影片
Personally, i dont quite like chinese noodle. However, this restaurant really surprise me. The noodle here is very tasty. The staff here are very nice too. I really like the decoration here. It is very local. I would recommend my friend to ear here.
继续阅读
一个工作中的晚上，食饭都揾间好啲比自己！三个人驶到！一栋村屋改建嘅餐厅！室外加盖再围胶纸！坐低环境唔算光鲜，普通折枱硬櫈！桌面包胶枱布！桌面已经比定大碗方便洗碗筷！店员好勤快！落单食物极速送到！沙茶粉丝牛肉：份量大，大碗上，蔬菜如洋葱、青椒、菠萝爽口，底下嘅粉丝充分索晒啲沙茶酱汁，捞饭一流！沙茶味道比沙嗲特别，连平常唔太喜欢沙茶味嘅同事都食得津津有味，最后连汁都清晒！金银蛋苋菜：又系劲大碗，三色蛋完全遮晒啲苋菜，仲要苋菜足有一斤多！金蒜炸得香口，啲汤鲜美！又系清晒！卤水拼盘：卤水档在胶帘外！师傅无冷气真辛苦，卤水款式多，质素好！自己最喜欢弹牙大肠同烟韧鱿鱼！肾、鹅肠同猪耳非常爽脆！红肠系增加份量，沾豉油汁都一流！底下垫底嘅大荳芽爽脆，平时我唔太食大荳芽！因为荳头太硬，呢度唔会，所以我都食！最紧要点好惹味嘅辣椒油！香而不呛！增加分数！白粥：潮式白粥，唔锦但粒粒分明！如果热啲会更好！同事仲叫了冻柠茶！有埋水吧方便！店员好爽快，举手即刻回应！唔会废话！大排档风味又唔使热住食！So good!
继续阅读
青山公路中, 近落马洲的饭堂仔, 如无意外或新店, 应该报导完毕. 呢一日, 我就继续寻觅, 开远些少来到米埔村. 光顾呢一间冠名是员工饭堂的村屋茶餐厅.位置非常的显眼, 由那一个方向来都好, 一到米埔村, 便会看到大大个”发辉”招牌. 入到餐厅内, 虽然佢大大只字写明 “只招待发辉物流员工”, 但有外人, 生面孔的人入来, 都唔会刻意的问你是何方神圣. 入得黎, 咪当你系货车佬咁招呼.室内位不多, 我就坐在用透明胶布围好的室外位, 陪烟民一起食早餐.香港人最常食的早餐之一, 公仔面餐, 永远是我有空食早餐时既首选. 这里的公仔面餐, 是双并面, 平日食开五香肉丁的我也想转一转口味, 是日的公仔面餐, 就鸡扒并红肠. 他们用的名称就是, 香草鸡扒, 同玫瑰肠.....香草鸡扒, 的确系用了香草腌, 但...红肠就红肠啦, 玫瑰什么肠呢.....生面底的, 鸡扒份量也是超级的大. 说这是香草鸡扒, 除了看得见鸡扒上有香草粒之外, 味道也有重重的香草味. 不过, 放了汤, 那份浓郁的香草味也散发在汤底内, 令到执鸡扒, 食起来, 没有过份地"香草". 处理得几好. 而红肠, 食得出是靓货, 因为食落带肉粒筋粒, 不是那些纯粉的"粉肠".早上的一个饱肚早餐, 再加上一杯浓滑奶茶, 实在是令人精神一振的. 尤其对邵些物流司机, 一听就听他们要跑10多个钟的车, 呢一份啱胃口, 又提神的早餐, 比什么都更重要. 深圳难找好的港式茶餐, 每日的一个港式早餐, 对我来说也是非常重要...青山公路中....应该仲有不少为车佬而设的茶餐厅.....有空慢慢再找吧...
继续阅读