影片
夜晚系愉景北揾野食, 见到系呢间餐厅比较特别, 就试下佢. 咁大间餐厅居然得一个厨师兼做侍应, 本来有d担心服务同食特质素, 好彩都ok.出面有d大风, 先饮一杯masala chai香料奶茶$45. 好贵呀. 奶茶非常热, 应该即刻煮既, 香料味好足, 仲有d姜, 好暖胃. 呢个时候闻到隔离好香既椰汁咖喱味, 好期待！什菜鸡$82, 系北印度边境特色, 系有个浓汁浸住, 但完全唔系咖喱, 系类似西餐杂菜汁, 蕃茄西芹红萝卜𠮶d, 冇香料味, 系好清淡家常既味, 虽然唔系我好期待既重口味, 都ok既. 鸡就正常野, 冇乜鸡味, 质地唔鞋既. 炭烧鲛鱼$128, 4件去骨鱼块用铁板上, 滋滋声好吸引, 最正系有3个酱可以点. 烧烤酱最大路, 但女友最钟意, 仲有薄荷乳酪酱同芒果甜酸酱, 两款都新奇有趣. 讲返d鱼, 有搽香料再煎, 惹味香口. 鲛鱼本身唔系滑, 都唔鞋既. 如果俾多一两件就好喇. 咖喱羊$88, 以为系黄色好香肉味膻味既咖喱, 点知系红色, 有红椒同烟熏既辣椒香, 但又好小辣, 味道唔系特别浓郁, 比较温和. 羊肉就一般, 因为食惯d半肥瘦既羊腩, d肥膏入晒咖喱味, 呢度既羊腩系全瘦, 又唔系煮得特别淋. 都系Ok啦. 我都系钟意个汁多d. 点左个Naan $25配个汁, 好快就清晒.有d奇怪3款食物都加左姜丝, 唔通厨师做唐人街煮过中菜, 惯左手势? 见到菜单款式好丰富, 点既食物味道同出面既印度餐厅亦有d分别, 下次有机会想试多几款. 厨师去到一半先谂起要比两杯热水我地, d水好好饮, 完全冇怪味, 仲用只靓啤酒杯装住, 要赞下. 环境就一般干净, 枱同地下有小小痴立立, 不过得厨师一个人做野都理解既, 我地食完都冇肚痛. 睇得出厨师做到踢晒脚, 佢英文又唔好, 沟通有d困难. 佢最后都有问我地野食好唔好味. 总括黎讲, 食物质素ok, 价格实惠, 而味道方面, 如果你怕印度菜太重口味, 太辣, 呢度系少有口味清淡, 食到食物原味既印度菜, 值得一试.
继续阅读
入到愉景湾周围行吓，大约下午两点钟食晏，心又想食印度咖喱，于是入左呢间印度餐厅，入到去餐厅冇乜客人，都座得舒适，见到lunch set有羊肉食，就拣左set c咖喱羊肉套餐，咖喱要左中辣，个lunch set仲有印度米饭，一块印度烤鸡，两件烤焗薄饼，一块薄脆饭，仲有个餐汤同一杯汽水个汤酸甜几开胃，米饭够长但稍干身，要捞埋咖喱汁至有番味道，烤鸡唔太大块，食落味道几好又唔太干身，咖喱羊肉份量唔少，有四，五块左右，羊肉食落几好味又唔骚，烤饼唔错加埋咖喱汁仲好食成个lunch set共$99,加一后$109,加上职员服务态度唔错，喺愉景湾食野算抵啦
继续阅读
星期一夜晚黎食, 又早食6点食无乜人叫左 Chicken Vindaloo 都几辣几惹味, Garlic Nann papadum - 正常 但三款酱都唔岩食 Lamb Masala - 无乜辣, 比较多细小既姜丝, 本身唔LIKE 食姜所以唔系我杯茶。见人话服务态度差, 我唔觉既, 但D ORDER真系好鬼乱, 问我要唔要冰水, 我地话要, 但转头好似无左件事咁, 要我地问返, 跟住无LALA 黎左杯啤酒, 但我地根本无叫过, Lamb Masala 劲耐都未黎其他野都食晒LU, 追一追单先黎。 到埋单时对返张单仲发觉原来帮我地加左 Masala Nann, 我话我地无叫, 佢就话放左系同一个篮到, 哦..... 唔怪得有4 块咁多咁LA ...... 。 Masala Nann平野黎姐 应该唔系存心屈既我估, 但真系好鬼乱啰, 系佢地英文能力麻麻定点, 人已经少D单都错成咁.......
继续阅读
Nice Boss, very active in introducing us the delicious food.Love the Lamb bread &Raita most🤩the pepper cripsy is very nice too😋😋😋 A memorable meal having in Discovery Bay.Hope to come again😁😁老板很好人，对小朋友都好friendly,仲特登就小朋友可以整唔辣。胡椒脆饼是我的最爱，乳酪点Lamb Bread都好正～
继续阅读
酒店附近餐厅，看看都舒服就试吓！叫了二人餐，一d都唔好食，全部肉都劲鞋，我叫了3次比杯水我，其实𠮶刻系4点到，跟本唔多客！一直都无，最后行去bar枱问佢，佢直接响水龙头斟俾我~下午茶食成5佰几，又难食态度又差，真心伏！
继续阅读