古早味澎湖台灣 (已結業)

在紅磡美國寶附近開了間台灣食店，早已聽聞，今天終於有空同友人一試！即使是下午時段，亦有頗多的人流。店內裝修很有台灣風味，看到有漁民的帽子，也有耕田的泥爪。我們回點了招牌鹽酥雞扒飯以及傳統台式肉操飯套餐。另外用午市優惠價$15 ，加了原盅燉湯，分別有滷鴨及烏雞。主菜很快就上菜，雞扒外脆內嫩，juicy多汁，入口仍是熱燙燙的。配上三款前菜更覺醒胃。另外，肉操飯跟台式地道風味10分相似，每個套餐還會奉上台式特飲一款，價錢相宜，服務也算水準之上！推介！

星期六放2點,諗住去黃埔aeon 行下,由於未食tea,所以就諗喺黃埔新村一帶搵下午茶食,忽然間見到呢度新開咗間古早麵嘅台灣餐廳,於是就睇下有冇下午茶餐食,睇完個餐牌之後見到下午茶都幾抵食於是就同太太決定入去食。吸引我嘅原因係, 有飯有炒米粉有台灣牛肉麵等多款主菜可以簡,仲可以喺八種小食裏面揀其中一款,除此之外佢個餐仲包嘢飲,如果轉台式特飲都係加六至八蚊。即係成個餐大概五十零蚊到就可以食到一個豐富嘅下午茶餐,2點45分去到都九成滿。個下午茶餐上檯嘅時候都充滿驚喜,因為份量都唔細,仲有三小碟嘅伴碟,個小食份量都唔算少, 由於我呢個係炒米粉餐仲有個湯送添。由於太趕時間食唔記得飲個飲品唔記得影個飲品。總括嚟講非常抵食,同埋味道都算係好食,因此會搵機會下次再嚟食過呢個抵食嘅下午茶。

3月某周末媽媽生日 一家人諗住出去食下d唔同既野一早book左呢間台灣野諗住係台灣食過古早野都好好食架應該無死啦其實唔係幾好既野 我通常都唔打 通常都係記低好食既但呢間我真係覺得。。。🤔需要提提自己無乜特別 就唔好再去佢既蚵仔煎 蛋同漿分開 得果3 - 4粒蚵仔跟住其他餸菜都係不外如是Btw佢既紅燒牛肉麵係ok既上菜速度都算快既

與朋友一起在理工大學出來已經9點多，就去黃埔那邊覓食。我們選了這家，環境裝飾還真不錯，光亮，也有點懷舊的味道坐下之後叫了古早味番茄湯牛腩面。面質彈牙，寛寛的挺有口感。 番茄湯不是很覺得有番茄味，看見有2-3塊番茄。牛肉很好吃，容易咬開，肉不老份量來說是正常男性一人份量，食量小的女生可能要跟別人share哦～朋友叫了滷肉飯，也挺香。我們還叫了一份蚵仔煎，連同上面的番茄醬跟蚵仔煎一起吃感覺很開胃不過略嫌煎得不夠香脆2個人一人叫一個主食，再加一個蚵仔煎已經很飽了

呢間台灣餐廳好似都開左一段時間，不過一路都唔為意(明明鋪位勁大😂)，就一直都冇黎試。之後聽朋友講味道唔錯，所以就過黎品嚐下。距個午市套餐都算多選擇，有飯有麵，不過因為冇食早餐，所以揀左個飯黎食。 今次試既係嘉義雞肉飯($55)，包一杯台式飲品同一碗湯，仲有三款小菜，份量真係唔講得笑😆 講下個飯先，嘉義雞肉飯算係清淡野黎(因為呢排太熱氣所以要食清啲)，但食落去雖然清淡但唔會太乾，雖然冇醬汁但有啲炸蒜同油撈埋食落去都夠濕。 至於個小菜都幾好食，有青瓜、 螺肉同芽菜，全部都有調過味，所以送飯一流。另外距仲有送個湯，出面其他餐廳既餐湯好多時溝勁多水，又落味精，所以次次飲兩啖已經唔想飲。但係距地個湯真係好真材實料，俾左好多湯渣我，仲要好夠火喉，同呀媽既老火湯有得揮😍所以碗湯除左有舊大肥肉我冇食到之外都飲到渣都冇得淨。食到呢度已經飽到上頸，最後我杯凍烏龍茶要拎走之後再飲先搞得掂😂 杯茶茶味好濃，唔甜所以好正(飲慣濃茶)，補差價仲可以變珍珠奶茶，下次會黎再試😊

