友料雞煲海鮮火鍋 (已結業)

从来都无意欲去士瓜湾揾食，因为觉得唔就脚，今次系第一次！Order $188人头餐，另加$60(好似系)卜卜蚬，食哂d蚬就可以加汤再打边炉！卜卜蚬够哂大只，牛油蒜蓉味够哂香够哂浓，好味刺身海鲜够哂新鲜，好味 响铃新鲜即炸，好味牛肉好重牛肉味，色泽雪花完全系上等货色，不是一般的肥牛货炸芋头波波(好似系)，好脆又好味员工细心，服务一流埋单每人都系$23x，真系超值！一定要再encore温馨提示:book定位就安全d，铺面不是很大…Read More

打边炉，真系一年四季都不会闷！今次有朋友车我哋入土瓜湾，话带我哋食好嘢！咁当然就一窝疯跟过去啦～～ 呢度仲要系良心企业！每日都会派发饭给有需要的人。很多义工都有参与。 呢度啲位都几宽阔，坐系度打边炉都会比较舒服～～ 我哋一行六人，点咗个「友料爱心餐」每位都系HK$188！呢个餐系For四人的，之后我哋再点多其他嘢。 首先，当然系要食返个刺身先啦～～ 呢个系餐入面所包的。呢个刺身份量，又坚系好恨大份呢～～～～～ 五款刺身包括：泰式生虾、北寄贝、肥美三文鱼、八爪鱼以及冰镇墨鱼。最爱当然是肥美的三文鱼了！真的鳟甜且油脂刚刚好！ 再黎凉菜冰盘，很大份！说是四人份量，真的很难相信！又系餐入面的哦！有6款嘢食，当中包括：凉拌青瓜、泡椒鸡脚、凉拌皮蛋、爽脆猪耳、白卤水生肠、白卤水鸡肾。 这个凉菜拼盘，少有地款式好多。而且辣得黎好过瘾。最爱猪耳，十分爽脆！又好鬼弹牙！个皮蛋都好正！食咗啲辣汁，辣得好有层次！ 打边炉汤底，拣咗「营养杂菜锅」！啱晒女人们啦！好多蔬菜，清甜汤底，无油最正！ 全场最正，当然系呢个海鲜盘！！超大盘，而且款式都好多哦～～ 成6种海鲜，包括鲍鱼、膏蟹、蛏子、海虾、花甲同埋卜卜蚬。 蛏子虽然细细只，但系只只都好鲜甜味美。而卜卜蚬是我最爱，鲜味十足！爱蟹的朋友，不容错过膏蟹哦，都好多膏啊～～还有大大只的鲍鱼～～ 我哋仲额外点了呢个必食推介！食到想再叫多一煲，真系超级正！「澳门蒜香卜卜蚬煲」HK$148 坚系成煲上，大大煲的。而且卜卜蚬的份量超～～～多的。粒粒都肥美饱满，食起上黎有著劲量香的牛油以及惹味的蒜香。加上了白酒，醠添味美！辣中带酒香，加埋入晒味的金菇，超正！ 火㶽料方面，有这个本宝丸重难月日粒粒都非同凡响！包括：榨菜牛丸、咸蛋猪肉丸、墨鱼粒墨鱼丸、芝士虾丸等。睇下个芝士虾丸，坚系唧晒啲芝士出黎架！ 美国肥牛，质素也不错，份量都几大。如果想再食好啲，加差额补个安格斯肥牛都得！ 必食自家制的即炸响铃！新鲜炸起，唔点汤，点酱食，好鬼正！极脆，松化！好正！ 姬㭃茸瑶柱响螺炖冬瓜鸡汤锅HK$188 成班女，最紧要系滋补，当然要食呢个锅！极浓极滋补的汤料。好好饮，而且不会油，火喉劲足！一定要黎试下！ 友料鸡煲海鲜火锅土瓜湾土瓜湾道237号益丰大厦A地舖 …Read More

