博多拉麵別天神 (已結業)

一個人的浪漫午餐我首選吃拉麵，就算獨食也絕不礙眼，這天選了這間口碑不俗的博多拉麵別天神，過了午飯時間也座無虛席，可幸人流快其實也不用等位已可入座。   店家選用自助售票機點菜餐牌很簡單直接，更可以現金或電子付款。 餐牌只有兩款口味的湯底豚骨和限量發售的蝦味噌，兩款一品料理餃子、小龍蝦蟹籽沙律，以沒數款罐裝汽水供應！  第一次幫襯當然試最原始的味道豚骨湯麵，將單據交給店員不消一會更送上一碗熱騰騰的拉麵，更貼心的推介升級食法，如可任加自助的蒜蓉、辣芽菜和七味粉等！  豚骨湯麵端來碗內有一片紫菜、兩片叉燒，加上大量的蔥花伴幼身拉麵組合而成，對我來說份量恰好大胃口相信要點多份替玉了！ 先呷一口奶白的豚骨湯果然濃郁滋味！店家資訊說拉麵湯底由豬骨及純水經壓力煲長時間淆製而成，更註明沒有味精亦不含奶製品，真材實料的味道挺令我印象深刻！ 而叉燒肥瘦均稱厚度適中，入口淋滑肉香亦十分不錯，絕對滿足到我的要求，這店要返兜下沒跟車爸爸來可以掃餐牌了嘻嘻。

其實好耐之前就食嗰依間別天神，當時其實就覺得唔係話好好食，有進步嘅空間今次再嚟都係食返佢嗰櫻花蝦拉麵可能上次唔識跟佢啲指示落配料，所以麻麻地今次跟哂佢啲指示，就覺得好似好啲喇，但唔知係咪因為唔係太啱我口味呢，我都係覺得有進步空間。大家都可以嚟試下，俾啲意見佢

首先呢間係黃色後面有打氣字句加分講返食物先選擇唔多拉麵只有兩款就係有蝦同冇蝦嘅分別別外就係要唔要set其實就係有小龍蝦沙律同餃子我地叫左1個set 1個淨麵講最好食先最好食係舊豚肉平時啲拉麵係一片片肉但嗰啲肉一係太淋一係太肥呢度嘅豚肉唔會太實又唔會太淋亦唔肥好似豬𦟌肉咁有𡁻口又爽口另外小龍蝦沙律用紫菜包好食又香係呢間拉麵店獨有嘅食譜至於個拉麵湯就係蝦湯較香較優勝不過我始終要加蒜蓉重口味先係王道麵就有啲過淋

博多拉麵別天神位於旺角鬧市，鋪面有點小，只可以約坐12個人。在自動販賣機，點好餐後，找個位置坐下，把單交給店員，就等吃啦！重點推介：小龍蝦蟹子沙律，首先試蝦肉，有淡淡嘅washabi味，再用紫菜包住食，正！蝦味噌豚骨拉麵，豬骨湯有少少蝦味，少少甜，麵質無乜驚喜，意外嘅係舊叉燒都幾厚。

佢係要用機嗌嘢食同俾錢，去之前記得入定八達通。得兩款拉麵：豚肉味僧同蝦味僧。我嗌咗蝦味僧拉麵配餃子嚟試。成個拉麵都好普通，湯底夠味但冇特別，溫泉蛋熟咗少少，拉麵係幼身拉麵，叉燒不過不失。我覺得可以俾客人揀返拉麵軟硬度嗰啲，因為用機嗌所以想走蒽都走唔到，同咗師傅講點知佢唔記得(碗拉麵都幾多蒽，唔食嘅記得同師傅講)。同埋個人覺得拉麵偏淋，可以硬返少少。至於餃子，我覺得真係麻麻，唔係特別多汁，同埋唔太夠熱。個人認為路過可以試吓，同路人可以撐吓，畢竟成間鋪都俾文宣裝飾得好靚。

**博多拉麵別天神-旺角店**老公今晚又話想食拉麵,二話不說就行去同一方向 別天神果陣都大約22:00 離遠都見到大排長龍心諗咩事多人成咁,仲睇下日子,原來今日係星期四!! (你懂的)等左大約40分鐘先有得食,照舊叫左2個set我要原味豬骨拉麵加龍蝦沙律老公就要櫻花蝦拉麵加餃子可能今日太忙，d茶都已經沖到好淡味,同埋今日無芽菜食豬骨湯都無平時咁濃 >.< 但係我地都食哂  因為別天神真係地至愛叉燒既厚度適中,拉麵既配菜又多! 麵既質地又煮得岩岩好 ! 老公平時鐘意食硬麵 , 我就鐘意食淋麵但奇怪黎呢度食 , 麵既質地竟然可以岩哂我地2個!下次都係等平日再黎食 唔洗排咁耐

