叮噹叮丼 (已結業)

今日落大雨☔，我又要趕回家，比我發現巴士站🚏附近有間外賣食店。店舖有齊日韓台泰既丼飯，連素食都有(真貼心💛)，仲有小食及下午茶餐比你選擇，做外賣形式好方便，又平又抵食。新推出💥泡菜豬肉丼🍱 $43香辣🌶泡菜配豬肉，豬肉大大件又夠淋，有埋泡菜汁撈飯食😋好味道特別推介💯滑蛋豬扒丼🍱 $49滑蛋配香脆豬扒，豬扒外脆而內裡肉質嫩滑，又夠大塊及厚身小食🥡鹽酥雞(小) $20又香又脆鹽酥雞，台灣地道小食，脆口好味道炸雞軟骨(小) $20爽脆炸雞軟骨，細細盒都好多，仲好香地瓜QQ棒🍠 $14/3條呢款地瓜煙煙韌韌，口感特別，都有少少甜😋呢款我鍾意超足料竹蔗茅根🎋 跟餐 +$8清甜可口竹蔗茅根，用樽裝好，仲係密封式設計，唔怕倒瀉，好貼心🥰叮噹叮丼 (油麻地)油麻地彌敦道518-520號彌敦行地下B號舖

今日經過彌敦道,見到呢一間外賣飯丼～價錢相當實惠 $30多至$50多不等咁就一於買三個飯丼返屋企食🤪佢有好多唔同種類：有台式，日式，韓式等等但係可能因為三點先到達 有一些已經售罄了🥺自己就揀選左三款：包括蒜香牛肉粒丼、醬燒豬軟骨丼、特大日式咖哩漢堡扒丼見到小食都好吸引～再叫多條台式香腸$10 加起來都只是$150相當便宜🤩🤩拎返屋企打開一看，賣相都好靚大漢堡扒中間有芝士流心超級正蒜香牛肉粒也好吃，有黑椒味送飯一流！豬軟骨亦都鬆軟香甜，又夠大份😁值得一題是醬汁夠多所以基本上都好夠撈飯食😋這兒價錢相當，便宜工作人員態度又好～值得嘗試🌟🌟

今日要返學，勁唔想食麥當當。轉隔離，就見到你。因為落雨，影唔到小小店子，好齊全，好乾淨，整間店都好企理。之後，我就叫了牛柳丼，好味好味好味。3:2:1，你睇到嗎？飯盒+餐具，簡單顏色，乾淨俐落。飯—我估計都一碗半，霸有牛柳粒+菜，很飽肚了。牛柳粒真的有口感。我吃時不鞋口，但又很有肉汁，又不「痴」牙，點解呀？真係好利害。Um...好似食牛扒時切開了一小粒，但肉汁就係入面。菜，的配搭也好，幫助消化。加左的茶，飽到要拎返屋企飲。

今日經過這間新開黃店，以台式飯及小食為主，價錢亦算抵食，買了幾個飯返去同屋企人做晚餐。4點幾去到，好多飯都已經沽清。和風牛肉丼牛肉加了洋葱煮，肉質嫩腍且又唔算肥膩，牛肉肉汁滲入了飯內，份量正常。蒜香牛柳粒丼牛柳粒煮得剛好，咬開又腍又入味，旁邊還有些雜菜。咖喱吉列豬扒丼吉列豬扒即叫即炸，就到屋企都熱辣辣脆卜卜，豬扒肉質嫩腍，完全無加鬆肉粉，炸至金黃香脆，咖哩味道香濃帶甜香。忌廉蟹肉薯餅新鮮熱辣，外脆內滑，還帶點creamy。

