博多拉麵

無意中發現既拉麵小店，位於西九龍中心八樓food court主售賣博多風味的拉麵，很多不同選擇。店長超級有禮貌，誠實滿滿的介紹不同口味（今時今日咁既服務態度實屬難得）鋪面亦睇落乾淨企理最重要係咩？湯底濃郁麵既口感剛剛好 叉燒份量亦多. 有四塊追加了荀，呢間嘅筍帶有麻油香有別於其他拉麵店。麵量都大，一個女仔係食唔晒一碗拉麵既份量出餐大概5-7分鐘左右，由落單到成個用餐過程，感受到老師對拉麵既一腔熱誠。以咁既價錢 賣咁好既質素唔打食評推薦對唔住自己（第一次打食評）…查看更多

其實我好耐冇見過啲咁有禮貌、笑容滿面嘅香港人（老闆），非常親切、有熱誠咁煮拉麵 。價錢合理，有幸吃過拉麵味道不錯。如果有空的話值得一試，老闆亦都好關心顧客嘅需要🆗🙆🏻‍♀️ …查看更多

寶藏拉麵，✌️平價性價比高～個人認為拉麵湯底係靈魂 🍜最重要，咁食完我係鍾意個湯底同出品既☺️～同埋我都有見有兩極化評價，🤔但真系覺得都係自己試過先知，所以可以不妨試下～…查看更多

上星期去咗西九龍中心食lunch啦，突然心血來潮想食吓拉麵啦，咁啱一出lift🛗行冇耐就見到呢間裝修好殘嘅拉麵店，我就諗佢應該開咗咁耐應該都可以一試掛。跟住我就叫咗個黑豚豬骨湯拉麵， 點知喺我比完錢跟住攞餐嗰陣時，佢竟然叫我食完要親自比返個兜佢，我聽到之後呆幾秒😧，但係都算啦。喺我食第一啖嘅時候，我就覺得呢陣味好似曾相識，跟住我再食第二啖啦，一擺落個口就feel到點解個味係同屋企啲出前一丁一樣味嘅🤨，我心諗我自己煮都好食過呢碗所謂嘅拉麵，依家仲要賣我五十幾蚊！🤬依家係咪玩嘢啊，好食唔食，我嚟用五十幾蚊食出前一丁味嘅拉麵？😡😡😡😡😡我食完呢次之後以後都唔會再食！🤢🤮奉勸大家千祈唔好試！！！🤮🤮🤮🤮🤮…查看更多

深水埗咁多間拉麵店，呢間算係平價又唔錯嘅一間。小弟今次就揀咗碗博多泡菜二郎拉麵加份餃子🍜🥟湯底唔太濃唔鹹，未去到太油膩，撈埋啲碎肉同泡菜食，鹹到啱啱好😋。豚肉都幾大塊，厚薄度適中，如果想食平啲，但又想食豚肉的話，可以試下博多豚肉湯拉麵。之前食過佢嘅黑豚骨湯拉麵，都幾正~！！$50有溫泉蛋，芽菜，木耳，椰菜，出面未必搵到呢個價錢~！！至於個麵底，軟硬度適中~！！😋不過個餃子就一般，下次試下其他小食先！整體上平民嘅價錢，食到有質素嘅拉麵，其他地方真係好難搵到，加上師傅製作認真，值得一讚~！！可以返食~！！推薦~！！…查看更多

平靚正，幾好平時出去食拉麵最平60起冇餸，呢度38有得食，價格親民，料夠麵夠食飽飽，老板幾nice，推就係平日除左行街好少嚟西九，好難過嚟食lunch，有d可惜…查看更多

行開深水埗都會去西九Food Court貪夠多元化咩國家菜都有，咩都可以試下今次揀左係角落頭位嘅博多拉麵🍜門面裝修比其他舖用心啲食物相放哂出黎，方便睇（西九Food Court特色😂）要試一間嘢啲嘢食好唔好，可以搵最清水嘅食物如果都係好，其他都唔係差特去邊😌咁就揀個全日朝拉麵🍜+筍（$4x）呢個價錢黎講，係抵食嘅另外再叫左個博多黑豚骨拉麵🍜味道比較濃2個比較下，呢個係多左黑油、牙菜同黑木耳整體黎講，不過不失🈴想平平地過下拉麵🍜引可以揀嘅店員有禮…查看更多

星期日要去深水涉買嘢，一家大細揸車泊入西九龍中心，去到商場都忍唔住去食九樓美食廣場嘅博多拉麵，成個場D枱排佈幾好，兩人一枱，枱與枱之間又有距離，感覺安全，店座落在小角，本想試其他拉麵，但係見到圖片就又要食黑蒜拉麵，麵質爽滑，上放义燒和芽菜，再加上濃濃蒜香湯底，$45一碗，仲送温泉蛋，外賣麵和湯分開放，拿到車上食時麵不致變淋，總之又正又平! 老板做嘅麵真係好認真，而家市道唔好，大家要多多支持咁有心嘅小店,希望可安全渡过疫情!!…查看更多

