印度菜館及酒吧

营业中

休息中

寶勒巷都算係香港嘅印度菜集中地！呢間餐廳行bar&restaurant路線，特別啱飲嘢傾偈。✨果仁咖喱雜菜$98👩🏻早排病完個胃麻麻地，第一時間就係想食korma，即係印度果仁咖喱。味道溫和，質地幼滑，完全冇油膩感。配料除咗有蔬菜、腰果，竟然仲有印度芝士paneer！✨印式香料燴羊肉$128呢款味道濃好多，有陣陣蕃茄嘅酸味好開胃。羊肉偏瘦但軟腍易咬。✨尼泊爾蒸餃子$80隻隻飽滿多汁，雞肉內餡味道鮮甜。辣醬冇一般尼泊爾餐廳咁辣。✨烤餅$20✨蒜香烤餅$28冇平時食開嘅咁鬆軟，反而有啲香口，尤其係garlic naan。✨Mango lassi$35幼滑而且好重芒果味，甜度算中等啦。

間唔中都想食下啲重口味嘢～川菜已經滿足唔到我 一於走去食印度菜星期日都有set lunch先係重點～真心平靚正有忌廉湯、咖哩角、沙律仲配埋飯/naan忌廉湯好湯夠creamy 咖喱角外層好酥脆 個餡就係薯仔同埋豆 食落唔會話好油膩 另外on side有油醋沙律🥗✔️Fish Tikka呢款係單點嘅 魚肉好厚身 食落好實淨跟鐵板上 夠晒熱辣辣 醃得都好夠入味啲洋蔥響鐵板上烤到好香口✔️Chicken Curry🍛 雞肉好滑 咖哩唔會話好辣個汁用嚟撈飯或者點naan 食都一流✔️Chicken Tikka鐵板烤雞又係我嘅最愛 熱辣辣啲雞有少少烤燶嘅感覺 更加惹味最重要係最尾仲有杯嘢飲添簡lassi都唔洗加錢㗎餐廳細細地 店員更加周到 好有禮貌

每星期都要食一次印度菜😋上次經過寶勒巷10號呢幢大廈，發現好多餐廳，今次就黎左6樓，試一試正宗印度菜。餐廳環境乾淨企理, 西式設計，主要用了墨綠同藍的色調。今日坐左窗邊位，望到樓下街境，感覺幾relax。免費餐前薄脆好鐘意食🤣咸咸香香，有三款醬料，愈食愈滋味😋青菜沙律$38清清地，幾新鮮，有生菜，洋蔥，青瓜，番茄，性價比高。尼泊爾蒸雞肉餃子$80有驚喜😍入面勁多汁，加埋佢個自家製醬料，幾滋味。香燒春雞$128“渣渣渣”鐵板上，春雞用馬沙拉醬腌過，再用炭火燒烤，超級惹味😋有兩件雞腿，兩件雞胸，啖啖肉！椰汁咖哩魚$118椰汁味好重，好香，睇落細細碟，其實都份量夠，魚肉大大舊，好入味👍🏻🫓 Garlic naan 少左平時的煙韌口感，多左種脆口的感覺，配咖哩一流。Salted lassi $30 Fresh Lime soda $35食左濃味野一定要叫杯飲品解渴拉😆

明天假期，老公話帶我去間隱世印度餐廳食晚飯，環境唔錯架。餐廳環境高貴，西式裝修，感覺有情調、寧靜同舒服。真係估唔到咁熱鬧嘅尖沙咀，會有間咁有格調嘅印度餐廳。餐牌食物種類都幾多，價錢合理。老公發辦，點左一份沙律、印度燒烤、咖哩蝦及魚、薄餅及飯，仲有兩杯飲品。薄脆餅：餐前小食，薄脆餅好脆，可配上旁邊薄荷醬、甜酸醬或洋蔥一齊食。蕃茄湯：同平時飲開嘅完全唔同，口感較為濃厚，帶甜味，老公話又幾好飲喎。雜菜沙律：有青瓜、蕃茄、紅蘿蔔、洋蔥同生菜，配料新鮮爽口，上面灑左黑椒粒，另外加左olive oil，唧少少檸檬汁食就夠晒清新。香燒春雞：用鐵板上，一邊食一邊keep住熱。春雞燒得幾靚，份量正常，雞肉嫩滑，咬落juicy味，香口，好好食。特色大蝦：係新鮮蝦喎，口感厚實。配料好豐富，有三色椒、蕃茄同洋蔥，食到有牛油味，帶少少辣，幾惹味。椰汁咖哩魚件：印度魚件大塊，結實有口感。咖哩汁好好味，食到有椰香味道，我就幾鐘意呢個。蒜蓉薄餅：必食之選，即叫即做，有4塊大大塊，點埋咖哩汁仲好食。香料炒飯：仲有咖哩汁剩，所以叫左個細份量嘅炒飯。炒飯加左香料同牛油一齊炒，出奇地好味，加埋咖哩汁食就最夾。飲品：老公心情好

