影片
💛 #黄色经济圈 呢几日睇到天town嘅敍福楼同牛涮锅都要执粒🥺两间都系男友屋企最近最常食嘅黄店☹️要揾黄嘅酒楼真系好难而家又执一间…😭酒楼有样野我好钟意~就系好似传统酒楼咁❤️会有点心车姐姐叫卖~仲可以自己用点心卡出去攞野食~而家都冇乜酒楼仲有呢种怀旧又有人情味嘅风格🥺🍴点心拼盘($49.8)拼盘入面有虾饺、烧卖各两件，叉烧包、菜苗饺、潮州粉果同埋枣蓉糕各一件😋啱晒我地得两个人又心大心细嘅人叫黎食😋除左菜苗饺之外其他质素都可以~🍴排骨陈村粉呢款又系怀旧点心之一❤️排骨腌得几又食~但系陈村粉唔系好够滑😋而且唔系好挂到汁食落就唔太香~🍴咸菜猪肚呢款又系我饮茶好钟意叫嘅小食😋但其实我唔食猪肚净系钟意食咸酸菜🤫份量好足料但系胡椒味唔够浓~总括黎讲虽然食物质素唔系太出众~但系食嘅系个种人情味😋我都要系佢结业前食多次🥺📍 叙福楼金阁 (天水围)天水围天华路33号T Town North1楼N106-109号舖
继续阅读
怀旧酒楼早已买少见少，见社交平台消息话叙福楼不获续租做到月中，趁尾牙去支持吓。午市正价时段仍一如既往聚集咗唔少街坊等位，无嚟一排，食物质素进步返唔少。每次嚟都会食佢哋嘅猪脚姜，大大碗好足料。姜够大块入味，吸满酸甜适中嘅姜醋汁，愈食愈暖胃；猪脚大大件，皮肉晶凝弹滑，一咬就食到满满胶质，好满足。少数我觉得炸得出色嘅芋角！外层嘅蜂巢松脆松化，丝毫不油，无油抑味，抵赞👍🏻芋头同样松软，包住猪肉、菇粒等，咸香除去炸物嘅腻，入口更香口；猪肉系粒状而唔系肉糜，仲食到落咗菜莆，两样加埋好有咬口🤩烧卖比以往更大粒，可能收炉大酬宾😂馅料几饱满，正常水准。香港地无几多间酒楼仲好似昔日咁，要拎住点心纸出去追餐车攞热辣辣点心。希望唔系结业，而系另觅租舖啦。
继续阅读
住喺天水围，成日嚟呢间叙福楼饮茶，主要贪佢有一样野就系有车仔推出嚟嘅点心，同埋下午茶时间都几抵食，首推$10.8嘅排骨饭，不过注意可能要排一阵队，同埋芝麻流沙包都系个人推介😋😋
继续阅读
疫情下人人都无得见，稍为可以见下人，食肆都开始热闹上黎。请左平日假，去远啲嘅地下行下。先系黎到天水围饮个早茶，点会星期一嘅早上，都可以多人到咁。。。真系等左好耐位，差唔多一个钟先有位，好彩可以行下。佢有做外卖，仲有架点心车做外卖。呢间酒楼形式系自己出去点心拎点心，选择都几多，基本上想食嘅都有。20元碗叉烧饭叉烧就麻麻，咸蛋捞饭当然系好食，小食多滋味。呢个都几抵㗎，4x元有一笼咩都有，不过我就抽唔中叉烧包。呢啲就系出去攞，好耐无食牛肉肠粉，猪手系俾家人，有芋角，但就油左小小，可能系放得太耐。整体系ok，但就碗碟有啲唔干净。
继续阅读
因为疫情打击之下少了人到酒楼饮茶经过的时候见到叙福楼有做外卖已经包装好一盒盒𩠌，又有甜品红豆沙，或者炒面炒粉.我就买了一盒猪脚姜回家，$25味道正正常常，有三四件猪脚及一只鸡蛋煮得也很入味.不过排队俾钱就排咗好耐
继续阅读