難得放工有得收早約咗朋友去旺角行街，行完街諗住去搵嘢食，經過呢度見到排長龍即刻吸引咗我哋嘅注意力，見到原來係間拉麵店決定排隊試下🤤蝦味噌豚骨湯麵:見到係數量限定即刻吸引咗我(粟米，蔥，櫻花蝦)蝦味濃郁好鮮味又唔會好鹹❤豚骨湯麵:朋友食嘅(木耳，蔥)奶白色豬骨湯底豬骨味好濃但唔會油膩👍🏻叉燒大大塊，少少肥食落一啲唔會乾👍🏻溏心蛋蛋味濃，蛋黃有流心❤️小龍蝦蟹子沙律:夠冰凍，鮮甜中帶有淡淡嘅wasabi味，每啖都食到小龍蝦肉🤤餃子:餃子皮好薄底部煎到好香脆，餡料唔多但好juicy😋餐廳食物種類唔多但勝在每樣都做得幾出色❤最緊要係湯底唔需要落任何配料原汁原味已經好好食，仲要完全無味精食完唔會好口渴👍🏻

旺角拉麵小店，座位唔多好多人排隊㗎我都排咗一段時間可以自助落單落完單就好快有得食有冰凍麥茶無限量供應天氣熱熱地啱晒拉麵個豬骨湯底非常濃郁想必係真材實料直頭想飲晒佢麵底較幼身彈牙而且入味塊日本叉燒都幾香口可能有輕輕煎過溏心蛋都好軟滑另外有醃辣芽菜供應芽菜好幼嫩爽口不過太辣我食咗一啖就投降I highly recommend this popular Japanese noodle shop.Cool wheat tea and spicy bean sprout are unlimited.I ordered Japanese pork Ramen. Very nice one.

一日一黃店 今次拉麵店呢間呢間又係勁多人 是日平日19:00 排左大概半個鐘旺角分店 店面細細 但貼滿左希望既留言.⭐️別天神豚骨湯麵係一個相對清既豬骨湯後面帶小小骨味 飲完都唔會口渴（味道似濃度低既一蘭豬骨湯）叉燒雖然唔係肥叉 但係口感夠軟 同入味.⭐️蝦味增豚骨湯麵呢個就重蝦味 相對濃好多同偏小咸我就鐘意濃味 鐘意呢個多d（‼️建議點呢個 比較特別）.台面仲有好多唔同調味粉.⭐️小龍蝦蟹籽沙律 好好食😂滿滿既蝦肉係入面 但就細細份.⭐️餃子 係最基本既日式餃子 唔會有驚喜但配小小酸既餃子汁 岩岩燒好熱辣辣簡簡單單就好好食.#博多拉麵別天神 (旺角)地址：旺角山東街40Q號地下有好多分店 尖沙咀 中環 紅磡.....⭐️評分：味道：4/5環境：4/5服務：4/5抵食：4/5.‼️想睇更多資訊‼️ig/facebook： hkfunfoodrecord‼️openrice/大眾點評 ： 歡歡增肥之旅

網上見到呢間良心拉麵店，今日收工即拉埋男朋友過黎試試～～我地平日夜晚7點去到門口，裡面已經坐滿哂人客，但大概等左5分鐘就有位啦！呢到同一般拉麵店一樣，供應既款式貴精不貴多，主要豚骨湯拉麵同蝦味增豚骨湯～～先點個招牌小龍蝦蟹子沙律黎試下先，唔洗一分鐘就上左，呢個沙律係日式拉麵店好少見，食落好多龍蝦肉，我就鐘意用紫紙包住黎食，值得一試！每隻餃子都幾飽滿，而煎得幾香脆～～個人就最鐘意蝦味增豚骨湯拉麵，勁多蝦米，勁足料！而且好多蔥，令湯底極香濃，果然名不虛傳～男朋友就試左呢款豚骨湯拉麵～呢到湯底標榜係無味精，所以飲多幾啖湯都唔怕！而男朋友唔洗10分鐘佢就食哂成碗，連湯都飲埋，可想而知有幾好味！呢到用既木筷係無經漂白過程，食客可以食得安心又環保！

冇味精. 唔會太鹹. 成碗湯可以飲哂！一個女仔食一碗都冇問題. 份量啱啱好. 即叫即整. 熱辣辣又新鮮！今日食咗個豚骨拉麵🍜+煎餃子 4隻. $105.自助落單好方便最緊要係咩？香港人加油💪🏻！！