今日去西九龍中心行街，行到肚仔餓，走咗上8樓美食廣場食午餐。美食廣場有好多不同嘅小食店；比我發現有間隱世拉麵店，抵食又大碗😋 拉麵湯底都有兩款選擇：有自家秘製湯底 或 日本直送元祖豚骨湯除咗拉麵🍜、仲可以選擇飯🍚或小食，如果想食讚岐烏冬就 +$5飲品有波子氣水、罐裝氣水🥤、紙包飲品🧃 今日就食咗碗元祖豬軟骨拉麵🐖，湯底揀咗日本🇯🇵直送元祖豚骨湯，湯底香味濃郁，又帶點鹹鮮，好好飲；麵質煙煙韌韌；豬軟骨肉質嫩滑，軟綿綿；另外加一塊叉燒，肉質粉嫩又滑口，又香又好味😋 除咗拉麵，仲揀咗款小食餃子🥟5隻，煎到好香脆，皮薄餡靚，足餡料，好好味道 食拉麵要配埋飲品~原味波子氣水🍹 博多拉麵深水埗西九龍中心8/F 56號舖…查看更多

好鐘意食拉麵，成日去日本都係為左食拉麵。在香港都揾到一些相近的，例如一蘭，不過相對較貴，1~2年前無意中發現這間小店，給門口的圖片吸引，主理的厨師是兩位男士，看上去都很時尚專業，煮食時又很用心，感覺很良好，就試試吧。這一試就難忘了，連我呀女都愛這兒的拉麵。拉麵真的很不錯: 麵質爽滑，湯底濃香，义燒好味，還有些配菜，成個拉麵就是像很地道的，帶給我像身在日本食拉麵的感覺(食完無口喝喎)! 仲有價錢係50元一碗的平民價! 現在疫情下，很多沒出街食，突然又懷念這拉麵，所以上個月到訪，好在小店還頂得住，我又可品嘗這超美味拉麵了! 昨天又去食，美味依舊!但係價錢竟然減了，45元!是抗疫價吧，我想俾5O元㗎，因為這舊價巳經超值了。希望小店加油，努力經營，讓我們可以繼續嘗此美食啊!…查看更多

炒飯好食，特別係鰻魚另上炒飯，咖哩豬扒飯都好食，拉麵ｄ湯飲左都唔會口渴，師傅客氣，配料上如果餐牌冇的，都會盡量去滿足要求，價錢合理，呢個價錢都已經超值，仲有特價拉麵可選擇…查看更多

原本想去果間餐廳無開，惟有試下枱離呢間餐廳睇佢d相好吸引，好靚又有橙色既溏心蛋，咁咪試下，叫左個豚肉拉麵可惜無影相，佢出黎既蛋只係半隻無咁熟既蛋，黃色蛋黃:(同相既橙色唔同唔緊要，再試下個豚肉⋯無味又硬⋯試埋個湯⋯得超咸味⋯個麵底似係低質素麵平時得都好大食，但我都係食唔曬一個普通份量既拉麵雖然只係$56一個餐，唔可以同平時出面既比較，但都達唔到一般標準配左個波子汽水，但個波子痴住個樽⋯開唔到黎飲⋯總結黎講⋯好差⋯忍唔住要寫食劣評⋯…查看更多

啱啱喺日本返嚟，有鋪拉麵癮，行過見到打住博多拉麵嘅旗號，做特價就試試。$38一碗 再加$6加一塊叉燒賣相都還可以嘅，但係一放入口真係好唔開心😭湯底完全冇豬骨味或者醬油味，剩係得個鹹字，仲要係好鹹。個面底勁唔得，一啲都唔煙銀，放多陣就淋曬。都唔緊要！仲要黐埋一pat野，平時我都好少浪費食物，但係呢個我真係食唔落肉就冇乜大問題，因為係外購返嚟直接切落去。其實服務還可以嘅，但係喺西九美食廣場食完就要自己拎返個碗返去。整體來講，$44咁細碗，仲要唔好食，真係太失望啦…查看更多

流心蛋不流心但咸味剛剛好喜歡♥叉燒肉香香香香香香香🎹🎹🎹🎹面條彈牙唔錯既😋老闆笑容好禮貌平民價錢的小享受Enjoyable Sunday ☀ 繼續飲飲食食食…查看更多

