印尼沙爹屋

营业中

休息中

食完隔離的格仔餅，我必定會食一兩串惹味沙嗲先至搭叮叮走撞正不是食飯時間，只有一兩個人在排隊，等了5分鐘便有得食了 每串沙嗲約有五塊肉，經醃製後肉質柔軟，醬汁有淡淡花生香味，真想把醬汁連同飯一起吃清光

嚟間食店有好多人贊，我去個幾次摸門釘，次次晤啱時間，因為好雁先開，但今晚同女朋友終於食到了，人地話d沙爹好正!我地便叫左猪，牛，雞沙爹串各一，真係咁好食?原來真架，d沙爹汁又濃又香，食落有質感，晤似其他食店d沙爹汁一係好似水咁無味，一係濃到有d漏，我地每食一舊野都勁點沙爹汁，差d想飲埋tim，哈哈!我地一路食一路文到佢地煮緊其他野好香，最衰無位坐的，d人多數外賣，如果晤係實喺度食，我地已決定下次買返屋企食!

筲箕灣東大街都好出名了，不需多說。星期日晚黎到見到好多間好多間都有人排隊。今晚就諗住食印尼沙嗲屋，遠遠就聞到佢傳出黎的香味。再睇下，好多人排緊隊。由於太想食了，排就排啦排左好耐，終於有得食。點了印尼沙嗲飯，印尼炒面。沙嗲飯入面有三串串燒，豬肉，牛肉，雞肉。其實就算冇呢三串肉呢，淨係個汁都可以食到好多飯，個汁係冇得輸好串燒係炭爐即叫即燒，所以等候時間就長少少，不過好食麻，有時間排下隊囉印尼炒面有好多海鮮，好食啊，味道比沙嗲系列淡少少由於太肚餓，忘記相機食先

每次去筲箕灣嗰邊行山，都一定會專程去東大街掃街!皆因嗰一條小街有齊我最愛嘅垃圾小食，燒賣魚旦雞蛋仔串燒..真係多到數都數唔晒..今個星期六同一班朋友行完山就去咗印尼沙嗲屋食串燒。六點幾去到嘅時候已經人山人海，仲有一條小人龍，不過好快我地都已經叫到野食喇~~~ 睇一睇串燒種類，基本款如豬牛雞羊，海鮮等等。除咗串燒類仲有飯SET啦,湯等等，望一望之後，我地決定嗌3串牛肉($10/串)。 因為都幾多人嘅關係同埋即叫即整，我地大概等咗10-15分鐘左右，牛肉串終於上場，牛肉有3大舊，而且汁好多，呢個沙嗲醬好甜好花生味，太正喇!! 我個個係唔辣，友人嗰嗰係辣，一路食一路點啲汁，一滴都唔嘥!!!下次可能會一下佢個巴東牛肉飯先~~

行完山同朋友都有d餓，朋友推薦有間食串燒既好好食，所以就去試下啦。夜晚六點幾黎到，已經見到好多人排隊，不過佢都燒得好快，等左廿分鐘到就有得食啦！果然佢既沙嗲汁真係好味，十分濃味，鐘意食重口味既人一定鐘意，一齊企係街邊食係開心既，不過d汁有少少濃到蓋過左肉味，令每串d肉都好似差唔多味咁

星期日既下午，特意黎度筲箕灣掃街本身已經飽飽地，但本住人地排我又排既心態，結果又走左去排隊買串燒餐牌價格非常相宜，但太飽只好買兩串試下！！雞軟骨($10)，雞肉($10)串燒預先燒好，細細串，所以等左5分鐘左右食得，就咁睇，真係分唔出邊串係雞軟骨邊串係雞肉味道方面，揀左唔辣嘅沙嗲醬，食落帶甜且有濃濃花生香，雞軟骨就好有口感其他既串燒都唔貴呀，價廉物美，想要碗白飯撈佢個自家沙嗲醬黎食呀，haha下次一定留肚食多幾串！！！

不知道其他blogger會否有這種感覺，很怕寫好了一間店，卻變相毀了他太多因人多而走樣，因名氣而不敵鋪租認識這地方時，還是大學時期，鋪子一直默默耕耘，靜靜守護一角老實說，也不是試過全部食物推介的，是他的印尼magic sauce, 香甜鮮不足以形容，難得是多年來保持一貫水準，比坊間那些什麼泰式，越式店的沙爹串燒跑嬴了一條街串燒有豬牛雞羊腸仔，又有外賣飯合經濟實惠，還有最喜歡的印尼蝦片試過了，忘不了希望這鋪長青常綠，偶爾回來探探老朋友

筲箕灣地鐵B1出口完全是一個邪惡的出口，我還未上到地面，食物香味不斷湧進地鐵站裡😣我聞到雞蛋仔的香氣，也聞到沙嗲串燒的惹味，令我加快腳步上到地面。👣 看見印尼沙嗲屋人頭湧湧，不少人都數盒外賣回家，想必有它的吸引之處，所以我又買了一串白鱔與一串牛肉試試看。吃完後我不得不說它的味道很正宗，是媽媽在印尼小食專賣店買的串燒味道，也是我在印尼每次探親吃到的味道。 (突然有點羨慕弟婦以前家在這裡，可以吃到如此美味的串燒~) 近期只要看見串燒沙嗲檔口有白鱔賣，我定必會點，這裡比中環便宜多了，只賣23元，足足等於中環的半價，最多人點也是白鱔~白鱔一根魚刺都沒有，肉質超細嫩，也有魚肉該有的甘香，相當肥美。白鱔烤得顏色不會過深，除了火候之外，沙嗲花生醬料調得也很好，不會過鹹過甜，拿捏得剛剛好，魚肉入口即化，無可挑剔。沙嗲牛肉串燒比一般吃的牛肉口感很不同，吃起來牛肉的香味更重更有嚼勁，搭上花生沙嗲醬，一吃進口裡牛肉香味立刻滿溢整個嘴中，肉汁，香氣，油脂整個完美的結合在一起~