環境方面,地方位置闊落新凈，裝修簡約感覺環境乾淨，讓人舒服古早是從閩南語衍生而來的台灣俚語。古早味多用來形容食物用傳統做法，有傳統風味的意思。鹵水牛三味(牛鍵、牛筋、牛肚) - 好入味,最緊要係夠淋,正👍🏻黑糖薑母雞翼 - 雞翼外皮有種脆脆既感覺，而食落仲有一種甜既薑味$28～必點小食蚵仔麵線 - 細細碗，蚵仔尚新鮮，可以一試台灣刈包 - 入面有豬肉(一層肥一層肉咁),但食落偏"鞋"芋香牛奶 - 看到別人飲了這一款都想試下，因為唔飲太凍都會走冰，而這間店非常好，真的可以全走冰，十分貼心飲品中，芋香味十足，不似訪間飲品般清淡

古早味牛肉麵 ($65)牛肉很厚身，肉質非常軟腍，一點都不韌。湯底有點微辣，麵條軟硬度適中還帶點嚼勁；但有點美中不足的是紅蘿蔔不夠甜。海鮮粉絲煲 ($78)熱騰騰的粉絲煲香氣十足，聞到已經令人垂涎三尺。大蝦爽口彈牙；粉絲質感煮得洽到好處，不糊也不乾。粉絲份量蠻多，非常入味，有少少辣，但絕不油膩。整個粉絲煲十分惹味可口。芋香牛奶 ($18)太口渴了，沒拍照便急不及待地大口大口喝下去。芋香味十分濃郁，真的很好喝！

今日去左紅磡搵朋友傾下計一齊食個lunch朋友介紹左去依間古早味澎湖台灣話一齊去回憶台灣風味下就有套餐選擇我地一人揀左一個餐古早味乾撈麵有幼麵同粗麵揀 揀左粗麵 係刀削麵豬軟骨肉燥伴麵 麵條彈牙沾滿醬汁 唔錯大雞扒滷肉飯雞扒份量十足 底部舖滿肉燥食肉獸之選 另有半隻入味滷蛋同醃蘿蔔每個套餐都配有三款小食、一碗湯同飲品小食如下醃青瓜 酸酸地幾清新台灣腸 香口好味 台灣風味醃木耳 蒜蓉同醋醃過 好開胃餐湯係紅蘿蔔豬肉湯 煲得十分入味飲品一杯蜂蜜冬瓜茶同一杯熱珍珠奶茶正宗台式風味

雨蒙蒙的上早請了個假期陪家人，平日都是去茶樓早居多，難得今天有一整天的時間，就帶他們走走紅磡這個小角落吧！到大家都準備好時已經是十一點多了～入了這間吃台菜的店吃午餐！紅燒豬軟骨麵媽媽說軟骨做得很淋很入味，連牙齒不好的她都吃很好舒服😂古早味牛肉麵姨媽好喜歡吃牛肉麵，她說這裡的牛肉麵很像她之前在台灣吃過的味道😌酥炸雞扒麵實在沒有想過雞扒的size和份量會是這麼大，吃的時候它還在出煙，肉汁在炸的時候緊緊鎖住了，所以啖啖都很juicy!!🤤前菜小吃

成日都覺得住喺黃埔既朋友好幸福，因為附近真係有好多美食。今次就揀咗呢間台灣菜試吓。原來古早味係形容食物用傳統做法，有傳統風味。今次就揀咗最能代表到台灣既牛肉麵同滷肉飯，試吓係咪真係有古早味先！牛肉麵都有幾款選擇，我哋就揀咗蕃茄牛肉麵。牛肉湯底超級濃同時亦都有紅蘿蔔帶出嘅蔬菜清甜味。配上帶有嚼勁的粗麵條，同埋大大片彈牙不韌既厚切牛腱肉，好食好食。滷肉飯就揀咗配大雞扒，可以一次過試晒台灣嘅鹽酥雞同滷肉飯。先講滷肉飯，半肥瘦嘅豬肉切成粒狀，有咬口又有油香，又滷得夠哂入味，就咁撈飯已經好正。而雞扒用上鹽酥做法，雞皮好香脆而雞肉仍然保持嫩滑。午餐或者下午茶可以用半價加配小食，我今次就揀咗麻辣豬耳。豬耳份量十足，十分爽口。對於唔太食得辣嘅我嚟講麻辣味控制得岩岩好。除咗小食之外，都可以用半價加燉湯，今次揀咗蟲草花燉鴨湯。估唔到飲落去係咁清甜，而且$15蚊一個咁足料嘅湯真係好抵飲。午餐仲會包一杯$16飲品，如果超額只需要補差價。貫徹一般台灣餐廳，呢度有好多台式飲品選擇。我哋要左一杯好清甜嘅蜂蜜紅茶，同暖胃既熱薑母茶。確實呢度嘅食物又真係帶到台灣嘅感覺比我，仲同台灣嘢食價錢一樣咁抵呀！