今日來個快閃尖沙咀午餐，間唔時lunch time 食吓印度餐都幾好！ 呢度有唔同款嘅set lunch，大家可以有好多選擇，嘢飲都好多種，口感幾好，服務態度也很很好！

香港其實有好多好正宗嘅中東印度菜，今日尖沙咀行完街搵到呢間印度餐廳。呢間係鬧市中心區樓上舖嘅印度餐廳相當隱世。餐廳環境舒服都幾高貴，難得可以安靜少少唔洗太嘈嘅環境下食飯。青菜沙律 $38芝士烤餅 $30 牛油烤餅 $26烤餅唔會太薄，厚薄算係適中。熱辣辣即時烤出黎好鬆軟，芝士個香味好濃，沾一沾埋D醬汁黎食更加好食。 香蔥羊肉 $138 好香嘅蔥爆羊肉，味道上有少少辣。醬汁味道夠濃厚，好香嘅香料咪加上羊肉味勁開胃。羊肉大粒夠淋身，整體成個味道都好好食。印式燴茄子 $98 茄子煮得好淋身融晒入個醬汁到，有唔同嘅香料同蔬菜，呢款素食好岩好多人食。醬汁唔辣，用黃薑粉同辣椒粉製成，少少辣好好送飯。香料炒飯 $48 好大碟炒飯，印度d長香米係幾好食，撈埋d醬汁羊肉食好食士多啤梨乳酸 $35新鮮士多啤梨打乳酸，甜甜地酸酸地飲落好開胃

印度菜館及酒吧地址: 尖沙咀寶勒巷10號6樓電話: =====================搵到間印度菜加酒吧結合的餐廳，在尖沙咀區來講，酒吧同印度菜食肆林立，而2合1是小見$118 燒春雞 ，雞配得好香，印度果然是最懂運用香料的國家。在鐵板燒到香噴噴，雞勁鹹香。 因印度菜如果食蔬菜，都會落好多油同香料煮，要平衡一下叫了$38 salad $118 chicken masala ，中辣程度的咖哩，辣中帶甜同有股椰奶香，只要有包可以索汁，極之惹味香濃。$68 momo 是尼泊爾餃子，我好鐘意食估唔到呢度都有，大大飯皮薄得來有柔韌$26 butter nann 濠著小小牛油香。mango lasse 芒果乳酪，甜而重芒果味

去到尖沙咀食印度菜，通常第一時間諗起重慶，今次去到於尖沙咀寶勒巷10號6樓，試了一間印度菜館及酒吧，主打印度菜，餐牌仲見到有尼泊爾美食。尼泊爾是位於南亞喜馬拉雅山脈地區的一個內陸國家，北與中國相接，其餘三面與印度為鄰，所以尼泊爾菜和印度菜極相似。餐廳地方濶落簡潔，裝修用色有別於印度風格，改用白色襯藍色，加上酒吧位，反而似一間歐洲小餐館，充滿異國風情。點餐後，店員立即送上免費的印度薄脆，配上酸甜醬、薄荷醬和醃洋蔥。薄脆香脆可口，是印度餐廳的餐前開胃小食。尼泊爾蒸餃子$80尼泊爾餃子又稱為“momo”，是尼泊爾、不丹及印度等喜瑪拉雅山地區常見的美食之一，其外型近似中式水餃，傳統煮法是以清蒸手法烹調，然後蘸醬汁來吃，外皮柔韌有彈性，餡料由切碎的雞肉、洋蔥、大蒜、薑、咖喱和其他香料混合而成，口感鮮嫩多汁，香料味突出，再配上自家製印度馬莎拉咖喱醬汁，變成尼泊爾特色美食。蕃茄牛油雞$118由於咖喱已跟蕃茄牛油調和，質地濃稠順滑，平衡了辛香料的刺激，味道較甜，不像一般想像的印度咖哩味道較嗆口。雞肉煮得入味嫩滑，帶香甜奶香，辣度溫和，容易入口。Naan Basket $98品嚐印度菜又怎能缺少烤餅，絕

天氣太熱更新太慢了，很久以前已經想推薦印度餐廳的。午餐約$100，包括了湯、前菜、薄餅/飯、咖哩、飲品，單就量已經取勝了。環境：雖然裝潢有點舊有點暗，但座位卻很寬敞，可能煮咖哩用太多香料，又或者真的由印尼人經營，蒲進餐廳已有陣陣的印度味的。服務：餐廳有不少桌子，但通常只入座4、5張枱，有兩個樓面的招待客人已經很足夠了。又耐心介紹各種咖哩的特色，很貼心的。食物：咖哩很出色的，剛剛吃的是 Fish masala 及 Chicken makhani，masala味道超重的，每個廚師配出的masala都未必相同，這裡的masala是偏甜的；makhani是奶油咖哩，可香口呢。但我還是想說chicken tikka 最好，香、嫩、有肉汁，另附一咖哩汁配飯或naan，可惜今次沒選，下次再選吧。Lassi是類似芒果奶昔乳酪的飲品，每次飲完都很暢通的，強烈建議腸道不暢的朋友試飲。

The service here is really good.They provide warm wet towels before and after the meal.Would change plates for you without asking.Good price and value for the tasty food as wellTheir tandoori chicken is exceptionally good, tender and juicy.Their butter chicken is also creamy and delicious.This place deserves more customers I think.

