廚匠

营业中

休息中

同朋友2個人今晚嚟咗呢間食西餐，入面得1張4人枱，5-6 張2人枱，一個侍應，本身入去對面個客未都走就叫我地坐住先，話佢飲埋杯野就走，好似趕緊對方走咁，有點尷尬我地坐左係4人枱，但叫完野食冇幾耐就俾人叫我地轉細枱，但我地下一張枱咁岩又係2個人，坐左冇耐4人枱又同我地一樣轉細枱，明白佢小店想賺多d錢，做多幾個客嘅生意，但咁樣做俾人感覺麻麻，其實大家都唔介意門口等一等以免咁尷尬😣我地就叫咗個二人晚餐，入面包括西湯，前菜，主食和飲品，主食方面，我哋叫咗扒大蝦海鮮飛魚子忌廉汁燴意粉同埋燒厚切加拿大穀飼豬鞍紅酒汁（$339）湯方面，蕃茄忌廉湯，蕃茄味重，但份量偏細，類似一個迷你咖啡杯，旁邊只可以穿一隻手指攞起，2-3 口就冇晒。前菜方面，煙三文魚凱撒沙律跟蒜蓉包，蒜蓉包較為出色，因為既香脆又有蒜香味，而煙三文魚份量就大概2-3 塊，整體沙律不過不失。主食方面，扒大蝦同我想像中有所出入，麵上面有兩隻急凍蝦，唔講以為係雜錦海鮮嘅一部分，冇咩蝦味，整體味道方面，海鮮雜錦如同超市買嘅一大包急凍海鮮雜錦，冇咩味道，但勝在份量充足，成包海鮮雜錦煮晒俾我地咁，醬汁就較為稀，唔算太重忌廉汁味，味道一般，唔算好食

同男朋友喺虹橋搵嘢食 見到呢間嘢一入到去 啲位好窄 要拖開張檯我先可以入去坐叫完嘢食要即刻埋單先送餐男朋友叫咗個蟹肉飛魚籽芝士意大利飯佢係個無咁挑食既人 但都覺得一般(╯﹏╰）（因為我唔食海鮮 就不予置評了）我食嗰個係黑毛豬肋條意粉 等最耐就係佢 嗰豬肋條係幾ok ge 幾juicy 唔會有嗰啲豬嘅臊味 但係嘢飲就真係好一般啦跟餐會有熱飲既 +3蚊就可以叫hkd21-29既嘢飲 但只得凍檸茶 凍檸水嗰啲可以叫 凍咖啡嗰啲都要+10先有而男朋友就+10叫咗杯水果特飲 底有幾粒椰果加一兩粒生果咁 個味係少似菊花茶味再叫咗個炸雞翼 味道偏鹹 但可以接受 但係！！雞翼好多毛🥲總體來講：唔會有下次🥲😮‍💨

本身都好鍾意食意粉，咁啱今日行過附近，決定入嚟試一試。叫咗卡邦尼同埋焗肉醬意粉，先講卡邦尼，唔會太濕身，所有嘢都恰到好處，特別喜歡個意粉嘅生熟程度，控制到啱啱好；至於焗肉醬意粉，睇得出係新鮮整起，勁熱辣辣，芝士味唔會太濃搶咗個肉醬。會再幫襯！

將軍澳人，一家大小找著暑假的尾巴，搭長途車入屯門踩單車及覓食 已不是第一次來光顧這小店，每次入屯門都會來這裡吃一頓有質素的西餐！老闆是一對非常友善的夫婦，謝謝他們熱情的招待！小店雖然地方不大，店內座位也不算多，但環境是舒適的，還播著很多我喜歡的歌，感覺很休閒及享受呢！我們到店時間是下午2:30，不用等位我和女兒吃了足料卡邦尼意粉，兒子吃了香煎羊架，每樣食物都很好吃，感受到廚師的用心製作，喜歡吃西餐的朋友們，不妨一試！

坐低比完錢，30分鐘都未上菜。咖啡係學校咖啡level.意粉係叮叮好e食level. 意粉零入味。唔知自己食咗乜。。。間鋪又細又嘈，不停大聲播啲80年代歌。勸搵cafe嘅人唔好入錯。

在舊店嘅時候已經係常客，搬到新店之後地方大咗，坐得更舒服！今次帶朋友一齊相聚！大家都好滿意😁叫咗五個餐，六個人食都好足夠！餐湯蘑菇湯好濃郁！牛扒嫩滑，豬肋條意粉，豬肋條香滑意粉掛汁！兩款意大利飯和焗千層麵都要一試！店主服務貼心，態度親切，值得一讚！