‼️利申影得唔係好靚但係真係好好食.係呢個時勢都敢創業，希望大家都支持下啦💛我都會再成日去-🐟照燒鯖魚丼｜💰43👍🏻青魚燒得超香，皮仲燒得幾脆，魚味勁出✨配埋燒汁仲有少少嘅七味粉，送飯一流.🍛特大日式咖喱漢堡扒飯💰59督落塊漢堡扒嗰下真係嚇一跳✨入邊有超多芝士流出黎，芝士味又夠濃✨漢堡扒肉質鬆軟又多汁✨薯仔超淋身又入晒咖喱味👍🏻食得出真係自家製而且大少少筋，有咬口👍🏻咖喱帶微辣唔會話好甜啱晒香港人嘅口味.🥬連側邊嘅椰菜都好好食，落咗七味粉又無草青味（最怕外賣飯盒嘅椰菜唔好食）.🐖台式香腸（一條）｜💰10台式香腸好食就人人皆知👍🏻但係店鋪將佢加左醬汁同埋燒到佢更加好食-🌸千里茉莉花茶小朋友自製㗎，唔甜健康唔添加啊！✨清爽而且好甘甜，花香味超濃✨超甘超潤喉，原來係落咗甘草後邊label仲好貼心講埋主要功效同埋提醒體虛人士建議少飲-我一路行返屋企嘅時候，一路都聞到嘢食好_香，真係唔係講笑(˶‾᷄ ⁻̫ ‾᷅˵)💛又抵又足料💛有得whatsapp order定💛日🇯🇵、韓🇰🇷、台🇹🇼、泰🇹🇭、素食🌿都有💛仲要有學生醫護同埋消防優惠

【叮噹叮丼】我要進來了。是日路經油麻地彌敦道，見到剛開業的外賣店【叮噹叮丼】。小小的店面放滿連豬紙模型、設有連儂牆及兼售同路人創作商品，是一間屬於真。香港人的店鋪。小店主打各式丼飯、酥炸小食及特色飲品。下單後即叫即製，需等候10多分鐘，可先致電預訂即到即取。丼飯以牛皮紙餐盒盛載，比較環保，賣相與保溫功能也算不俗。點了"蒲燒鰻魚飯"及"照燒鯖魚丼"，鰻魚飯配有蛋絲及紫菜絲，色彩配搭亮眼口感也豐富。鰻魚燒得香口，啖啖肉之餘不會太乾身。醬汁甜甜不鹹膩很下飯，想再添多些呢。鯖魚丼米飯軟硬適中，鯖魚煎得2邊金黃，加些檸檬汁更能帶出魚的鮮味。燒汁惹味，配些爽脆的椰菜，簡簡單單也很美味。下午茶餐的"和風牛肉丼"份量比一般小，不過可從鹽酥雞、雞米花、地瓜QQ棒、Mini甜薯、滷蛋、台式香腸 、涼拌木耳、 涼拌芽菜中選配2款小食，適合食量不大又心多多的女士。下午茶餐只售$37，已包括紙包飲品，或可加錢轉成特飲或日本汽水，非常超值。牛肉肥瘦適中，洋蔥煮得軟腍入味 。台式香腸入口Q彈，肉汁豐盈。Mini甜薯軟糯甜美，令人回味。

經過油麻地彌敦道見有間新開冇幾耐丼飯外賣店就入去支持下。見到食物種類都有好多，最後order咗特大日式咖哩漢堡扒丼、韓式辣炒雞丼。小食就order咗鹽酥雞、雞米花、忌廉蟹肉薯餅、唐揚炸雞、吉列蝦。飲品嗌咗兩罐日本汽水同埋1支無糖千里烏龍茶。呢餐外賣超豐富，丼飯足料，小食又order咗先炸起，熱炙炙、好好味。最緊要價錢好貼地，特別要提係個日式咖哩漢堡，比起其他出面嘅餐廳有過之而無不及。鹽酥雞同埋忌廉蟹肉薯餅我會下次黎食再order，因為真係超啱我口味。

在彌敦道見到有一班年輕人創業逆市開店，of course 要支持後生仔好有heart，無謂無懼丼飯賣相decent 價錢又好合理，味道很不錯，值得一去再去：⭐️下午茶好抵食 $37：和風牛肉飯+小食選2款（台式香腸、鹽酥雞）+紙包飲品真心好抵食，牛肉飯有好多牛肉，加上洋蔥及灑上芝華，非常有日本的feel，煮得又好入味，正，飯量都多嘅，加上送兩款小食，一定食得飽。⭐️照燒鯖魚丼 $42 - 鯖魚燒得靚，保留到魚肉肉汁，淋上燒汁及檸檬汁，味道層次豐富。⭐️咖喱吉列豬扒丼 $46 - 心心眼塊豬扒炸到黃金色，豬扒不會太乾，好好食。加上咖喱汁，令人十分開胃呀。⭐️吉列蝦 $23 - 香脆可口，是即叫叫炸的fresh! 買飯加$3/$5/$8就有飲品送，而且醫護、學生消防是free的，好有heart!