呢間良心店出哂名吾洗卡比多講，佢入邊既食物種類吾算太多但卻十分足夠填飽哂食客既心理同身理既「飢餓」。呢到系用左自助點餐既方式，同好多日本既正宗拉麵店運作模式一樣。 🔷蝦味噌豚骨湯湯麵 💰85 💙85/100 面頭放左數吾到既櫻花蝦數量，另外仲放左卡比好中意既爽口粟米，睇到都好滿足。拉麵質感彈牙，屬偏幼身麵款，軟硬度無得揀所以都偏中間既不軟不硬，岩哂大眾口味。湯底都幾香濃而不咸，食完可以飲埋湯都仲得。 🔷豚骨湯麵 💰75 💙80/100 豬骨湯底飲落吾會覺膩而且濃厚，配埋餐廳提供既辣芽菜同蒜泥食別有一番風味。塊叉燒肉肥肉部分不太多，而且煮得意想不到既淋。半熟蛋有做到糖心效果，拉麵不能沒有蛋吧哈哈。 🔷龍蝦沙津 💰35 💙75/100 比較少食到呢款沙津，小龍蝦份量都吾少，食果時有見到完整既小龍蝦肉，食落幾爽口。配埋紫菜去食可以中和左沙津個味之餘仲食到紫菜既脆口。 🔷餃子 💰35 💙75/100 跟餐既有4隻只需加＄30，單價買有6隻。餃子皮都系正宗日本既薄而有咬口既口感，煎得個底部脆得黎無overcooked，沾上少少餃子醬食足夠食到餃子餡既肉汁。

今日突然間好想去旺角【博多拉麵別天神】食拉麵，知道食店只有十多個位，經常排長龍，所以便提早6點去到，雖到達時已滿座，但等了5分鐘就有位。店內有願望牆，可將兩年後的願望寫在咭紙及貼在牆上。店內只有「豚肉」及「蝦味噌豚肉」兩款湯麵。單食外，亦可選包括「4隻餃子」及「小龍蝦蟹子沙律」的套餐。落單時，需到門口自助點餐機落單，如有問題可向職員查詢。我們點了一個單食及一個套餐。蝦味噌套餐 (HKD115)蝦味噌豚骨湯麵+小龍蝦蟹子沙律+餃子「小龍蝦蟹子沙律」內有大大粒小龍蝦肉及有嚼勁蟹子，用紫菜包著來食，味道很夾。 「餃子」皮薄餡靚，味道清新，沾點醬汁更鮮甜。店內拉麵湯底出名無味精，用豬骨及純水經壓力煲熬製而成。「蝦味噌豚骨湯麵」湯底味濃，充滿香濃蝦味；且材料豐富，有美味日產糖心蛋、半肥瘦叉燒、香脆小蝦等；而拉麵質感幼滑可口，相當有質素。豚骨湯麵 (HKD75)「豚骨湯麵」湯底豬骨味濃，香滑無味精，故飲了都唔口渴。如想豐富味蕾，亦可加點芝蔴！拉麵價錢貼地，味道有水準，所以要排長龍絶對值得！

呢排經過別天神 都見好多人難得今日唔使排隊 就試下啦我嗌了蝦味噌豚骨拉麵, 拉麵充滿櫻花蝦 而且係脆口 豚骨湯底滲出濃濃蝦香 好正枱頭亦有好多配料 如果喜歡重口味 可以加蒜泥辣芽菜拉麵汁 我喜歡辣 所以加咗七味粉同辣芽菜 辣芽菜好正 辣辣地好開胃同行的嗌了別天神套餐湯底係濃濃的豚骨湯底 另一半頗喜歡和我一樣 加咗好多辣芽菜 不過佢都另外加咗好多胡椒套餐有蟹子小龍蝦沙律每啖小龍蝦都混入蟹子 咬落去脆卜卜 沙律另外有5至6塊紫菜 滿足紫菜控套餐仲有4隻煎餃 係即叫即煎 配上餃子汁 非常可口飲品方面除咗提供凍水亦有麥茶 算係多選擇

呢排經過別天神 都見好多人難得今日唔使排隊 就試下啦我嗌了蝦味噌豚骨拉麵, 拉麵充滿櫻花蝦 而且係脆口 豚骨湯底滲出濃濃蝦香 好正枱頭亦有好多配料 如果喜歡重口味 可以加蒜泥辣芽菜拉麵汁 我喜歡辣 所以加咗七味粉同辣芽菜 辣芽菜好正 辣辣地好開胃同行的嗌了別天神套餐湯底係濃濃的豚骨湯底 另一半頗喜歡和我一樣 加咗好多辣芽菜 不過佢都另外加咗好多胡椒套餐有蟹子小龍蝦沙律每啖小龍蝦都混入蟹子 咬落去脆卜卜 沙律另外有5至6塊紫菜 滿足紫菜控套餐仲有4隻煎餃 係即叫即煎 配上餃子汁 非常可口飲品方面除咗提供凍水亦有麥茶 算係多選擇