廚哥

营业中

休息中

📍 廚哥 ｛長沙灣｝ 店內的雞係用貢花雞 ，每日都有適量的運動量，不停係大山上跑，唔係殘忍飼養，啲雞快樂，肉質自己嫩滑，呢間鋪頭只有一款雞飯同叉燒飯，專注做雞，所以比較出色🩷而且店內只提供外賣，大家經過路過都可以多一個選擇，加餸😚✨貢花雞髀飯揀咗雞髀肉，果然雞肉都好滑嫩，雞味都算重，中間仲要有啲啫喱咁幾靚下，肉質都嫩口嘅，不過不失！套裝仲有碗雞湯🐔 雞湯每日現熬4-5小時，呈現雞白湯的色澤，濁而不油膩！最鍾意中式老火湯，煲嘅湯最真材實料！超重骨膠原，啖啖都係精華，熱辣辣飲，好過引🤭

這間廚哥專做外賣，主打賣貴花雞，可以全隻，半隻或是手撕都可以，亦提供了數款客飯，小食及湯品，價錢十分平民。貢花雞髀飯套餐，份量大大盒，仲有湯奉送，都只是$45, 十分抵食。貢花雞係生長在大山上面，聽聞牠比清遠雞還要好。貢花雞的雞皮薄薄一片, 皮下脂肪很少，肉質結實彈牙，雞味香濃，灑上芝麻，增添香味。飯身不是普通白飯，應該用雞油一齊煮出來的，好香，但不油膩。奉送的湯是五指毛桃湯，不是味精例湯，有驚喜。另外點了一份辣醬雞絲撈麵，大大份都只是$35, 有青瓜絲有雞絲，口感豐富，味道微辣惹味。

最近喺長沙灣 遠處見到呢間好吸睛嘅招牌原來係朋友之前提及過嘅「貢花雞」識食之人．一定知道走地雞嘅肉質最結實呢度每隻雞都唔係打針催谷長大而係生長喺大山嘅貢花雞除咗套餐之外．仲有撈麵．雞絲腸粉等...外賣原隻 / 半隻雞 返屋企加餸或者當小食伴啤酒都係唔錯嘅選擇✨招牌貢花雞可手撕．亦可斬件因為兩樣都想試兩種口感不一樣所以各要半隻啦▫️手撕無骨啖啖肉店員即時搞拌．芝麻均勻沾上一絲絲嘅雞肉肉質嫩滑彈牙▫️斬件鍾意噒骨．斬件都好滋味半隻都放滿一整盒．好有份量連雞骨都好香口

廚哥今次要介紹一間喺長沙灣有一間新開嘅外賣店叫「廚哥」，佢哋主要係賣貢花雞，貢花雞係生長在大山上面，慢生長自由采食，老闆同我講，你當清遠雞嘅升級版，可以買套餐，又可以買成隻雞或半隻雞返屋企加餸，未試過貢花雞嘅你，不妨試下啦！1.貢花雞飯套餐 送湯（五指毛桃湯）$45（9.5/10）呢個貢花雞飯套餐個雞件都有大約12舊，貢花雞肉質結實之餘，雞味好香濃，雞皮上面會落咗大量白芝麻，令到每舊雞件都會香上加香，而且套餐仲會送湯，個湯果日係五指毛桃湯，價錢非常平，值得推薦！2.叉燒飯套餐 送湯（五指毛桃湯）$45（9/10）呢個叉燒飯套餐個叉燒都有大約15舊，我同老闆講我想要肥少少叉燒，叉燒上面都係會落咗大量白芝麻，令到味道更加香，叉燒亦有少少焦香味，外面有少少脆，叉燒唔會硬柴，而且套餐仲會送湯，個湯果日係五指毛桃湯，唔錯！2人總共價錢$334，其他有加一服務費！個人口味總評分：9.25/10     地址：長沙灣東沙島街167號地下B1號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share

喺長沙灣呢一間小店見到貢花雞，專登Google下嘜野係貢花雞，原來佢係廣東傳統菜，以嫩滑的雞肉為主料，經特製醃製和烹調，外皮金黃香脆，內裡保持鮮嫩，常搭配白米飯享用，是香港茶餐廳的熱門選擇。我哋外賣咗兩個套餐：貢花雞髀飯套餐：嫩滑的雞髀肉配上香噴噴的白米飯，搭配特製醬汁，口感鮮美。叉燒飯套餐：叉燒好好味，肥瘦適中，加咗醬汁非常之香甜，好好送飯。每個套餐都附送一碗清新的五指毛桃湯，仲要只係hkd45！