放工已經接近八點，嗱嗱臨買外賣返屋企，行經呢間主打丼飯嘅外賣店，見人氣幾旺，決定支持下小店。除咗主打嘅日式丼飯之外，仲有韓式辣炒雞丼同馬拉咖喱雞丼呢啲比較少見嘅丼飯，小食同飲品方面選擇亦唔少，仲有幾款自家製嘅飲品，而且價錢唔貴。蒜香牛柳粒丼份量唔細，牛柳粒嘅比例亦唔少，配上兩片漬蘿蔔，清新開胃。牛柳粒軟腍入味，帶有淡淡嘅蒜香，但唔會完全遮蓋牛肉本身嘅味道。和風牛肉丼份量亦好足，一打開紙盒係滿滿嘅汁煮牛肉，灑上白芝麻香氣誘人。牛肉肥瘦均勻，而且非常入味，底下嘅白飯望落比較乾，仲以為因為用嘅係紙盒所以冇淋上醬汁，但食落竟然有驚喜，原來飯已經吸收哂牛肉嘅味道，絕對唔輸蝕俾某某家嘅牛肉飯。小食方面我揀咗鹽酥雞，返屋企途中一直聞住佢嘅香味，對於飢腸轆轆嘅我嚟講真係極度誘惑！鹽酥雞比較細粒，一啖一粒剛剛好，炸得夠香脆，上面嘅調味粉亦非常惹味，一個人食哂成份都唔成問題。細份嘅雞軟骨共有三條，香脆可口，灑上少許香辣粉更加惹味。飲品方面我揀咗日本提子梳打，味道唔錯，跟餐加八蚊，價錢合理。喺呢個地段能夠搵到價錢咁相宜嘅外賣便當，實在係不可多得，而且食物質素唔錯，絕對可以話係打工仔恩物。

經歷過社會各種變遷 ，各種大事小事， 這一年我的感受真的十分深刻， 各執一詞， 一切的對與錯作為小市民也無法定斷心， 一直也喜愛光顧小店的我， 這天又從港島區出發， 到達九龍半島的中心地帶 旺角， 但正確的說餐廳比較接近油麻地。餐廳主要的也就是提供外賣，相信堂食也有站立的位置， 面對現在的疫情還是外賣比較有優勢， 我只能說 這家餐廳的賣點一定是性價比極高， 價錢分為幾種， 由30多元起。另外，更可點選小食飲品， 我點選的食物就是蒜香牛柳粒飯，另外，加配一份鹽酥雞， 美味豐富，性價比十足 ，鹽酥雞香脆可口 ，絕對做到外脆內軟，肉汁豐富。

叮噹叮丼 Ding Dong Don +日本菜+快餐店 🏠環境:+ 黃店要支持下 有連儂牆 俾大家寫下嘢 又有好多抗爭物品 + 幾乎冇位置堂食 主要外賣 呢個價位好屈機...... $38 大大盒飯...醫護學生有免費飲品 ‼️ 日式咖喱吉列豬扒丼 $46好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 老闆推介.... 大大盒 絕對夠大食嘅人食✅ 珍珠米 粒粒飽滿 飯粒飽滿分明 口感一流✅ 豬扒 外脆內鬆化 係幾正 ‼️ 鹽酥雞 and 唐揚炸雞 $20 and $24好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 兩款都好好食 鹽酥雞脆口夠味 唐揚炸雞 質感嫩滑✅ 個人鐘意唐揚炸雞 多啲 可以食到多啲 雞嘅嫩滑 相反 鹽酥雞 就乾身啲 主要食鹹香 ‼️ 蒜香牛粒丼 $38好食指數：⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 見其他人食評話牛粒 要𡁻幾耐先咬爛 所以就試試 食落覺得 唔太靭 幾淋 ✅ 蒜味重 牛味正常 算係ok ✅ d 牛大粒D 口感再好d 📍油麻地彌敦道518-520號彌敦行