印尼沙嗲屋 食完雞蛋仔 走兩步便聞到好香既沙嗲香 作為貪食既肥妹 緊係忍唔住要試下啦 點左雞，豬同招牌白鱔各一串 雞同豬係預先燒好左既 但白鱔就係即叫即燒 見老闆搽左應該係蜜汁 又風筒吹 好似幾復雜 等左唔夠十分鐘 最後淋上微溫既沙嗲汁就有得食啦 沙嗲汁簡直係串燒既精髓所在 令串燒生色不少 沙嗲汁帶少少甜，又有香濃既花生醬既味道 香濃惹味 雞肉，豬肉 雖然唔夠熱 但肉質一啲都唔鞋 配埋沙嗲汁好好味 不過小妹最推介係燒白鱔 魚肉嫩滑，燒到外脆內軟 加埋果汁，真係好好味 寫到哩到小妹又好想食中串啦

有日去開柴灣親戚屋企食晚飯下午3點3就去左附近的筲箕灣食個下午茶先行過東大街聞到陣陣燒烤香氣撲鼻原來除了xx高手雞蛋仔和格仔餅之外還有其他小食可選擇😏印尼沙嗲屋除了串燒，還有其他印尼特色飯或麵由於我和表妹晚上還要吃團年飯所以就只買幾串串燒二人share試下🙈沙嗲雞肉（$10）沙嗲豬肉（$10）肉質嫩滑，絕對不會「鞋」但可惜串燒不熱唯一可取的是沙嗲汁非常惹味，令串燒生色不少😋我想這樣惹味的沙嗲汁沾什麼都會變得好吃吧！😙秘製燒白鱔（$23）燒白鱔是即叫即燒，是唯一一串熱的串燒😂可能平時不太多人點餐，所以不會預先燒定，而且預先燒好的話又會太老🤔白鱔肉質鮮嫩有彈性，而且又沒有魚骨，配上惹味的沙嗲汁，一流👍🏻整體來說，串燒價錢合理和味道都不錯，值得一試！😁

路過此小店不下數十次，每次想試吃都碰巧小店休息放假。今天終於有機會可以吃了。點了牛肉、羊肉、雞軟骨和大鱔串燒，配上不辣的沙嗲醬。牛肉和雞軟骨味道不錯，至於羊肉完全吃不出羶味（也許沙嗲醬已蓋過羶味）。值得推介大鱔串燒，幾乎每位顧客必點，非常香口惹味，令人齒頰留香！下次想吃炒飯，看到菜單有各類炒粉麵飯！

食完西餐大家都未夠喉，朋友介紹呢間嘅串燒好正！去到一間小店，第一感覺係好大油煙，無座位，門口對出空地放了幾張矮櫈，大家有企有坐！首先去排隊落單，之後等！一個後生店員在外面落單，食物種類幾多，粉麵炒飯都有，廚房裡面搏命燒！窩心係豬肉同牛肉會分開碟上！好多印尼姐姐幫襯！不過沙嗲醬好辣！辣到我要即刻去買杯百香果汁！膠碟上舖油紙，沙嗲香濃惹味，好辣！但一路辣一路忍不住又拮來食！以下分別嘅感覺沙嗲牛肉（$10）唔大塊，肉偏硬！沙嗲豬肉（$10）肥美，好夾沙嗲醬沙嗲雞肉（$10）唔嚡淋身！沙嗲羊肉（$11）肉質肉牛肉唔膻！沙嗲豬頸肉（$18）好爽口肥美沙嗲雞腎（$10）好有咬口，不過我嗰塊太厚，較韌！朋友嗰啲薄啲就無問題印尼百香果汁（$14） 夠凍！味道酸甜唔假，好味！味道真係唔錯，後生仔店員斯文，仲識講印尼話！不過環境認真麻麻，食完成身燒烤味！

This is not a restaurant but only a small takeaway snacks stall, located in the food street of Sau Kei Wan Main Street East. Just beside the park, you won't miss it as the aromas of charcoal and grilled meat could be smelled quite far away. And despite only in this neighborhood for the first time, I had no difficulty finding it.Already with quite a few people queuing, I ordered four different skewers, one each of pork, chicken, mutton and squid. It took a short while for the chef to prepare, as

這間印尼小店位於筲箕灣東大街一個小巷仔入面，巷仔有幾間小食店，出面大街就成條食街咁🐑羊肉串$11 🐮牛肉串$10肉都醃得好入味，肉質有咬口偏諗，唔會黐牙🙊羊肉唔羶，牛肉唔算肉味重😣可能被醬汁蓋上了而沙嗲醬有辣有唔辣，精髓在於汁醬調配得非常出色😋勁惹味

我以前唔係特別鐘意食串燒，但食過呢間後就上咗穩。呢間小店提供牛肉串燒、豬肉串燒、雞肉串燒、羊肉串燒等，全部燒得好好，能鎖住肉汁，唔會燒到乾爭爭。老實講，其實咩肉都唔緊要，因為撈咗沙嗲醬後，款款味道都好似差唔多，只係牛肉比較靭。最出色當然係沙嗲醬，堅好味，香甜惹味，仲有少少花生醬味，用D醬去撈飯都仲得。另外也買咗印尼炒飯，份量好大，足夠兩個人分享。D飯炒得粒粒分離，唔會一舊舊，配料都好豐富，有蝦肉、肉絲、椰菜、洋葱等，味道清淡，唔太油膩，可能有D人會覺得唔夠香口惹味，但對我來說都算OK。