廚哥 (長沙灣)長沙灣東沙島街167號地下B1號舖位於天悅廣場附近，廚哥是一家新開的外賣小店，主打來自大山的貢花雞和大件㚒低食既雞脾、手撕雞、叉燒飯，套餐均附送例湯，誠意十足。貢花雞選用山野放養的雞種，肉質緊實鮮嫩，帶有天然清甜。$45套餐包埋例湯，滿滿既飯仲有新鮮既青瓜絲，兩行既雞脾雞肉，性價比無得頂。雞是必點的，雞肉入口滑嫩，雞皮薄身配上秘製醬汁，滋味層次豐富，回味無窮。叉燒飯偏瘦，啱晒鍾意食瘦叉嘅人。飯粒剛剛好，少少雞汁醬汁，軟硬適中，每一口都滿足。例湯清爽不油，用料實在，。廚哥的貢花雞$45的扺食飯！簡單卻有驚喜，絕對是長沙灣街頭的美食新發現。行過一定要試下！

今日經過長沙灣，諗住買餸反屋企，原來喺長沙灣有間咁正嘅貢花雞外賣店！舖頭細細，只做外賣，見到好多長沙灣街坊幫襯，就叫咗一隻貢花雞。原來貢花雞係喺山上自然放養嘅雞，所以會生得較慢。返屋企打開，貢花雞非常大隻，家人都覺得好驚喜，外貌唔係好多脂肪，佢皮質爽彈，雞肉好結實，食落好有雞味，好彈牙，唔會好咸！我哋屋企人都食唔停口。餐廳除咗貢花雞，有其他唔同嘅小食，例如牛雜，糯米粟，總之叫多幾樣返屋企，滿足一下味蕾😄

最近長沙灣開咗間小店賣貢花雞，我同屋企人都鍾意食雞，一於試下佢啲雞如何啦。 招牌貢花雞手撕雞飯🐔：嚟自山區嘅自然放養走地雞，雞肉紮實，雞味濃郁，充滿芝麻香，雞絲撕得幼細，有兩種醬汁配埋。仲會送五指毛桃湯👍。 廚哥秘制牛雜滷得非常入味，有牛腩、牛肚、牛筋、牛腸、蘿蔔，啲牛腩都炆得好稔，蘿蔔鮮甜而且無咩渣，整體味道都唔錯。 見到有黑色嘅粟米，未試過就試咗一條，粟米粒飽滿、Q彈有嚼勁，味道香甜，口感軟糯。

.#foodie #hk #hkfoodie#HTB美食推介【📍長沙灣｜走地貢花雞外賣店】淨係賣相已經覺得非常吸引，外賣盒放到滿滿，而且好整齊，貢花雞嘅黃配合青瓜絲嘅青，就咁睇落已經好開胃～.🐨貢花雞髀飯套餐 $45推薦度：⭐️⭐️⭐️⭐️貢花雞皮爽肉嫩，雞味好濃郁，鹹香味重。做到走地雞口感實淨嘅一種，但係都唔會嚡口，唔怪之得可以做到招牌菜啦！！上面佈滿芝麻，就更加惹味香口～另外記得點埋佢嘅薑蓉，薑蓉切得好細緻，薑味重，配合下令雞肉加添層次....🐨五指毛桃湯 套餐$0 單點$15推薦度：⭐️⭐️⭐️⭐️⭐️小編之前都未飲過呢一款湯，所以唔知佢正唔正宗。但係飲落去椰香味重，帶少少清甜感，非常潤喉清涼。問咗店員話呢一款湯可以止咳益氣補虛，大家如果嚟到都不妨試吓啊🤞🏻——☼——☼——☼——☼——☼——廚哥📍地址：長沙灣東沙島街167號地下B1號舖🐨推薦度：😋😋😋😋/5 🪸環境：👾👾👾👾🗣️服務：👍🏻👍🏻👍🏻👍🏻📸食物打卡度：💡💡💡💡💡🛠️分類：#HTB長沙灣 #HTB港式 .#長沙灣美食 #長沙灣 #港式 #貢花雞 #外賣店 #美食推介

