影片
以上资料只供参考，请与餐厅确认详情
食家推介
预制油炸鬼？！系咪我眼花？搬咗入大埔三年，终于的起心肝试吓依间出名嘅发记粥面。我同老公叫咗个炸两、豉油王炒面、碎牛鱼片粥、豆浆，加埋都系$91，超级抵食。落咗单之后，我发觉后边个食物柜放咗好多排油炸鬼！系咪我眼花？依间老字号嘅油炸鬼唔系即炸？系咪预制啊？食物上枱，炸両唔香冇味；鱼片香甜、粥底有烂饭嘅质感；豉油王炒面（椰菜银芽炒面）系全部嘢入边最差，无味.... 似白烚再捞豉油。我唔明点解会系大埔名物，唔会再去冇下次！
继续阅读
价钱今日星期六，叫左一碟叉烧肠粉，一碟炸两，及两杯饮品，总共$86。食物同饮品质素，跟唔上收费水平。肠粉味道碟肠粉由阿姐手上递过来一刻开始，已经闻到一阵渊臭味，我本以为系餐枱俾抹布抹过既气味，寻找之下，发现主要臭味源于肠粉。仔细分别过碟，叉烧，肠粉，豉油。碟有轻微抺布味道，叉烧冇问题，问题出喺肠粉或豉油身上。推测一，制作肠粉时的抹布有臭味。推测二，豉油发出臭味，对比过炸两上的豉油冇问题，但不能证实两者用同一支豉油。肠粉份量价钱$25 ，但份量少得可怜。肠粉幼搣搣炸两价钱$23 ，份量充足，入面嘅油炸鬼十分脆口，外面包裹嘅肠粉好薄。见仁见智，可能有人会觉得肠粉较口，先有口感
继续阅读
发记粥面：呢间档口我嚟到永远都会叫佢「葱花虾米炸両」，首先佢系专做粥面，肠粉自制，肠粉皮不会过厚，半玻璃效果，油炸鬼自制，不是用隔夜老油条，全部即叫即制，额外叫一声多虾米多䓤，太子会化身阿拉丁入边嘅灯神一样有求必应，一碟冇记错都好似系$22，咁嘅质素，咁嘅价钱，唔系好多地方可以做到
继续阅读
今朝瞓醒凉凉地想食粥，就出咗去街市大楼揾食。上到去唔算多人，好快揾到位，去铺面睇餐牌拣食物，姐姐话唔驶睇得咁辛苦啦，比个餐牌我返去坐低慢慢睇 🤣🤣拣好食物，我唔食牛就叫艇仔走牛，姐姐话加返啲咸肉比我 😍😍 粥有啲淡，反正食粥都系想清肠胃，无所谓啦。个炸两大大碟，但油炸鬼唔算脆口，佢有成罐芝麻喺台面，我就仙女散花铺满面 🤣🤣🤣两个人两碗粥加碟炸两成为 $68，食完离开唔觉饱，但行行吓落格就好饱啰！
继续阅读
有一段时间无去大埔墟新街市的food court食野了；食物贵左外，之前发现好多食物好似失了水准，最重要的星期六日是特别多人等位，所以自己也很久没有来这个种类繁多的食店揾美食了。趁今次有朋友话来大埔行山，就尽大埔友地主之谊，请你大埔地道的美食啦…好欣赏凭双手做出好好味食物的师傅，一路都做唔停手，见师傅真的无停手系甘整。虾米滑滑肠粉：食落真的滑落喉咙甘，好滑溜，配上芝麻，花生酱，甜酱，香港的地道美食。艇仔粥：食材丰富，粥底也绵绵的。粥底好绵绵，最有特色是猪肉片好新鲜juicy，皮蛋又好食，唔臭，配上姜丝的粥食落都好有味道。
继续阅读
您可能会有兴趣的...