台北東南台式火鍋 (渣打銀行大廈) (已結業)

最近見呢間新開，一直打算一試，揀左下午茶，入到去環境好好，開陽嘅玻璃窗，大卡位自助下午茶比低咗張單就可以出去拎嘢食出到去見到啲嘢食好少見到有手抓餅，春卷，薯條，都開心咁拎完返去食啦，點知啲炸嘢全部唔熱唔暖既😂😂😂因為天氣凍都想食啲熱嘢，去拎咖喱魚蛋冇豬皮，炒飯太多硬桔桔既飯同我之前見到其他食評，好似有出入，佢哋個日有多啲野食大家都好大落差，太少野，雖然唔係貴，但比人感覺就係，下午茶清午餐既野寧願去食 素食樂園下午茶😂

偶爾見到有生日優惠(生日正日免費)，姑而試一下這間新店。有驚喜，雖然食物種類不多，但豬，牛，羊肉肉質都比連鎖火煱放題的好多了，尤其牛板腱，很爽口，不油腻。另外，鱔片，八爪魚仔，大豆皮都很好吃！熟食小吃就普普通通啦，欣賞的是炸鱿魚，蚝仔都是脆口新鮮的。飲品甜品尚可，都有不少選擇。值得一讚是服務很不錯，上菜快，座位寬敞，用餐時間90分鐘，但過後都不會催促你離開。綜合来說，覺得是間不錯的火煱店，會再幫襯。

中午行過新蒲崗，睇到新開左一間台灣野，見到有88蚊套餐，仲有半自助餐，就入黎試下。同朋友一行三人叫左香辣牛肉麵，花雕雞麵，蠔仔肉碎泡飯香辣牛肉麵：淡而無味，牛肉亦只係打邊爐既肥牛，要自己出調味吧拎調味料加返先勉強食得落花雕雞麵：白拾雞肉，食落仲有雪味，完全無花雕味，加左調味料，麵係勉強食到蠔仔泡飯：成碗湯飯，只有蠔，生菜，肉碎同大量薑，食落只有薑味，食左兩啖完全無晒胃口。自助區食物：中規中矩，個人覺得比午餐幾個飯麵仲好食，洛神花茶飲落會有灼喉感覺，建議飲罐裝飲品

今日經過新蒲崗，見到有間台灣火鍋店叫做台北東南，今日我地兩個人去吃半自助午餐,每人點左一個麻辣牛肉麵,一個蕃茄牛肉麵，免費任食仲有滷肉飯好多小食我地食左台灣腸，雪糕，仙草涼粉紅豆任食飲品任飲都係88蚊加1非常抵， 環境好乾淨， 埋單仲有遊戲還有抽獎，服務員態度非常好值得推介，下次會再嚟

最近呢間台式餐廳新開張，好奇下試試$58下午茶自助餐，任食熟食區和飲品甜品。本身都唔抱有太大期望，所有唔會大失望。入去有窗口卡位坐，環境都幾舒服。熟食區食物款式眼見唔太多，無餐牌上面款式咁多，醃製冷盤同炸物最多。店員表示款式每日唔同，所有有幾款無得試。對我黎講比較吸引既食物有鮪魚蛋餅，甘梅地瓜條，芋圓西米露加紅豆仙草。滷肉飯唔夠濃味，其他炸物一般般。食物好快就清空，食物 refill速度唔夠密，所有要等陣先可以取，雪糕雪條唔係太吸引無試到。下午茶食物整體真係好一般，如果食物款式增加會吸引好多，希望黎緊會改進下。

經過幾次見到夜晚火鍋好似幾貴、今日中午經過見到午餐 Menu $88 一個人再加一！揀一款麵或者飯，入座限時 60 分鐘出面啲小食同埋甜品任食。裏面啲位都幾好坐、但係12:30都冇乜人 ⋯ 我估十個客都冇唔知佢可唔可以維皮，但係裏面啲 Staff 全部都有禮貌既。坐低就可以出去拎小食，有花枝丸炸甜不辣好似仲有鹽酥雞( 拎到一舊）同埋一堆炸地瓜炸薯條等 ⋯ 最後仲有一個蛋餅同埋茶葉蛋。講真啲小食唔夠熱、不過醬料任抖後尾可以用來配牛肉麵食，蛋餅凍左但係裏面啲料好食。嘢飲有花茶、港式包裝飲品、罐裝汽水等，仲有台灣蘋果西打同黑松沙士。食食吓小食蕃茄牛肉麵到 ⋯ 大大碗望落去都多料，不過湯頭好一般冇乜味，牛筋牛肚都有不過有一舊牛腩勁 un 咬唔落、碗麵只可以話一般。最後去食甜品 ⋯ 嗰個熱嘅芋圓西米露出乎意外地好食，仲有雪糕雪條、埋單$97都算滿足。