古珐蛋糕 (福佬村道) (已結業)

9月23日5時後, 路經古珐蛋糕九龍城店, 見櫥窗上貼上「100元2個」, 店員推銷說:「100元任選2個蛋糕｡」我見價目表上多款蛋糕已售罄, 便買了“咸蛋黃”和“稀有糖原味”各一。店員說: 「稀有糖蛋糕是沒有什麼甜味的｡」但她沒有說是多了“燶”的氣味和“苦”的味道呢！是成本重擔令店主也在捱“苦”嗎？但為了多賺十元八塊, 是不會令你“苦”盡甘來的。焗燶了的蛋糕, 是不會吃壞人, 但「商譽」壞了, 便…………………!…查看更多

雖然，台式嘅古早蛋糕開到成行成市，但感覺似去到尾聲，話題性都無初初咁大，之不過，卻又不時從啲報紙、雜誌，見到有新店開張，仲要晌依家疫情都仍然喺反反覆覆，真喺都好佩服啲店主咁勇。過開嚟九龍城，經過呢一家「古珐蛋糕」，唔喺新開，仲晌太子、將軍澳有分店，仲做得住，心諗都試得過啩！ 啲鋪面、環境呢啲唔多講，間間都差唔多。就睇睇佢哋有咩選擇，同定價點樣，款式算有唔少，但就唔會有啲太新奇、古怪嘅味道，而定價跟外間大部份古早蛋糕店稍稍偏高，$65-$85，此外，眼見就無咩折扣優惠提供。香酥肉鬆蛋糕 $75試咗一款肉鬆口味，包裝盒幾可愛，盒面貼有「肉鬆」二字，俾錯嘅機會更細，而另一邊，就標榜佢哋嘅出品喺零香精、零色素、零防腐劑。其實，有食開或食過啲古早蛋糕，基本上間間都喺咁寫。 另外兩側，就列明一啲食用嘅溫馨提示，賞味期限都喺3天內，以及表明佢哋會用精選材料。 打開個包裝盒，蛋糕面鋪滿肉鬆，都算喺厚厚一層。曾經喺一間標榜賣「正宗」古早蛋糕店嘅介紹，話喺經過低溫慢火烘培而成，賣相要挺身，無裂紋，表皮要薄，底皮無過火，口感應該鬆軟而帶點濕潤，唔應該太乾身，有濃厚蛋香，咁先叫好、正宗。如以此為標準，「古琺」呢一個算挺，但喺底皮有所謂烘過火。幸而，蛋糕嘅口感綿密而鬆軟，確喺帶點濕潤，唔會太乾，且甚富蛋香，肉鬆則有點脆口感添:)。前前後後都試過好幾家古早蛋糕店，覺得口味上搞得太「花臣」唔喺好事，反而，味道簡單一點，先食番出「古早」嘅風味，當然，呢個只喺個人睇法，總有啲客人喜歡新奇、古靈精怪嘅口味！…查看更多

上次經過太子見好多人排隊等出爐，我就走去排，但職員話已經截咗龍，咁……我只好放棄，事隔幾個月貪新鮮嘅風應該都過咗了😏，所以今日去九龍城分店買嚟試下。無乜人，見合桃今個月做promote , 只需HKD55❣,所以揀咗合桃，雖然盒設計本身有手挽，但職員都加咗個膠袋俾我，可能見有少少雨，好細心👍，攞上手都幾重👍聲稱零色素，零香料同零防腐劑嘅古珐蛋糕賣相簡單，包裝都唔花巧，蛋糕咬落偏濕，蛋味香💫，合桃配落去都幾夾，55蚊嚟講ok嘅，不過如果正價75蚊就要諗諗😅…查看更多

喺九龍城做完嘢，突然好想食古早味蛋糕，搵到附近嘅呢間古珐蛋糕，門面細細，已經有幾個客人揀緊口味，門口有得睇口味同出爐時間，想食新鮮出爐嘅蛋糕的話可以參考一下下午四點，好多口味都賣曬，竟然仲有受歡迎嘅芝士蛋糕，即刻買嚟試下，表面有芝士粉，返到去切開，嘩中間夾有有兩行芝士蛋糕部份有好香嘅雞蛋味，芝士部份充滿鹹香，唔會太重口味夾埋軟綿綿嘅口感，食完一啲都唔口乾，家姐一次過食咗一半！盒面有溫馨提示，放三日？太睇少我哋喇，無叮熱就咁食都好好味，秒清！…查看更多

今天來九龍城仲咩呢？之前有朋友介紹話九龍城有間蛋糕店的蛋糕好味。難得今天經過，就順道買一個味嚐。店舖門口，就可供客人看到店舖內裡蛋糕出爐情況，而且出爐蛋糕也可隔著玻璃，看看如何處理。店舖也有顯示那款蛋糕什麼時候出爐時間。假若不想直接到店舖查看，也可到他們的網店查閱想購買的蛋糕出爐時間，睇岩時間就可去買，很方便。蛋糕選擇方面，分別有：經典原味、清新檸檬、醬爆芝士、朱古力、香酥肉鬆、宇治抹茶、鹹蛋黃、香芋椰蓉。而今次我就買了經典原味蛋糕嘗試。切落去已覺得蛋糕很鬆軟，而且蛋味香濃。就算隔了幾小時後再食，鬆軟程度仍能保持，食完會有想繼續食，令人食唔停口。…查看更多