朋友介紹下去試試，果然是物超所值。六時半到達，天仍很亮，待應問我們需要清涼點的坐位還是沒那麼涼的位置才安排坐位，非常細心。前菜點了蔬菜咖喱角和沙律，都屬高水平。小朋友點了蕃茄湯，由於湯太熱，所以請待應姐姐拿另一湯碗打算逐少把湯放涼，怎料姐姐端來湯碗後還主動協助小朋友分湯，服務實在太貼心了！主菜點了 彊汁羊扒和chicken tikka 印式乳酪和naan。羊扒鐵板上，第一次吃到軟而鮮甜的羊扒，咖喱雞也非常美味，最重要是吃完不覺有味精。我們四人又點了共6杯飲品，當中包括啤酒和芒果乳酪飲品，埋單也只是六百多元，很抵食。

好耐好耐無食印度菜，上一次食好似係10年前去旅行，當時日日食咖哩同薄餅。今日無意中見倒有印度菜食想懷緬一下。入到去裝修似希臘菜多啲，因為用咗藍同白做主色，相比重慶嘅餐廳呢度較乾淨企理，相比印度當地就更加係高水準🤣，因為去過就唔會忘記佢地嘅垃圾山同混亂嘅街道😅，不過泰姬陵都好靚好吸引嘅😍光線都幾充足，set lunch 價錢都唔算貴，未點餐已送上餐湯同蝦餅，餐湯應該係素，有紅蘿蔔同椰菜花之類，蝦餅微辣，好香好脆。我地要咗咖哩羊同燴薯椰菜花，配烤餅同lassi，跟餐有沙律，有青瓜，蘿蔔，蕃茄同炸物，炸物2件，一件係椰菜花，一件扁身，食完都唔太確定係咩😅, 大概係薯仔， 沙律都幾重香料味。主菜兩款嘅汁唔同嘅，羊嘅咖哩辣啲香啲，椰菜花就唔辣嘅，烤餅一共6塊，好好味，面好soft 又香，底微燶，少少脆囗😋Lassi 其實即係奶昔乳酪之類嘅飲品，係芒果味，好飲👍值得一提係服務態度好好，其實人手唔多，得2個都係印度人，好有禮貌，好勤快，走時會say thank you 同bye bye😘 , 真係好值得香港人學習😏。

最近好多病毒細菌出沒🦠同事話食咖哩可以增強抵抗力🧐於是一齊去咗食正宗印度菜.📍印度菜館及酒吧.叫左3個set lunch~每個set $60起🤩有齊餐湯、沙律頭盤、主菜同飲品🥙沙律頭盤有少少失望嘅😅個碟好大隻但竟然啲菜可以少成咁...兩隻炸到脆卜卜嘅小食入面有咖哩薯仔洋蔥~微辣味道都唔錯🌮chicken tikka masala ($68)- 咖哩幾香帶有少少辣~雞肉都算嫩滑🌮fish masala ($68) - 魚好滑唔腥~咖哩係同chicken tikka masala一樣味😋好食🌮prawn malai ($78)-椰汁味濃~似葡汁嘅味道😆蝦唔使自己剝殼又幾好喎跟餐我地一致揀配garlic naan🧄熱辣辣香噴噴嘅簿餅沾上咖哩食~再配埋杯mango lassi真係perfect match啊

出番尖沙咀吃晚餐，才發現很多餐廳還關門中，所以就去了寶勒巷上樓吃印度菜，這家印度餐廳裝修給人一種很舒服，寧靜的感覺，可以舒舒服服品嚐美食。這家店午市有午餐相對抵食，晚市以前有set,但現在就沒有了，所以價錢偏貴了一點。我們點了瑪莎拉燴雞$108，印度烤餅$18,薯仔烤餅$28,再加了一杯士多啤梨乳酪$35。今次沒有點白飯，因為單點白飯 $36 就好像貴了一點。烤餅很好吃，跟咖喱雞很配合，之後又點了羊肉咖喱角和烤麥餅。羊肉咖喱角熱辣辣，羊肉滿滿的很有滿足感。

原本打算食韓國菜，最後經過隔離，發現這間印度菜館。六點多上來，環境優雅，比想像中好，雖然空無一人，也決定一試。前菜：薄餅第一次試洋䓤汁，有點與別不同，頗清新。小食：沒有羊肉味，又肥膩的咖哩角；全晚最失色的一道菜。主菜：滿懷希望試新款咖哩，怎料嘗不出椰香，雖然不太辣，但與期望有點出入。香脆鬆軟的烤餅，令人吃不停口，一點再點。熱騰騰的鐵板，香噴噴的肉汁，食指已大動。一口咬落，鬆軟的羊肉，肉汁豐富，配上印度醃料，感覺又是另一風味。