今晚唔想煮飯，收工經過呢間寫住「貢花雞」我就從來都無聽過，所以一於買黎試下🤣叫左個雞飯，D雞肉質係非常結實，佢地自己調配嘅雞汁同埋薑蓉幾特別，再叫多個叉燒飯，唔知係咪homemade嘅關係，又係唔一樣嘅～雖然望落就唔係蜜汁燒果種，但係個醃料都係果仲味道，肉質就估佢唔到咁腍，咬落去幾鬆化！都係果句，呢個價錢有呢個質素，無野挑剔。跟餐仲送埋個湯，濕下口都幾唔錯！下次可以就咁買隻雞嚟當加餸，唔洗諗食咩！

今日黎左深水埗食雞呢度主打係外賣貢花雞，呢度既貢花雞係自家養殖，全部都係走地雞，餐廳的雞肉選用走地雞，肉質鮮嫩結實，口感極佳。肉質結實鮮嫩，口感一流😋。份量十足，啖啖肉，而且仲會即時幫我地砍好入盒方便食用。每一口都充滿肉香，雞翼更是富有嚼勁。佢地既五指毛桃湯用料豐富，感覺滋補養生，而且是自家製的。整體來說，價格實惠，味道出色，值得推薦。呢度除左雞肉仲有飯盒，叉燒，黑糯粟米等食物，叉燒已經賣完想食要早d去買。

長沙灣呢間外賣店，雖然食物款式唔多，但係食物質素非常好，而且價錢非常貼地，放工唔想煮飯，買個外賣，都食到高質食物，非常推介。餐廳仲有好多小食，有雞腳、牛雜、黑米糯粟，全部都好吸引手撕雞飯手撕雞好好味，最重要係冇說明，份量多，調味好味，而且個飯都好軟身$100 1隻元貢花雞雞既份量好多，好大隻，啖啖肉，最重要係雞嘅質素好得，雞肉有質感，完全冇雪味，好難想像成隻雞都只係$100 ，夜晚斬料加餸一流👍🏼👍🏼

📍 Shop B1, G/F, 167 Pratas Street, Cheung Sha Wan 長沙灣東沙島街167號地下B1號舖 Cheung Sha Wan’s culinary scene has a well-kept secret, and it goes by the name “Chef Brother 廚哥”. This humble eatery may look unassuming, but the flavors that emerge from its kitchen are anything but. With a concise menu featuring their signature Gonghua chicken dishes, Chef Brother delights food lovers who know that sometimes simplicity is the key to perfection. 1. Gonghua Chicken Rice Set (貢花雞飯套餐) - $45 🐔 is a feast of tend

今日就去咗廚哥買外賣, 小店主打生長喺大山嘅貢花雞, 有唔同嘅套餐同多款小食選擇辣醬雞絲撈麵將雞肉手撕成一絲絲,肉質嫩滑, 再撈埋爽口既麵條, 醬汁偏辣, 淡淡都食到麻香另外仲叫咗半隻貢花雞可以揀手撕或者斬件, 份量十足, 面頭撒滿芝麻, 仲放咗啲青瓜絲喺底，雞皮偏向深黃色, 嫩滑爽口, 皮下冇咩脂肪, 走地雞肉質緊實彈牙家鄉牛雜腸粉牛雜炆得好入味, 好多唔同嘅部位, 包括牛腩, 牛筋, 牛腸, 牛肚, 牛肚咬落爽口, 腸粉索滿牛雜醬汁嘅精華, 口感滑溜

收工真喺唔想煮飯，公司附近開左間貢花雞外賣店，斬返雙雞就唔洗煮了。貢花雞一隻、半隻手撕半隻斬件、牛雜同五指毛桃湯好有家的風味，食落去令人好滿足。貢花雞係鮮嫩嘅雞肉同埋香噴噴嘅調味，用咗新鮮香料同醬料醃製，煮好之後肉質滑嫩，食咗一口就想再嚟。手撕雞就係一道經典嘅家常菜，將煮熟嘅雞肉撕成條，配上特製醬汁，口感超好，送飯真係一流。牛雜將各種內臟同香料一齊煮，味道濃郁，呢度材料都好足了有啲似係家庭小館嘅感覺，特別啱鍾意重口味嘅朋友。而五指毛桃湯就係一碗清潤嘅湯品，五指毛桃嘅香味加上其他材料，湯好滋補又好味。