影片
难得过去鸭脷洲，预先睇吓附近有咩好食，揾到呢间"发仔记"，评语唔多，得4条，但4条都好评，亦见啲相几吸引，所以就订定位。去到舖头一眼睇晒，大概6张台，当时有3张已入座，另外3张已留座，无预早订位就咁去，就试唔到喇！本来谂住叫蚬、螺等，但都卖晒，最后点咗:椒盐鲜尤～椒盐味比较少，要点酸甜汁，𠮶汁系跟嘅，生炒骨嘅味道蒜蓉炒菜芯～正常表现蒸鱼～我唔食鱼，但家人食过都话好食，蒸嘅时间啱啱好，肉质滑蒜蓉粉丝蒸蛏子～蛏子新鲜、清甜，唔难粉丝虾干杂菜煲～啲菜、粉丝食落清甜家乡炒米粉～好食，唔咸又唔油
继续阅读
好开心。。人少少，天气又凉少少，可以嚟围一围炉，食发仔记！小店老板，家庭式经营，只做晚市。其实，如果做埋午市，起码可以帮补成本。仲可以做多啲街外客。横掂啲客都系喺街市买海鲜，之后行出嚟食。讲真，我觉得嚟发仔记，仲好过上楼上同人迫。今次我哋冇嗌鱼仔。天气凉，反而叫个羊腩煲食！味道一流！绝对唔可以同出面街外𠮶啲急冻羊腩对比。出边食𠮶啲，林啤啤，一坺嘢。呢度食𠮶啲，一嚿嚿，有咬感。一锅非常足料嘅羊腩，超正！仲要有非常新鲜嘅生菜。又叫一叫避风塘炒田鸡。ok㖞！唔错，香口，田鸡又新鲜！值得推介。最后，叫咗一个腊味糯米饭。个糯米饭系新鲜煮嘅，所以同出边舖头食嘅会唔一样。个人建议，如果真系可以系以煲仔上，会好啲！可以有埋饭焦，咁就顶呱呱喇！顺带一提，嚟到呢度，最正嘅就系冰冻蓝妹。😋😋😋老板三哥最识饮。佢自己饮𠮶杯啤酒，喺长期冰镇。
继续阅读
呢间原本在鸭利洲大街十几年的发仔记自搬到鸭利洲街市傍边小巷亦已十年左右，一直有去食，因为实在太合口味! 我喜欢食海鱼，佢地有游水海鱼，记住系游水海鱼而不是一般海鲜酒家的养殖海鲜鱼! 更有一般酒家冇得食嘅冰鲜细海鱼仔如狮头、细仓鱼、青筋、黄花仔、木绵仔(细大眼鸡)。佢地一般小菜亦好得，食过好多出现嘅所谓小炒王其实同呢度真系两回事! 佢地家庭式经营，老板三哥为人率直，有话直说，斤両十足，你亦可在隔离鸭利洲海鲜市场买海鲜自来加工，佢地用油好靓，我敢讲同顶级酒家比，因为从来未有试过咁纯海鲜原本味! 小店只有几张枱，定要预订，否则多数白行! 咁多年我去香港仔只去呢间，试过上街市大排档及其它店，只有更想回来! 如果讲埋价钱更令人满意，因为真系实惠 ! 当然食店环境是很普通，半点也不豪华，是街坊小店，我一直忍住不写这店是自私去谂怕佢出名了更难有位!!!
继续阅读
鸭脷洲，食地道海鲜，识食一定食发仔记，而唔去熟食中心𠮶两间俾㓥人。外表简陋老旧的小店，原来炒炸功夫一流，胜于绝大多数大排档。椒盐九肚鱼 (8.5/10)：外脆内嫩，炸粉好薄，即叫即炸，肉质水嫩到似豆腐，鱼鲜四溢。暂时心目中全港top 3。鬼头斑 (7.75/10) ：店长是日推荐鬼头斑，游水鱼，据称是即日捕获的鱼获，即叫即捞即㓥即蒸，鱼味鲜美，略有油香。但稍为蒸过了火，肉质虽富弹性，却稍老了一点，可惜。豉椒炒蚬 (8/10)：炒功好，够晒镬气，兜得好均匀，炒到连黄椒红椒都好食。蚬肉饱满，胀卜卜，鲜美。
继续阅读
好多人都会上利东街市食海鲜，今次错有错著，因为利东街市未开，去左发仔记食海鲜，好细既一间店，只可坐七至八枱，好地道既店，但炒野好够镬气，海鲜够新鲜，价钱又好实惠，这些店真系要支持支持今次最正既系酥炸黄花鱼，唔油腻，好酥脆，送啤酒🍻一流，我地忍唔住要再点多碟，其他酥炸既海鲜都好正，绝不欺场另外豉椒炒花甲，又大只又新鲜至于椒盐濑尿虾，相信都系好食既，但系由于我唔识除壳，最后只系食左一只至于其他小炒都系好好味
继续阅读