上回提及，我在深水埗運動場，看完細佬有份參與的歌唱表演後，就跟細佬徒步離開運動場，轉到「西九龍中心」看看有沒有好的拉麵可以食。我本來是想試八樓原本有間博多拉麵，店叫「博多香濃燉雞拉麵」的。但是我在美食廣場找了很久，還是找不到「燉雞拉麵」的下落。細佬早已在美食廣場另一邊已經買了晚餐，正在全速開動食飯。結果我暫時放棄了，不知道是否已經結業的「博多香濃燉雞拉麵」，選擇了另一間「博多拉麵」。看過「博多拉麵」以前在「開飯網」裡面的資料，初初剛開張營業的「博多拉麵」，有名副其實的日本人師傅主理煮拉麵的工作，食店門面比較整潔企理和光鮮。現在，我雖然不敢用「風光不再」、「大不如前」或者「每況愈下」等成語去形容「博多拉麵」，但是我當晚吃完「博多拉麵」的「博多巨雞二郎拉麵」過後，卻完全覺得「西九龍中心」價錢太平民化，實在很難有可觀的食品評價和質素。「博多巨雞二郎拉麵」本來是個有塊巨大雞扒放在拉麵面頭的博多拉麵。「二郎系」拉麵屬於遍向濃味湯底的拉麵，是不是重口味就見仁見智了。但是我光顧「博多拉麵」的時候，「博多拉麵」店員在這時候卻告訴我，「巨雞」雞扒很不幸地已賣光了。但是我對「博多拉麵」其他味道拉麵興趣又不是很大，結果店員說跟我造一碗，以炸雞取代雞扒的「博多巨雞二郎拉麵」。另一方面「博多拉麵」店員告訴我，「博多巨雞二郎拉麵」的湯底是豬骨湯底，他問我介不介意這樣。我又不不是未吃過豬骨湯湯底拉麵，我以前也曾經食過雞湯湯底，豬肉叉燒的拉麵。現在「博多拉麵」雖然只能造一碗豬骨湯底的炸雞拉麵，但我今次卻是第一次食豬骨湯底炸雞拉麵，無論如何都算是我在拉麵飲食史的第一次，味道如何食完之後才講吧。可能現在「博多拉麵」製造拉麵的工夫，已經不能再跟食店最初開門的相提並論，但是我當時剩下可以選擇已經不多，細佬已經差不多吃完，未必再有耐性，看我在美食廣場不斷磨蹭下去，只等「博多拉麵」店員一做好拉麵，我馬上開始享用拉麵。「博多拉麵」「博多巨雞二郎拉麵」的現實製成品版本，因為食店缺貨，最後變成了「博多炸雞豬骨拉麵」。我以前都經常會吃豬骨拉麵，所以我不介意，但是食評評價斷不可能極端地好。我跟「博多拉麵」店員一早講明「博多巨雞二郎拉麵」，炸雞要另外分開上，我實在不能忍受，炸雞油份浸滿拉麵湯底的場面。另一方面，溏心雞蛋一早已經被切開，還被拉麵湯所浸熟，所以溏心蛋已經完全被煮熟，蛋黃口感味道只是一般。連帶豬骨煲成的拉麵湯底，雖然豬骨湯底呈現奶白色的顏色外表。我喝完第一口湯底後，隱隱約約感到有少許口渴，之後就不敢再喝拉麵湯。「博多巨雞二郎拉麵」碗面有數粒，疑似是雞丁的食材，雞粒感覺只是冰鮮雞粒，沒有太大的雞肉味道，惟有中挺一般的口感而已。如果「博多巨雞二郎拉麵」的雞丁，口感味道都只屬中等的話，那些拉麵的麵底質感更不用各位去期待了。因為「博多拉麵」沒有任何點餐紙，讓食客去選擇麵底或拉麵濃度，所以拉麵出來的味道口感，都不到我有權選擇。「博多巨雞二郎拉麵」的麵條，質素比一般更加一般，沒有彈牙口感，也沒有明顯的麥香感覺，只是很平庸的拉麵麵條。由於「博多拉麵」炸雞本來屬於單點的小食，所以質素口感相對沒有拉麵所以不穩定，炸雞裡面有很厚的雞肉，彈牙程度尚可，配沙律醬食炸雞的雞味感覺還可以接受。整體來說，炸雞已經算是「博多巨雞二郎拉麵」，應該說是「博多炸雞豬骨拉麵」最好的一環。可惜炸雞本非「博多巨雞二郎拉麵」其中的一部分，炸雞質素再好，也很難為「博多拉麵」最後的評價加分。有些人可能會認為，深水埗「西九龍中心」本來不是美食集中地，甚至有人會認定「西九龍中心」美食廣場是劣食之地，例如我細佬就這樣認為了。既然大部分人認定「西九龍中心」難有極品美食，甚至與劣食劃上不能磨滅的等號，以後評價或許難以一下子扭轉過來，沒有幾多食店能真正寬宏大量面對劣評來襲。如果給正評會引來「Haters」攻擊，給劣評又未免太苛刻的話。那麽「中評」應該就是我給「博多拉麵」最中肯的評價。…查看更多