店鋪：叮噹叮丼 (油麻地)地址：油麻地彌敦道518-520號彌敦行地下B號舖油麻地最近新開咗間賣台日泰韓四國風味，再加素食嘅外賣黃店🥡，一個丼飯最平都只係$38😍，另外仲有十幾款小食，下午茶$37仲有齊丼飯、小食同野飲，醫護、消防、學生仲有免費飲品送，超抵呀👍🏼叫咗個蒜香牛柳粒丼($38)同香菇肉燥雞絲丼($43)🍱，牛柳粒腍得黎仲好惹味😋；而香菇肉燥雞絲就夠哂特別，熱辣辣嘅香菇肉燥，撈埋冷凍嘅青瓜絲同雞絲，果真有台式風味🇹🇼，飯嘅份量仲唔少添小食叫咗個細份嘅鹽酥雞($20)、台式香腸($10)、一份三條嘅地瓜QQ棒($14)同忌廉蟹肉薯餅。大部份都係台灣地道美食🤤，所有野食都係即叫即整，店員拎比我果陣，未食就已經聞到好香😆，難怪之後吸引咗幾個客人黎買😎不得不提嘅係台式香腸😛，一咬落口就好香口juicy，面頭搽上咗蜜糖🍯，味道更加香濃，一定要試‼️呢間屬於真。香港人嘅鋪頭🇭🇰，你要識做啦🎗

這是位於油麻地的外賣店，舖頭在地鐵站附近，地點很方便。這天食物選擇不多，但我覺得外賣店餐牌簡單一點，更有利保持食物水準及出餐速度。雖然是外賣店，但還是很注意衛生，抗疫人人有責！食物方面，先說說自己嘴饞想吃的鹽酥雞。鹽酥雞很香脆，味道挺重口味的，是一個會使人吃不停的味道，整體是一個很出色的小吃！主餐方面有咖喱豬排、咖喱炸雞及鯖魚。我覺得咖喱豬排拍照最好看，炸雞份量十足，而鯖魚雖然賣相普通，但還是很美味！

係呢段咁艱難嘅時間，可以係逆境中開幕，真係一啲都唔簡單。限聚令下，就只能買外賣，當然要幫襯下先。我幫襯左兩次，一次係剛開業，另一次係尋日，睇下食物質素有無hea到。無論邊款，一律38元連飲品。清楚啲可以睇呢張餐牌，下午茶26元好抵，一份夠養兩個人。第一次幫襯係韓式辣炒雞丼，好熱就食嘅話，韓式辣係幾辣真係，但好香口。雞滑嘅，蘿蔔偏硬左小小，可接受嘅。尋晚食嘅係滷肉飯，整得好好個汁，而且進步左，個飯無咁濕。滷肉剛好，唔會過咸，肉嘅肥膩度都好好，好快就食哂。仲送飲品一支，可惜都係未能有機會試到佢支特飲。（各位，又係同一個原因，我要記底）（再因為唔係原圖啦x2 間餐廳已經轉埋餐牌正式營業啦，我叫你聲大佬啦）

行過見有幾個後生女開左間新便當便係油麻地地鐵站岀口岀面彌敦道！咪支持下靚女囉🤣呢張係佢哋嘅menu 好靚呀張野😍我就唔知食乜 咪揀左佢個招牌滷肉丼囉 仲加左8蚊要支降血壓嘅凍嘅洛神花山楂茶！佢哋無堂食 淨係做外賣自取～跟住就去圖先☺️個袋好有少女情懷 好QQ呀哈哈😛個便當紙盒都幾靚幾文青🤪個滷肉飯都幾好食 我鍾意佢啲豬肉有肥有瘦 唔係切到碎晒咁😋 係隻蛋干左啲So far都ok嘅😂又係本土少女開嘅小店支持下自己人！支持絲打！希望你哋煮嘢會越嚟越好食👍🏻 #Never forget, never forgive