，今日放工又去咗沙田，去到沙田中心，見到有間嘢飲，原來係台北站，我最初鐘意飲Happy Lemon，之後係貢茶，所以都冇試過其他嘅舖頭，今次咪試吓台北站啦，我梗係試我必飲嘅”芋香奶茶”+細珍珠，但見到佢有個新推介----係熊貓奶茶，我又想試，haha~梗係要我男友叫呢杯啦，原來熊熊貓奶茶嘅意思係黑珍珠 + 小丸子(我好鐘意食嗰啲日式嗰啲“白玉”呀！)我飲咗自己嗰杯幾啖就迫我男友比我飲佢嗰杯，我想啜到啲白玉，飲飲吓，索性同佢調轉飲，最好笑係佢唔飲竽香架，haha~佢話總知我自己叫呢杯啦！其實佢啲芋香奶茶都好好飲呀，加細珍珠都好正，可惜暫時我有新歡--台北站嘅”熊貓奶茶”喇，而家心思思想成日飲呀………聽佢哋啲員工講會出奶凍，救命呀，我一定會試呀….但可唔可以啲奶凍嘅珍珠可唔可以係小丸子呀????!!!!!

今日諗住去貢茶買杯野飲, 不過好鬼大雨... 咁就走左去台北站買野飲啦... 一去到見到佢出左杯野, 叫乜Q野熊貓奶茶... 咁咪叫杯飲下啦.... 我以為佢同普通既珍珠奶茶冇乜分別.... 開頭以為係唔同顏色既珍珠, 咬落去D質感有D唔同.... 問返個D員工原來個d白色物體原來係小丸子.... 食落又真係幾好味.... 又幾特別.... 啜多兩啖, 有個疑似老細既物體.... 叫我試下個個什麼奶凍... 又話咩珍珠奶茶既新食法... 我心諗, 洗唔洗咁旺旺呀.... 講多兩講..... 諗住走人, 點知佢話免費, 正所謂有食唔食, 罪大惡極.... 咁就梗係要試啦.... 佢加埋D大珍珠俾我.... 咁我咪啦啦淋食返啖試下囉!! 食落去又幾ok喎....唔係講笑, 好滑... 又有茶味.... 撈埋D大珠, 真係正過飲珍珠奶茶.... 醒起我老母都鐘意呢D野... 咁咪啦啦臨問老細醒多兩杯黎孝敬我老母.... 點知個老細話, 多謝你16元蚊牙.... 8蚊杯????? 算..... 又真係幾好味, 抵我豪俾你.... 之後即刻返屋企.... 俾阿媽同阿妹試食~食完之後佢地即刻樹起手

昨天食完晚飯經過臺北站，睇到個黑板介紹熊貓奶茶，立即被它的名字吸引了! 問問店員，原來係黑白珍珠奶茶，好特別，結果買了一杯試下。黑珍珠係一般的珍珠，味道調得幾好，幾彈牙，而白珍珠的質感不同於一般的珍珠，有點似湯圓，好彈牙，唔漏！臺北站的珍珠奶茶我已飲過幾次，茶奶味夾得啱啱好，次次都KEEP到個水準! 店長話仲有奶凍出!好期待!!!