影片
以上资料只供参考，请与餐厅确认详情
今日星期日早上喺我屋企附近嘅点心大排档买咗鲜虾肠粉和山竹牛肉球都好难食，但系因为肚饿照食，食完再瞓过，醒咗之后突然醒起，不如喺美团叫过叉烧大王嘅叉烧五宝饭食啰！好耐冇返挞呢间嘢，因为美团和foodpanda的餐厅选项多得滞，顾住试新嘢忘记咗，直至寻日食咗咖吔嘅海南鸡饭唔够咸及星加坡喇沙唔够好味，先谂起不如叫返呢间以前食开嘅，点知喺开饭网最近嘅食评有啲好差，所以唔抵得写返个食评帮佢平反一次：叉烧好好食，不过好瘦，可能潮流兴瘦，啱我！如果要肥叉烧，我谂要喺备注度写明。烧鸭俾左烧鸭胸俾我，好好食，冇乜皮下脂肪，仲有一包酸梅酱跟住。红肠正常。烧鸡翼好好味，烧完都好Juicy ！咸蛋半只，味道除咗好好之外，最紧要就系蛋白好少咸，蛋黄好够油，好正！食咗唔方会高血压！因为可能我住喺附近博康邨，连埋运费只系$82 ，睇嚟我以后要返挞呢间嘢，因为喺沙田区叫一个饭盒一般都会收杂费，加埋点都要$120左右埋单，长期食好似好奢侈咁。
继续阅读
舢舨充泡艇！冇料扮四条！竟然够胆称舖名为「大王」哪来的自信！？话说，当日店内气氛相当嘈吵，又要搭枱，叫人心情烦乱！卫生也不佳，枱面和地板都很油腻。叉烧饭：舖名叫得叉烧大王，应该对烧叉烧好有信心，冇理由唔点来吃，最重要重是要肥的！我最厌吃瘦叉烧 .... 端来枱时，我就失望了，一看个样就知不对口味，吃入口就知确实如此；叉烧实不够焦香，也不够蜜味，肉质虽然够松软，但距离「大王」这个称号，还有一大段距离！贵香鸡脾饭： 算是皮香肉嫩，味道也不错，但鸡肉是 pink chicken .... 接受到的就接受到啰，我就接受不了， pink chicken 我是不吃的 ~收啦 .... 大王！本篇完 ~
继续阅读
今日，系威尔斯医院睇完医生后，去到河畔花园既交通安全公园巴士站等巴士。果阵大概下午五时多，突然有D肚饿，又唔想食打冷，行前少少见度依间野，就黎试下。既然叫大王，一于就叫左个叉烧饭同一个小菜，小菜名叫咩，我唔记得啦，佢系一碟野有几块切左正方形既豆腐，上面放左D鱼肉，都几好味！同埋觉得有D剑创意依碟𩠌，定唔知系我孤陋寡闻呢？因为之前未系其他餐厅或食肆度见过，之后我仲系屋企试煮，又当学多一样𩠌。个叉烧饭都，咁岩切左件半肥廋叉烧比我，少少焦，但仲好食
继续阅读
今日到店外卖半只烧鹅。回家打开，发觉好多件都斩到好大旧。我心想，斩到咁大旧，不如唔好斩，等客人全部揸住食仲好。更什的，是烧鹅肉质硬到离晒谱，味道又淡原全似无调过味一样。原全没有任何鹅味。希望唔系用咗急冻货去代替新鲜货。现今，想话帮吓香港食肆，结果发觉香港食肆倒闭的原因何在了。以前都有买过佢哋嘅烧鹅外卖，原全有一定水准。今次食品嘅质素系差到我要用时间写食评，不吐不快。如果再是这样，相信间舖都时日无多。
继续阅读
上星期放工去贵店买外卖，期间想贵店员工帮少少忙 但却遭受到极不礼貌对待！实在无法面对极rude既人 寻常对话唔会出现既个种rude! 所以当日决定要在此comment! 但隔几日 被告知留言可能会触犯法律责任。本人只是一个普通人 唔识留言讲实话以表达自己选购体验系点触犯法律责任，或者当日实在气在心头！所以留言语气太重，现修改如下，（当时无影底食物相 亦无法即时反应、捕捉无礼员工做证据）「（当日）放工去买个外卖 去拎个时 问个呀姐可唔可以搭个姜蓉 个呀姐d态度超级恶劣大大声闹个客 「唔早d讲 你下次唔早d讲 我拎唔到比你架」我第一时间系shocked ！明白餐饮业繁忙时间系无法多谢前 多谢后买少少野 就算无服务都唔紧要但至少唔会系大大声闹个客？完全系将怒气发泄系客人身上？作为消费者 购物体验从来好主观 体验唔好 可以仲有下一次体验系气在心头，真系好难再回头其实之前都试过几次 打电话落单 嗌烧味濑粉外卖部员工亦以恶劣态度 回覆 尼d体验对我个人而言已经唔系第一次！但今次实在令人气在心头！实在不想再有下次被怒骂既体验！
继续阅读
您可能会有兴趣的...