影片
上星期一, 点解咁记得系上星期一呢? 因为师傅正懊恼紧晚饭食咩好, 突然间心血来潮想去大角咀走番转, 顺便睇下有咩想食啦; 去到大角咁当然系四围行下啦, 忽然间师傅好想吃鲁肉饺, 当时第一间谂起就系车品品呢间人气食店, 于是立即飞奔而去; 点知去到摸门钉, 原来呢间食店系休例一, 师傅当下心情沉到谷底! 无晒心机嘅情形下, 师傅就求其揾左呢间食店作为晚餐算数; 坦白讲呢间食店都好够历史, 大大话话至少都有廿年, 净系个名就够过瘾啦, 都唔知系唔系当时人开架呢?由于师傅由此至终都未有试过, 喺跌左个橙嘅情况下, 希望可以执番个桔啦! 入到去师傅发觉蚊都冇只, 心里面不停哼著“心寒” 呢首歌, 你话师傅今次仲唔大大镬!坐底就拿拿声落单, 希望用最快速度下快快口食晒佢啦; 当时唯一希望就系唔好太差啦, 喺要求大幅度下降下, 所以选择食物亦唔敢乱黎, 就简单咁拣左猪红, 猪皮同鱼蛋三个𩠌配上米粉!由于真系蚊都冇只, 所以碗车仔面好快就摆左喺师傅面前, 第一眼望埋去卖相亦不算太差, 于是师傅就即刻试下个汤底, 汤底颇为淡口, 饮左几啖后依然带唔起食欲, 味道真的一般; 再试猪皮, 猪皮太腍唔爽口, 所以口感甚差, 唔掂; 而猪红就一旧旧实的的, 入口唔滑, 味道普通, 唔得呀; 最后系鱼蛋, 鱼蛋有三粒, 入口食唔到鱼蛋应有嘅爽口弹牙, 咬口真的太腍, 加上都算腥, 唔得; 而米粉就普普通通, 唯一可取系碗车仔面会配埋蔬菜, 虽然白菜仔煮得比较爽, 但幸好冇沙, 唔使钱嘅感觉反而较好!总括黎讲车仔面质素甚差, 整体表现系一般车仔面档之下, 环境同服务唔需要多讲, 不过价钱就系好经济, 十五蚊三𩠌一面仲要包埋白菜仔, 站喺价钱角度系抵, 因为而家呢个时势, 就算车仔面都好难有咁平, 所以如果唔太计较的话, 呢度都可以一试; 不过师傅份人比较麻烦同奄尖, 所以一定冇下次, 喊脸唔比因为个价钱帮佢挽回返黎架! 一去出门口师傅又唱 “老鹏令我失望, 食店令我心寒”……
继续阅读
朋友住得近,所以有时我都会同朋友去呢度食下0野~不过多数食碗仔翅~我本身好钟意食碗仔翅,去好多地方都会试下唔同人0既手势,食左咁多地方,始终都系觉得呢度至好味呢度d碗仔翅仲有分唔同size,你可以叫普通、大、加大,0岩晒唔同食量0既客人呀~有次试过碗仔翅加鱼肉,真系一试难忘...坦白讲,鱼肉真系好粉,唔叫仲好食~讲到服务,有次同个朋友慢慢食,埋单都唔够50蚊,点知老板娘都无俾面色我0地睇,你话去第2度点可能有呢种情况先得0架
继续阅读
今晚好忙,忙到飞起,收工已是12点几,又肚饿又倦唔想行咁远,近近哋咪来呢到食车仔丏,点了猪红.猪皮.豆卜加猪肠米粉,大大碗都系$20蚊,仲饮咗杯木瓜汁走甜,猪肠今日有D肥咗D,但整体来讲已咁g$都算0K,朋友叫了芒果豆付花一口气食清光,应该都几好味,因佢钟意食甜品,我地仲倾计坐下食下到2点先走人,埋单都系$45抵啦,去附近D茶记都唔得啦!
继续阅读
早几日朋友仔半夜话要食糖水本来想去对面顺德公但因为已经半夜1点几人地收左工唯有转黎呢度叫左红豆沙($10),绿豆沙($10)同鱼肉菜($11)鱼肉好粉无味红豆沙红豆大大粒煲得够淋又有陈皮味唔会太杰太稀可惜系仍然太甜绿豆沙都唔错但又系衰在太甜如果佢可以少甜d相信客仔会多番d架因为近投注站关系跑马日特别多人所以墙上写明赛马日净饮汽水$9
继续阅读
10月2日, 下雨的一个晚上上完堂, 冇野食带住空肚走到这"卢海鹏" !见到个个都食车仔面即叫了一个车仔米粉- 猪皮, 鱼蛋, 萝卜还有老板娘介绍的猪肠猪肠, 好好味, 但的而且确有点肥, 但我还是吃掉一年不净!!猪皮, 普通但几有咬口萝卜唔错, 几入味,几甜鱼蛋很普通, 没有什么问题还送了生菜生菜几好味新鲜吃得饱饱吃不下糖水, 放下20 大元便走!
继续阅读