影片
食家推介
最近新冠肺炎疫情稍为缓和 所以就同朋友出去聚一聚 男人之间嘅聚会点少得打边炉呢 经过一番搜寻之后决定去显径邨嘅发哥火锅𠮶度食下海鲜 入到去装修好似一间酒楼咁样跟住就叫咗牛肉 猪肉 鸡肉等等嘅肉类 全部都好新鲜 牛肉味好重 只系略嫌瘦咗啲 跟住就到海鲜大餐 叫咗几只鲍鱼 好新鲜而且仲系识得郁嘅 跟住就叫左左口鱼 睇相就知道条左口鱼几新鲜 鱼眼非常之精灵 鱼肉亦都好弹牙 鲜嫩无比 值得一赞沙白非常之有海水味 而且冇沙 扇贝亦都好新鲜 爽口弹牙今日就决定食好啲 叫咗一只开边龙虾去打边炉 呢只龙虾虾膏亦都好多 而且肉系顶壳嘅 弹牙不在讲 而且富有鲜龙虾嘅味道 简直令人一食上瘾有朋友好钟意食竹笙 所以就叫咗 呢个同出面食到几多差唔多 冇乜特别墨鱼滑整得几爽脆 但系墨鱼味略嫌淡咗少少
继续阅读
天气冻冻地最适合打边炉😋，去咗大围依间火锅店，喺个旧式屋村冬菇亭🍄入面，够晒特别又几有Feel，里面全新装修，坐得好舒服。我地点咗个「海蟹餐」（每位$248; 星期五、六、日、公众假期前夕 ＋$10），套餐包括多种海鲜😋有好鲜甜嘅海蟹（每人半只）、好大只又弹牙嘅蛏子皇，仲有贵妃蚌、多宝鱼、黄金蚬、海虾🦐、蚬⋯海鲜超丰富，都算几新鲜～个人最like 蛏子皇～套餐仲可以另选8款火锅配料，另外仲有好足料嘅老火炖汤，仲有1人1只 鲍鱼，可选新鲜/冰镇，我冰镇鲍鱼好入味又弹牙，都几唔错💗仲有好下火又清甜嘅竹席茅根水任饮，同埋罐装汽水任饮⋯一路打边炉🦀海鲜嘅精华一路入晒去粥底里面🥳到最后食到7788，服务生仲会加D南瓜、粟米、芋头粒粒同埋白饭入去个粥底，煮一阵就变成好鲜味嘅海鲜粥🤤食到好满足。每人2百几蚊落楼，真心抵食！不过要注意返，店内没有洗手间，要出返去冬菇亭外面个Public Toilet, 𠮶日好在都算干净～PS.＋茶芥 $15/ 每位、没有加一
继续阅读
🦞龙虾餐 $288一位，🦀海蟹餐 $248一位；星期五六日火锅每位加$10；另外茶芥酱油每位$15；全日免加一。每位都有炖汤一盅，我饮嘅系螺头姬松茸炖鸡汤，够火候得黎味浓且清澈，唔系hea 你架👍🏻。龙虾餐同海蟹餐分别包半只龙虾同半只蟹，另外仲包七款海鲜同安格斯牛肩肉，七款海鲜包括蛏子皇、贵妃蚌、多宝鱼、黄金蚬、时令贝、海虾🦐，第七款海鲜可选新鲜鲍鱼或冰镇鲍鱼；蚬同贝类我收到沙白同带子，鲍鱼就拣左新鲜鲍鱼。🤩最惊喜嘅系鲍鱼，生猛新鲜唔在讲，煮完肉质有弹性得黎又好易咬👍🏻，唔会硬掘掘或者食橡胶咁；贵妃蚌中等体形，非常饱满鲜甜；海虾都好新鲜，拮好左一串串又剪晒虾须，煮起上黎好方便，够晒贴心。蛏子皇就有少少失望，系就系大只，但肉薄又唔算鲜甜。八款配料分别叫左西班牙猪腩肉、美国肥牛、鲜滑鸡、自家制云吞、海虾海沙白炸鱼皮自家制墨鱼滑。🤤推介云吞！皮薄馅靓好juicy，仲有少少甜味，应该系来自蔬菜嘅，呢个真系必点！美中不足系鱼皮唔够脆同埋有浸㶶味，不过又好好比我地可以换第二款配菜(最后叫左唐生菜)。食晒主菜同配料就可以食粥啦，店员帮我地加左饭、粟米、南瓜同芋头，时间关系我地唔㡳煮左好耐就食啦，粥底唔会太咸，清清地都唔错，唯一系芋头未够淋，建议大家可以早d到，咁就唔洗咁赶。环顾周围几枱，好似得我地呢枱有煮到粥🤔，嗯......应该系佢地有叫面/乌冬而我地无啫，一定系一定系😆😆！饮品方面，一入座就比左揸竹庶水我地，但味道偏淡，得个甜字😛；免费饮品嘅选择较少，有汽水（可乐、雪碧、忌廉、橙汁）、清凉爽同冰红茶（仲有竹庶水🤭），不过唔紧要啦火锅先系主菜。
继续阅读
友人突然好想打边炉，跟佢嚟到大围呢边食粥底火锅。我哋点咗龙虾餐，侍应好快就先送上两款开胃凉菜同埋一壶竹蔗水。竹蔗水饮落唔算好甜，几健康。炖汤有成五、六款汤料好足料，饮落味道清甜滋润。新鲜鲍鱼煮几分钟就食得，肉质好结实，咬落弹牙好好味。主角龙虾好新鲜仲有少少虾膏，虾肉爽口弹牙唔错。多宝鱼肉质比较淋，好滑溜。蛏子虽然熟咗卷埋一旧但其实好多肉，食落鲜甜，爽口弹牙。贵妃蚌肉质丰满实净，食落韧韧地有口感。海虾够新鲜弹牙。安格斯牛肩肉油脂分布均匀，食落牛味好重。火锅配料好多选择，各款味道都合格有余。最后食埋个海鲜粥，每啖吸收咗海鲜嘅甜味，味道天然。
继续阅读
近排天气一冻就好想打边炉，即晚约友人特登嚟大围发哥食粥底海鲜火锅。开胃小菜系花生同青瓜各一碟。除咗有多款汽水外，连竹蔗水都系任饮，清凉又解渴啱晒打边炉。炖汤嘅汤料好足，有姬松茸、螺头、鸡脚等，好清甜好好饮。新鲜鲍鱼上台时仲识郁，咬落口感结实好爽口。我哋今次拣咗龙虾餐，海鲜成盘一次过上好有份量。先试下龙虾先，虾肉肉质好爽脆，味道好鲜甜好好味！蛏子皇大大只，咬落好爽口。多宝鱼虽然有骨但好易食，鱼肉好嫩滑。多款贝类都无沙好新鲜。海虾每只都用竹签串起，方便剥壳好贴心。安格斯牛肩肉牛味好浓好鲜嫩。火锅配料每台都可以拣八款，份量啱啱好一定够饱。最后可以叫伺应加粥底配料落汤底，啲粥吸咗多款海鲜嘅精华清甜又好饮。
继续阅读