前幾天到紅磡探望朋友，並在他家附近吃飯。黃埔住宅多，民以食為天，自然美食也多。朋友說這家台灣菜餐廳挺新的，可以一試。那天是平日中午12時左右，人流不多，但1時左右就開始滿座了，所以早點來比較好。可能是新餐廳吧，感覺環境乾淨，讓人舒服。午市套餐選擇包羅萬有，看圖片也令人垂涎欲滴。每份套餐都附送3款小配菜，包括雲耳、牛肉粒和豆芽，我特別喜歡雲耳，醃製得不錯。朋友點了台式黃金炒飯($58)，附例湯。炒飯配料有蔥、蛋、午餐肉、粟米、蘿蔔，簡單而豐富，炒出來也確實呈金啡色，味道挺香。我則點了古早味牛肉麵($65)，每次到台灣菜餐廳我都忍不住想吃牛肉麵。麵量夠多，麵條屬一般粗幼度；牛肉則有三大塊，每塊都如掌心般大，肉質夠厚，每口都"啖啖肉"，叫人喜出望外。飲品種類當然多，朋友點了荔枝烏龍茶，我則點了胚芽珍珠香芋牛奶，胚芽和珍珠是另加的，每款$3。雖然堂食，但杯子是膠杯，用膠膜封蓋的那種，方便趕時間的客人飯後拿着邊走邊喝。

星期日中午 一家人都冇去街 本黎想去飲茶又咁岩冇位 見到依間台灣野就入左黎一試☺️佢地中午有套餐包野飲 都非常控食😄我揀左個乾拌麵套餐 飲珍珠奶茶～ 個乾拌麵入面有魯肉 有豬軟骨 有啲青瓜 料黎講都幾豐富🙈不過自己鍾意蔥油拌麵多啲 佢依碗就冇咩蔥味🤣因為佢地套餐跟餐嗌小食有半價優惠😍我地叫左個雞軟骨 小雲吞同埋手抓餅 3樣小食都好唔差 可以過下口癮😚😚個雞扒就略為太多炸粉 肉就相對太少 扣左少少分😂整體黎講唔錯 可以下次再黎！

今日去左紅磡食飯，約左朋友傾下黎緊旅行安排。佢想食台灣菜，我地去左古早味旗下餐廳。我地叫左幾款食物可以share試下。朋一早去攞定位，晚市餐廳人流都幾旺。我地叫左滷肉飯、台式雜錦炒麵、蚵仔麵線。滷肉飯都好大碗，滷肉滷得好入味，豬肉半肥美油脂味濃香口，醬汁咸香可以送飯食！滷肉份量都唔少，令我回味番早排去台灣旅行食既滷肉飯。朋友想試雜錦炒麵，炒麵食到最後都算好乾身，唔會食到好膩口，麵質爽口濕潤，加小小醬汁炒香。蚵仔麵線是必點之選，蚵仔都好大隻，味道唔會有腥味，連湯一齊食咸香味濃，好滿足呀！

話咁快 #古早味 已經係紅磡開左第4間分店🥳 午市套餐仲包埋燉湯、小食同飲品🥤-#豬軟骨滷肉飯 🐷 ($75)賣相普通但味道不錯😎 豬軟骨質感軟淋入味👍🏻 滷肉好肥美🐷 如果醬汁多啲會更好😏 不過滷蛋非常乾🥚-#古早味干撈麵 🍜 ($60)干撈麵都係有豬軟骨同滷肉🤣 只係撈麵版😅 有粗或幼麵可以揀🍜 餸既份量好多🤤📍紅磡黃埔新村民泰街1-25號地下B1號舖🚇 黃埔站A出口Instagram: e.for.eat

今日試新野!要等位 不過唔算耐入面環境都舒服可以揀食小菜定打邊盧我地今日就食小菜諗住通常台灣小菜都係細細碟 所以一下子叫多啲- 涼拌黑木耳小小辣辣地又甜甜地咁 做前菜- 嘉義雞肉飯都唔少雞 啲雞肉其實係雞絲 雖然齋食雞肉有啲乾 但撈飯一流- 蚵仔煎(冇食到依個所以冇評語 睇樣應該唔錯)- 糖醋燒鱸魚真係成大條魚俾你 足料 都重糖醋味 不過要小心! 因為較多細幼嘅骨- 醉雞卷好野梗係留返最後介紹 依味必試 因為真心好食又抵食 賣相擺到好似啲日本太卷咁 真係成舊啖啖肉! 又滑又冇肥膏又有味又夠大舊 正👍🏻之後再叫多咗個綜合芋圓真材實料👍🏻我地一開始個推斷係錯架!佢啲小菜份量一啲都唔小 啱啱好而且我地原先估計賣單可能過$1000但係最後俾埋加一都只係~$800 5個人食 已經有4樣野飲加1個甜品咁抵食又好味 啲服務又好 一定要再黎😃