影片
太耐冇嚟因为午市成日满座，晤知系咪附近开多咗几间餐厅，有幸终于直入有位可能耐冇来，近20款午餐好似好多都啱食好多选择，$51个午餐，加热饮$4，冻饮$7，自由可酙水，热茶，中西汤同白饭，即系任添又加～京烧三文鱼饭连鲜果沙律，是日小食炸春卷真不错，饭用珍珠米，汁刚好，太耐冇来好似发现新大陆咁姜汁豚肉饭大大盒，个汁配豚肉好似特别好味，豚肉肥瘦适中不鞋口，叫杯茶走今天特别厚滑，又好似好味咗！！！ 焗饭即焗超热，正常质素！有时真系太耐冇食要返寻味一下又会冇限encore~
继续阅读
话说今天同朋友打算吃x莉x但人太多就去左试呢间(又一间餐室)8pm都算full，侍应态度好好，而且好快已有位安排比我地点左个(海南鸡便当)$62卖相外型真系便当咁，好特别 鸡肉好滑，油饭口感几好，不过似一般饭多过油饭套餐可以加$30加小食加左个炸鸡软骨粒份量好足，不过有点雪藏味🤔朋友就加$30加左肉酱焗薯条热辣辣上枱，味道够入味，好味！
继续阅读
喺美孚豪宅曼克顿山商场内有几间餐厅，见到又一间餐室有自助吧，价钱亦都叫做最相宜，就入去试下。午市落单系自己划纸嘅，因为眼见佢侍应唔多，可能咁样会无咁甩漏。我地叫左鲭鱼西京烧便当，除左有2块鲭鱼配饭之外，仲配1盒蔬菜连炸烧卖(小食)，同埋日式蒸蛋。$50有哂咁多野食，便当餐系最抵食嘅。我地仲叫左巴黎焗猪排饭，即系焗猪排饭配太阳蛋，个配搭好特别。焗饭只配炸烧卖(小食)，无日式蒸蛋。猪排唔鞋，个汁都唔错，份量好多，都好够食。所有餐都系$50一份，包自助吧可以任饮中汤或罗宋汤，自助攞水或绿茶，纸巾或酱汁，餐饮就需要另外加钱配。我地去𠮶日系西洋菜煲猪骨，个汤都几好饮！
继续阅读
今日既午饭时间我去左又一间餐厅吃午餐，我嗌左巴黎焗猪扒饭同埋一杯冻柠茶，冻柠茶我觉得太甜啦我觉得应该要叫少甜。又一间的巴黎焗猪扒饭我觉得比起大家乐嘅焗猪扒饭更胜一筹，上面嘅太阳蛋亦都系其中一个卖点，因为呢只太阳蛋嘅蛋汁捞埋饭一齐食令到个饭更加美味。另外呢间餐厅亦有自助餐汤区可以无限添饮。
继续阅读
午餐来吃了一个焗火腩温泉蛋饭。店来客人不算多，2-3位侍应好似好忙，一开始无人招呼你，自己自由揾位。到你揾佢地叫餐，态度都系麻麻，无咩回应。食物方面，今次食呢个餐系可以拣饭或者意粉。由于温度太高，那个温泉蛋一上菜不久，就变左熟蛋，无左流心。火腩有4件，件件都大旧，焗到有点干和硬，好难咬。食左第一口就唔想再咬下去。但系，个饭就好不错！茄汁销住每一粒饭，啖啖都系茄汁和蛋味！正！不过，那个春卷放系个焗饭上就真系错晒，结果令个皮软晒，好浪费！
继续阅读