成日經開都冇勇氣去排隊買黎食，雖然聞到好香噴噴嘅蛋糕味，因為吾想排隊等甘耐，所以開左甘耐都冇食過！今日放工放得早，驚喜嘅係冇麥人排隊，又撞啱出爐時間，一於買盒古早味蛋糕試吓，其實佢有好多味道選擇，有原味、芝士、綠茶等等.....不過本身諗住原汁原味，我買左一條原味$65，都吾平架！一條蛋糕可分約八件倒，足夠一家四口早餐同下午茶嘅份量。蛋糕好鬆軟，蛋味甚濃，回味無窮，其實幸福真係就係甘簡單，食完早餐，加埋杯咖啡，充滿力量就返工了😊我放入焗爐再叮翻熱食，仲好滋味，…查看更多

而家古早味蛋糕開到周圍都係 原本大部分都好好食 要排隊先有得食 但係最近就間間都好普通 試左呢間的芝士味蛋糕 有種突圍而出的感覺！下面有好多芝士 的確係喜出望外 本身味道亦唔錯！唔錯！…查看更多

//< 古珐蛋糕 >古祖味蛋糕依家周圍都有得賣！記得上年小編去台灣都買過黎食，雖然好簡單既一個蛋糕，但非常滿足😊今次黎到九龍城試下呢間～————————————————- 經典原味蛋糕 $65 -其實有好多味道架，晏晝四點幾啲味都好齊😆不過今次小編想先試下原味！😊蛋糕好鬆軟，而且蛋味超濃郁～ 食落口係喺平凡之中搵到幸福感！當早餐食或者tea咁配番一杯咖啡或者茶已經好開心————————————————評分：7/10地址：九龍城福佬村道49A至49D 號地下3號鋪營業時間：星期一至日 11:00~21:00 …查看更多

原味蛋糕($65)基本材料，好厚身，不過出奇地好食，軟到好似棉花咁，好香蛋味，入口即溶最愛係原味🥰🥰🥰，無添加，低糖，食哂成條都唔膩，就算食唔哂，隔左一日食都好好食😋每日係個mon度都會睇到出爐時間…查看更多

昨晚見到古珐蛋糕在太子花園街開了新店。店舖比九龍成點大很多，蛋糕出爐快和多很多，故不需要大排長龍等候，仲有綠茶🍵新口味。店員說很快仲有多兩種新口味出添，是芋香椰蓉🥥味和流心奶黃味，好期待啊😋😋昨晚買了綠茶味蛋糕試，$80/個，回家途中已聞到很香綠茶香味飄逸在車裏，返到屋企食，蛋糕仲有啲暖，急不及待馬上吃，蛋糕果然很香軟，好濃好香抹茶味，不太甜，很啱我不太喜歡吃太甜的人，吃完蛋糕之後，仍留著抹茶香味在口裏。👍🏻👍🏻👍🏻…查看更多

今日特登黎呢間新開嘅人氣蛋糕店“古珐蛋糕”今日好好彩，我7:24分黎到，原來7:30有原味出爐，我見前面只有五個人等，我即刻快啲排定先7:30準時出爐，蛋糕一拎起，一陣陣好香蛋味、牛油味，真係香到不得了⋯⋯師傅好仔細用尺量度蛋糕尺寸，所以一定唔會大細不一原味蛋糕$60好軟身、好香…查看更多

由於新冠肺炎疫情問題，排隊人數比平時少好多，條龍大概七至八個人，我等左15分鐘就可以買了，第一次吃，當然是原味，買完立即跑返屋企，切開蛋糕，表面仲戀戀地，入邊仲濕濕地，蛋香四溢，好味。下次目標：芝士味。…查看更多

話說屋企附近開左依間古珐蛋糕以為佢係疫情來襲應係會無咩生意咁 水盡鵝飛點知係勁多人排隊不過一睇60幾蚊，真係覺得幾貴終於，有次屋企人買左好入正題我食既係原味講真係幾香蛋香，蛋糕唔係得個"林"字，有D咬口，暗藏少少Q彈既唔係太油食完唔會好滯不過，要60幾蚊買，仲要係咁既時勢。。題外話，有晚係STARXXXKS 買左38元3件FOOD 經過古珐，見到好多人，聞到都好香不過手心的3件38同一件60幾，即刻覺得自己買既好抵 最後...總結唔係唔好食...仲幾香TIM只不過依家唔想用60幾蚊買蛋糕JEI…查看更多

經過左幾次都未等到想食的味出爐,今次見佢重有5分鐘就有朱古力味出爐,就去排隊啦,點知排到的時候竟然話朱古力味賣哂。佢排隊時並沒有任何說明一次出爐會賣幾多個,又沒有跟客人說大約賣到邊個會賣完,這樣的排隊安排,非常不完善,白白浪費了時間排隊,滿心歡喜想買蛋糕,但員工也沒有向排隊客人說明整個買蛋糕的流程,只是白白排隊排了很久,又買不到想食的味道。希望可以改善一下排隊的安排啦,第一次買古早味蛋糕就遇到這樣的不當安排,對這間店失去了信心。:(…查看更多

一放工返到屋企就見到個古法蛋糕盒，原來屋企人金日放假，下就專登出去買蛋糕食😁😁，佢話2點令就吾洗排長龍，排一陣就有了🤩🤩。食左甘多次芝士，金次食返久違的原味 😋😋😋一打開個盒， 唔知點解有陣膠味，覺得好奇怪 ，然後食咗一大啖發現有啲味唔知係咪自己太敏感呢。發現換左新紙盒，可能因為咁影響咗個味道??如果真係因為個盒，就太可惜啦…因為個 蛋糕真係新鮮滾熱辣，同埋好好食🤷🏻‍♀️🤷🏻‍♀️🤷🏻‍♀️🤷🏻‍♀️已經打電話反映左，希望係純粹我自己疑心生暗鬼....🤦🏻‍♀️🤦🏻‍♀️🤦🏻‍♀️…查看更多