叉燒大王

营业中

休息中

已經習慣外賣，要找適合外賣的美食，已經是每天的日常。好好味的半肥瘦叉燒，流心蛋，甜豉油，簡直係香港人的comfort food。外賣恩物，天天都大排長龍的燒味店！不過飯有啲硬，所以下次會只買叉燒😋

買兩斤叉燒外賣叫佢比多兜姜容，佢話唔肯俾話姜容好貴咁我話俾錢買得唔得佢都話唔得，啲叉燒又唔係有乜特別咁好食普通貨色仲要咁寸嘴唔會再幫襯,你哋話唔夠秤就梗嘅添㗎啦望埋去都知唔夠兩斤啦

叉燒大王係沙田河畔花園樓下附近一帶都比較多食店見佢掛出嚟嘅燒味叉燒油雞睇落去都幾靚不過份量爭少少同埋叉燒冇乜特別 正正常常今日食嘅係C餐 叉燒湯意粉🍝不過見佢晏晝都幾多人叫外賣熟客生意

今日約朋友喺麗豪酒店交收啲野，醒起喺好耐好耐好耐之前食過嘅叉燒大王。見今日出糧，就斬料返去加餸。如圖，價錢偏貴，不過唔算好離譜。平嘅食過，再貴嘅都食過。一分錢一分貨卦….肉質係好稔嘅，就算係好瘦嗰啲都唔鞋。所以稔度唔錯。但….切得非常大舊，只係略細於大圍小館嘅 size。至於味道，我哋食完晒成碟都覺得冇味。冇味係講緊，唔咸、唔淡、唔甜、唔香、冇肉味。只係比白烚熟一舊豬肉好少少….食到有少少懷疑人生。試吓無妨，但冇下次

{沙田叉燒大王🍽}話明係叉燒大王會預期覺得個叉燒會最好食😀🤤雙拼飯🤤 ($45)講明左要半肥瘦點知一半啲肉就好肥其他就好瘦又乾柴😱食落味道正常 而燒肉個鹹味落手好重🥺唯一好嘅係個脆皮好脆 但真係好鹹 份量亦好少 45蚊會預期多啲👖褲評: 4/10總括嚟講性價比好低唔值得試🥺正常叉燒燒味應該可以再平啲👀性價比: 5/10服務: 6.5/10環境: nil #fuudjai #fuudjai港式 #fuudjai沙田

今日中午去買一斤叉燒外賣，攞到返屋企去稱重量得嗰540克香港嘅一斤應該有605克，依家少咗成65克，唔通你叉燒大王用大陸嘅斤？大陸就一斤500克啫！依家係香港喎！

夜晚9點半都無咩可以揀之前食過胡椒豆卜覺得好好食就再叫堂食份量感覺多啲嗌左個豉椒炒蜆，黎到呆左好多空殼🙃之後就發現係甩晒出黎，應該係煮熟左兜汁先係咁小炒王就無乜特別3碟餸200蚊，不過不失

之前耐唔時都會黎呢度食叉燒乳豬飯，見好耐無去，今日特登揸車去食下午茶！3點去到已經無乳豬嚕，唔知係佢地賣晒定最近都無～所以叫左個叉燒油雞瀨粉可能浸左湯既關係啦，所以覺得啲叉燒無以前咁香咁好食，而且個湯都偏油，不過以下午茶黎講，叉燒同油雞份量都幾多既，但係個瀨粉就比較碎同腍，唔係幾好食另外叫左個雪菜肉絲炆米粉，幾乎無味，落左好多辣椒醬先有啲味而且都比較油，本身明明好肚餓，最後都食唔晒⋯⋯貴就唔係好貴，不過味道真係好一般，以前食燒味飯覺得呢間啲叉燒好出色，仲稱得上色香味俱全，連啲飯都覺得好正….但我相信經過今次之後都未必會再返黎食

有名你叫叉燒大王，點可以唔試下佢D 叉燒呀! 叫左個叉燒炒飯，番到去打開個盒，嘩! 勁大盒! 真係分2餐食都得! 好夠鑊氣! 叉燒好香! 叉燒比例都多，差唔到每啖飯都食到叉燒!

