影片
食过唔止一次，之前都成日黎帮衬。呢间米线几好食，汤底够浓，选择都多，如果食厌左谭X𠮶啲大牌呢间都系个好选择，尤其酸辣米线/猪颈肉呢类食过一次都会想再食。舖头地点唔算太就脚，店内环境较细都唔算太好坐，但整体食物其实可以。以前都有帮衬开，但今次食完埋单𠮶阵店员无啦啦话电子支付要俾多1.7%手续费（之前俾开唔使收）自己觉得如果唔想/唔方便收电子支付嘅话应该门口写明净系收现金，虽然食物真系唔错，但要收手续费个人认为有啲赶客
继续阅读
旺角地铁站过去都要8分钟，但想试下新嘢，见咁多好评就特登行咗过去。叫咗香茅鸡扒米线+3个𩠌，麻辣汤。饮咗一啖汤，哗，非常咸😳决定加水落去沟一沟，都系唔掂。最后成杯水倒晒都依然非常咸。系死咸死辣𠮶种，好似食紧热浪薯片一样，或者另一个形容就系以前细个小食部𠮶啲福字牌米粉嘅味精粉再加辣。但由于都唔平，所以都好努力想食多啲。后来忍唔住嗌咗杯嘢饮叫好少少。要饮一啖食一啖先至叫可以食到¼碗面⋯最终放弃，食晒啲𩠌就算。唔明点解咁多好评，真系好重味精好咸，非常之伏🥵舖头都迫，中间条巷仔不停有人经过，每次都要缩一缩避开人。埋单成$87，好后悔呀！
继续阅读
#搞串个pantry 唔知由几时开始，香港🇭🇰啲米线舖开到周围都系😮，可能系我哋好钟意食米线挂😂。今次就嚟到一间位于#旺角 嘅米线小店，佢嘅位置比较近旺角东同何文田嘅😊。舖头细细，座位并唔多，平时应该主要serve周围嘅街坊or打工仔😜！今次我哋就嗌咗两个三𩠌米线餐($52)，分别order咗酸辣汤、猪肠、鱿鱼、炸午餐肉🔴。另一碗就酸辣汤、烟鸭胸、冬菇、牛柏叶🔵。同埋，再额外叫多一碟炸猪颈肉($26)🟢。本身以为酸辣汤会系红色🌶️，点知一嚟到，一望！竟然系清汤咁嘅色😱！！但系，千祈唔好比佢呃到，饮落口，个汤都几辣🥵，反而唔系好酸。而啲𩠌就普普通通，炸午餐肉算比较特例，而且厚切🤩。烟鸭胸就太薄啦，另外个冬菇偏甜，唔系好夹冬菇嘅味道。炸猪颈肉几好食🤤，食落口好香脆，有阵香茅嘅味道。而猪颈肉嘅肉好嫩，油脂感好重😋。同时，啲边边位有啲㶶㶶地，食落口脆脆地，有阵焦香味🔥。如果你钟意试唔同米线舖嘅米线，都可以嚟试下呢间小店嘅米线🥳✌🏻！
继续阅读
胜利道除咗好多日本餐厅同宠物店之外 仲有间米线小店(究竟胜利道属于旺角定何文田😂）自从有次发现咗呢间餐厅之后 平时得闲都会走去食吃-3饼米线餐(酸辣中辣) $52[👅9/10]我通常都系叫鱼腐贡丸鱼皮饺🐟啲𩠌就正正常常 无乜特别 不过鱼腐就系鱼片头𠮶款汤底方面 酸度十分足够 亦都够鲜 唔会好大浸味精味😋辣味啱啱好 唔会好啃米线爽口弹牙 比平时食嘅幼身 同谭仔 /三哥真系有唔同另外佢哋个墨鱼春卷都几唔错 但系𩠌入面无得拣呢个 净系得套餐拣💰朋友话佢哋嘅猪大肠都好食 不过我唔食肠 所以唔知咩味喇🫠🤣差少少在于餐厅实在太细 有啲逼😖行入去都好惊撞到人🤷🏻♀️📍占占酸辣米线旺角胜利道16号地下B号舖
继续阅读
系胜利道𠮶头工作，得呢间系专食米线，所以就试吓，估唔到呢间嘅米线比平时食开𠮶啲幼身，叫咗清汤底味道都OK但感觉味精比较重，叫咗三个𩠌$52有啲偏贵，佢系套餐，但热饮都要加$4，冻饮要加$6。食物方面，猪肠比较瘦，冇乜肉食。猪红够实净，唔会一夹就散。推荐食辣腩肉。
继续阅读