同朋友讲起话好挂住好味道嘅打边炉，唔系任食场、要散叫，可以慢慢叹嘅。 朋友话去土瓜湾食「友料鸡煲海鲜火锅」啦，话真心推，OK，既然佢坚持，我就顺佢意啦XDDD 天气热，坐低第一件事叫支青岛，$22一枝大啤，算抵WOW~ 原来餐厅是良心餐厅来的，每日会煮新鲜饭菜，派饭给有需要人士，每日100份。有兴趣可做义工或买饭票～～ 店员推荐叫友料爱心餐，HK$188／位，包以下的东西！ 每位$188，绝对是超超值！ 之后加单，𩠌、酒同饮品都系75折，不过海鲜除外 我地叫咗四位友料爱心餐，另外仲叫咗个澳门蒜辣卜卜蚬 同养颜花胶浓鸡锅。 谂住个个都系大胃王就唔怕啦，但真系超～饱XDDD 先上冷盘开胃，有 6款，味道不错。泡椒鸡脚好正，最特别嘅系有白卤水生肠，好耐无食过～ 刺身，4人份量都算多。款式多，又新鲜，仲有少食嘅冰镇墨鱼，又几好食！ 汤底拣咗营养杂菜锅，够清甜～ 打边炉由时令海鲜开始。 4人份的份量都算好多，而且有6样，坚抵！！有膏蟹、鲍鱼、蛏子，海虾、花甲同卜卜蚬 有膏蟹同鲍鱼果下已真心LIKE，仲要新鲜又大只～ 第一次用卜卜蚬打边炉，原来好鲜甜。 另外仲有自家制即炸响铃~~~ 上台时热辣辣，试食一啖系皮薄嘅，快手烚一下，再加甜酸酱已好好味～ 个人建议唔烚都得，即食仲正！ 跟餐嘅美国肥牛就无咩惊喜，如果钟意食牛，可以补差价转安格斯肥牛，加多大约$50就得。 另外仲有蔬菜粗粮拼盘同香芋芝心丸， 不过我放弃咗，因要食以下呢个！！ 澳门蒜辣卜卜蚬  超级超级好味！ 为咗呢个，已经足够令我再唻食！ 上枱时已闻到好香嘅蒜辣味。 成个火锅咁大嘅份量，超夸张！ 卜卜蚬好大只，好鲜甜。蚬肉够厚身，真正啖啖肉！ 配上蒜辣汤底一齐食，不会互相抢味，反正将卜卜蚬嘅鲜甜带哂出唻！ 必叫，强推！ $148真系抵到一个点。 有人话要饮汤，话好耐无饮靓汤，就叫咗养颜花胶浓鸡锅 养颜花胶浓鸡锅  用上半只鸡熬煮出唻、无加奶、更有足8两花胶，非常足料。 鸡味浓郁，花胶煮得刚好，有咬口、唔会散但亦有黏黏嘅骨胶原。 入口非常顺喉，不油不腻不燥，好好饮！ 估唔到，我地真系咁大食，最后只系食净少少。但好有衣食，煮熟打包拎走，唔好浪费～ 总结，虽然对我唻讲唔就脚，但一定会再唻！…Read More

今次跟朋友黎到土瓜湾呢度揾好野食!!听讲土瓜湾有好多好野食架~~呢次就黎左这间【友料鸡煲海鲜火锅】打边炉~~~佢地既点菜纸上都有好多火锅配料;仲有刺身及冷盘~~~就连汤底都有成9款可以拣!!店员就推荐好多人都会点既 养颜花胶浓鸡汤香喷喷既鸡汤系一上台时已经扑鼻;呢度系半只鸡既份量, 就用上足 8两既花胶, 真系好足料!!足料花胶真系好大块, 而且鸡汤味劲浓郁, 仲要冇味精~系打边炉之前真系要饮多几碗滋润一下!!饮完之后就可以叫店员打返汤落去打边炉啦~除左打边炉之外, 佢地仲有其他特别野食~~我地就叫左 香浓龙虾杂菌泡饭 (时价)用上新鲜既龙虾制成既泡饭, 整个汤都充满龙虾既香味;龙虾肉质弹牙爽口, 泡饭同个汤都好鲜甜!!之后呢个 澳门蒜香卜卜蚬煲食完真系返唔到转头!劲香既蒜蓉, 牛油味, 真系闻到已经好想食!一煲都有好多只卜卜蚬~每粒卜卜蚬都好饱满, 蒜香味十足;仲非常鲜甜惹味, 少少辣咁, 个个都争食!!呢个真系必食~~…Read More