前陣子在沙田搵食忽然間下起大雨來，便隨便走入這間叉燒大王吃午餐，食物味道不錯但環境和整潔度就麻麻哋了！我倆到茶記必飲熱奶茶和凍檸檬茶，前者跟餐免費後者加＄3便可享用到，我的凍檸檬茶走甜也不錯有茶味最重要冇返茶。我選了酸辣肉碎招牌蜜汁叉燒瀨粉＄50，酸辣肉碎驚喜地好味道叉燒亦淋滑香蜜，配爽滑瀨粉真的很惹味。車爸爸選上的肉絲炒麵＄58份量超慷慨，麵條炸得算脆口但調味較輕手，吃下味道有點溫溫吞吞我就不喜歡了。如果這間叉燒大王能攪好點衛生相信會更得人鍾意。

今日食呢個死雞死鴨外賣飯盒。叫咗一個叉燒油雞飯，我指定要肥叉燒！一打開個飯盒，嘩，都幾出色，真係好肥呀啲叉燒。油雞份量唔算好大份，比較薄肉。仲有兩條油菜。估唔到叉燒大王啲叉燒真係好好味。不過埋單要$43，有啲貴。

買個早餐番屋企食， 打開個魚柳包，塊魚柳得個包 1/3大，好似俾人偷食左咁 好聲好氣去換果個，點知餐廳話係得咁細 唔肯換，「轉其他野食囉」 下！ 希望佢地改善一下 明白魚柳有大有細 唔好太離譜1/3真係太過份 廚房完全唔肯換結果買個早餐食 買用左半個鐘轉咩食 都無心情食————————————————————好失望囉做街坊生意唔係咁做————————————————————#脆脆魚柳包 ————————————————————

1030左右去到，可以選擇早餐／午餐，有多d選擇，當日係星期五，依個時間唔算多人，但係唔明點解要搭枱坐，我地提出可唔可以轉卡位，佢答，見到有你地咪轉囉，餐廳員工服務有d參差不齊，本身以為態度唔好想走嫁啦，點知一轉身另一位姐姐帶路，介紹招牌菜，面帶微笑好耐冇食沙爹牛麵，叫左個早餐套餐，多士係脆身但係凍，溶唔到牛油，蛋夠滑，沙嗲味夠重，面質ok，杯凍檸茶茶底好苦，同埋有叫到少冰但係一樣燒腩仔皮超級脆，如果肉可以瘦多小小就perfect 啦！鹽焗雞有d偏咸，配飯食都偏咸，熱檸水好細杯，係拳頭大小，得2啖水左右食物整體上算可以，飲品真係要改進

本身鍾意食叉燒，見佢名叫叉燒大王入去試下。其實都心裏有數，通常依d名收得你50蚊一個叉飯，叫做保證唔會全部都係又鞋又乾既叉燒。碟飯上台，正常size既叉燒7舊，食落都淋既，但唔係全淋。份量多d會覺得型d。叫得大王就比d霸氣啦😂比起有燒味部既茶餐廳無咩特別之處。叫做試過囉，適逢好想食叉燒寧願斬50蚊幫呀媽加餸😂又或者撞岩你果區有d質素保證既燒味，食果d好過。另外凍奶茶無咩茶味。食個lunch50蚊可能你覺得我多要求🤣🤣。但我真係食過好多50蚊高質叉飯，可能佢唔叫大王我都未必打依篇野😂其實打依篇主要原因係飯食飯碟。我叫叉飯，但碟邊有d黃色油，又有d大大滴水珠。感覺好似人地食完碟雞飯，求其過一過水抹一野再裝個叉飯。🙂🙃

難得限聚令變到6個人，所以同朋友們一齊聚下食個晚飯🥰餐廳名叫叉燒大王，但係啲叉燒唔係特別好食其實同餐廳名並不相符而且女侍應好hard sell 不停向我哋推銷高價錢菜式，呢點令同行友人感到不愉快😅由於叫左好多樣，所以評價用好食度黎排列次序。蜜薯牛仔粒 10/10個汁係黑椒汁加蜜糖，每件好都入味包括埋薯仔，牛肉粒似7成熟，唔老唔鞋煮得岩岩好，最好食係呢道菜鹹蛋味既炸蝦 8/10炸得岩岩好，一咬落去卜卜脆，好似食緊鹹蛋味薯片咁，完全可以成隻入口唔洗整走蝦殼先食幾方便。清蒸聖子 7/10冇技巧可言，普普通通你明架啦🤣叉燒 6/10個汁幾欣賞而且係入味既，不過有啲鞋，同太興叉燒質素差唔多，同餐廳名差太遠。忘記了菜式名 6/10 普通無特別走地雞 5/10完全可以唔需要叫可以miss🤣雞太老又冇味最最最難食係佢 1/10，千其唔好叫真係第一次食海鮮會話難食，認真講煮海鮮真係無技巧，點煮都好起碼食落不過不失唔會去到難食囉😖首先佢一上台已經係凍，姐係唔係熱炒出嚟，其次啲肉一食就知係死肉，第三呢盤野入面有3分2都係得外殼無肉架夠哂伏，第四最重要既一點，佢既汁似係用水熟咗啲肉然後直接倒啲汁去盤野到涼拌