影片
以上资料只供参考，请与餐厅确认详情
间唔中就会抽起条食拉面🍜既瘾今次食既呢间都算几隐世星期六日去食都好似无乜人咁🫢——————————————————🍴虾味噌豚骨拉面($85)成间铺头只系得2款拉面就系呢款虾味噌豚骨同埋豚骨味而且呢款拉面仲要数量限定😯想食真系要早啲去面头有一堆樱花虾🦐捞埋落个汤到饮落虾味好重👍🏻食完成个面都唔会好口渴而且面底仲有得拣淋啲定硬啲我就比较钟意食硬啲面底系自动售卖机度落咗单 拉面就好快上碟喺尖沙咀返工 要赶头赶命食lunch呢间会系一个唔错既选择‼️
继续阅读
🔸别天神套餐配饺子 ▫️豚骨汤面🍜👉🏻日式叉烧嘅面有被烧过，好香口，脂肪比例唔会太多，食落肉质都好嫩滑☺️ 豚骨汤底好浓味，拉面我冇特别Request 硬度，我觉得硬度适有咬口中，唔会过硬或者过淋，同埋唔会有碱水味😌👉🏻流心蛋煮得啱啱好，做到半流心效果⭐️⭐️⭐️⭐️. ▫️饺子🥟👉🏻饺子上台𠮶阵仲热辣辣，相信系啱啱煎好，外皮煎得好脆，个馅都好Juicy☺️⭐️⭐️⭐️⭐️❗️入到去要先用自动贩卖机买嘢食，之后先可以拎位坐，不过提提大家贩卖机冇得拣面面嘅硬度，要另外同店员讲☺️
继续阅读
2019就开始食佢💛，系百物腾贵嘅情况下，佢价格无变已经好难得！所以我间唔时食拉面时就谂起佢～#虾味噌豚骨汤面 🦐套餐好钟意佢唔系半边溏心蛋，系比足成只你！汤底够浓，我偏好拣面身「偏硬」，咬落够弹牙又有口感！配料有我喜欢嘅粟米🌽同樱花虾，所以汤味有海鲜咸香，会忍唔住不停饮！通常平$5配埋小食， 拣咗 #小龙虾蟹籽沙律 ：佢几大球，调味调得唔错，用脆身嘅紫菜包住食，我觉得仲出色过佢嘅饺子🥟！基本款 #豚骨汤面 唔算特别出色，因为个人比较喜欢「海鲜」味嘅汤底，不过不失，但因为有头两款食物，都会再嚟食～
继续阅读
首先定价就有啲唔理想，因为小弟太懒所以套餐就叫咗套餐， 但系应该分开会抵食啲，其实就系差$5 ，但系就少咗两只饺子。然后讲吓饺子先，谂住趁热食所以食咗一只先记得影相，首先佢个皮真系林到好似碌水饺咁，而且煎得有啲焦，馅料方面冇乜味道。跟住到个拉面，首先只蛋就散嘅，然后啲面黐埋一旧，唔知系咪唔够时间。𠮶两件叉烧死实，口感唔好，味道方面唔知道系咪因为比虾味增影响，所以都系偏咸。虾味增系正常嘅， 号称剩系得猪骨同埋水嘅汤头都系感觉太咸，唔知道系咪真系虾味增影响啦，成碗面最好嘅可能系粟米，甜甜地嘅🫠本来见到自己揿机落order有啲日本嘅感觉，加上喺附近返工咁耐都未试过，期待值太高，所以同现实反差有啲太大，但总体嚟讲都系劣评。
继续阅读
今日出尖沙咀试下呢间别天神，好耐冇食拉面，睇下得唔得开门去到，店第一碗serve嘅拉面，自己喺机买票先，拣左$105套餐，包埋4只饺子同豚骨拉面面黎到，料有木耳、葱、蛋、两块叉烧、面系幼面饮啖汤先，唔够热啦，食拉面汤一定要热，唔系碗面已扣左一半分数叉烧口感粗鞋，木耳同葱太多，遮盖左汤嘅原味汤头顺口嘅，算合格碗面俾我感觉冇咩生气，垂头丧气嘅一碗拉面饺子一般货色，唔评了。呢间试过就算，难再回头，希望佢好好经营落去，起码汤煲热啲先
继续阅读