打边炉真系一年四季都岩架~~最适合一班朋友拾下拾下, 边食边吹水架啦!!! 最近我就同班朋友仔去左间价钱唔贵, 食物质素又不错既火锅店"*就系位于土瓜湾道既【友料鸡煲海鲜火锅】入面地方都算宽敞, 设有卡位及大圆台；无论人多或人少都有舒适既位置~~ 我地几个女仔食量唔算好大, 店员就推介左佢地既【友料爱心餐】有冷盘又有刺身及海鲜, 食物款式都几多又岩食；价钱都系每位 HK$188 (四位起) , 完全唔贵, 大家意见一致点呢个餐~~ 另外就点左佢地既大大杯饮品~~左边系冻话梅柚子七喜, 右边既热话梅柚子茶；真系全部大大杯, 冰冻既非常消暑, 热既就十分滋润"* 先来 4人份量的冷盘, 分别有 6款：凉拌青瓜‧凉拌皮蛋‧秘制泡椒鸡脚‧爽脆猪耳‧白卤水生肠‧白卤水鸡肾辣辣地好醒胃, 猪耳非常爽口, 泡椒鸡脚又十分入味；另外好少可会有埋卤水生肠及鸡肾, 正丫"* 食完冷盘就端上新鲜既刺身拼盘~~都有 5款不同既刺身：三文鱼‧八爪鱼‧北寄贝‧泰式生虾‧冰镇墨鱼三文鱼都几厚切下, 而生虾配上泰式酱汁真系一流, 而且很爽口；全部刺身都十分新鲜, 每人都可以食到一件喔!!! 食完头盘既刺身同埋冷盘前菜, 就黎到正题打边炉啦!!!我地就拣左【营养杂菜锅】女生们就最钟意食蔬菜, 呢个杂菜锅够哂健康又唔怕肥, 岩哂啦"* 话咁快, 火锅用既海鲜都已经端上啦~~~一上台个个都哗一声丫, 好大盘海活海鲜呢!! 有成 6款, 包括：鲍鱼‧膏蟹‧蛏子‧竹串海虾‧花甲‧卜卜蚬膏蟹及鲍鱼都几大只下架~~~而花甲及卜卜蚬大概每人都有两粒, 份量都几足!!!睇得出全部都好新鲜, 打边炉绝对正丫"* 跟餐仲有友料营养拼盘及自家制即炸响铃~~~佢地既炸响铃真系即炸架, 上台时热辣辣脆卜卜；可以蘸甜酸酱汁就咁当小食食, 或者打边炉放汤食亦得!!!我就钟意就咁食啦, 香脆可口又唔油腻"* 另外跟餐既美国肥牛, 质素较普通~~~如果想食靓牛既话, 可补返差价转顶级安格斯肥牛架；都只系加 HK$50 就有得食靓牛, 只系要落 ORDER 个时用店员讲就得!!! 我地仲额外点了佢地既友料五宝丸 (HK$88)呢款五宝丸其实内有干坤架~~~佢地唔系普通既丸, 分别系：榨菜牛丸‧咸蛋猪肉丸‧芝士虾丸‧墨鱼粒墨鱼丸‧鱼蛋手打既五宝丸好弹牙, 个人十分喜欢芝士虾丸及墨鱼粒墨鱼丸!!估唔到咁既配搭都好好食, 真系要一试"* 跟餐有埋甜品：香芋芝士丸炸到外层金黄色, 入面系热辣辣既香芋芝士蓉；唔会太甜, 味道不错呢!!! 最后我地仲发现佢地有近期最兴既【澳门蒜香卜卜蚬煲】(HK$148)超香牛油及蒜蓉既白味, 仲有少少酒香；一煲入面都有好多粒卜卜蚬, 等佢滚起及完全开哂口就食得!!!!呢种系澳门盛产既卜卜蚬, 肉质超鲜甜；虽然细细粒, 但系会令你食唔停口, 再加埋少少辣, 好惹味"*而且用左金菇黎垫底, 系煮既同时已经吸收哂蒜香及蚬既鲜味~~~一个字【正】, 必定要试!!!!…Read More