影片
食家推介
星期六，长假期首天，不用拜山，训到成点先起身，落楼揾食，太古成周围都系人，从来吾觉有间拉面店系度，１：４５见有2个单人位，等一阵就应该有孖位，点知侍应从里面叫出来：「等位吾该去对面排队」，跟住佢只手的方向望过去，穿越人群，原来排队论候区在通道另一端的行人梯间，其实极不显眼，又霸占公共空间。等了１０分钟就有孖位，呢度只卖2款博多拉面，与朋友各叫一款试试。虾味噌猪骨汤面，拉面本身幼身弹牙有咬口，可惜份量少，块叉烧偏肥偏细块，木耳丝吾系好食到，因为得6一7小条，娇红色的迷你樱虾米干无乜味，却唯独全靠其颜色增添了整碗拉面的颜色及卖相，要赞的是其汤底，也是其美味之灵魂所在，浓郁鲜甜无比的虾汤底，其鲜甜味在口腔久久不散，令人回味，不知要用上多少虾膏虾壳，唯独是有点偏咸，不排除有味精，但汤底实在美味，加上面少配料少，唯独汤特别多盖过了面，我几乎饮光汤底。猪骨汤面情况差不多，奇怪的是汤底同样有浓郁鲜甜的虾味。食台前面有蒜泥丶芽菜丶手磨芝麻丶汤面汁等供应，蒜泥估计是现成买入，存放多时，出晒水，色泽及香味叫人反胃，失败。芽菜存放太久，出水，卖相奄奄一息，软身欠咬口吾爽脆，失败。手磨芝麻及拉面汁尚可以，但冇乜需要加，因为汤底己超够味。其实献丑不如藏拙，芽菜和蒜头根本不值钱，与其要客人反胃或担心食物中毒，不如不作供应。整体来讲，拉面的汤底实在一绝，化腐朽为神奇，令平平无奇的一碗拉面起死回生，注入了生命和色彩。
继续阅读
今日放假去左呢间野食位于AEON隔离, 俾人望到晒你食野, 好无奈XD佢得两款面, 好似一兰咁, 但系冇一X咁可以adjust面既硬度, 汤的浓度...可惜叫左最平果个猪骨面, 虾面就冇咩兴趣...坐系度等...张台好鬼污浊, 都唔明D人识唔识食野架? 食到周围都系? 之后上菜了, 好大阵猪骨汤味扑鼻而来...不过唔够浓郁佢有几种食法建议, 浓D就自已加拉面汁, 辣就7味粉, 呢一方面就唔系咁钟意 (好似饮奶茶冇理由要自已加奶加糖) 我的睇法就系我想欣赏师傅调味的手势, 咁如果如果自已黎咁不如俾个汤包加滚水我自已冲面好过?(其实应该好似一X咁可以客人调教面, 汤的浓硬, 师傅自已adjust, 咁先系波, 要客人自已落汁落粉...倒不如我买包公仔面自已煮好过)废话讲完, 正式埋牙一食, 个面的软硬度一般, 感觉好似食紧煮林左的捞粗咁个汤本来就淡淡地冇咩猪骨味, 照佢建议浓D, 一落拉面汁就乃野...咸咸地又少少苦苦地, 好怪...唯一可取系旧猪肉, 差烧黎...好鲜食完, 不过不失咁如果拿铺头同其他类似的拉面店相比, 只可以合格, 但系突出就唔得但你话系太古城区内唯一的特色拉面店, 咁都合格, 因为交通方便, 区内又冇咩呢类型的日式拉面店 (太古城中心果D就另计, 前题系我唔洗行咁远)不过, 如果佢唔增加新款面, 或搞D新野...下场相信唔会咁好睇...
继续阅读
一心想去「别天神」试试猪骨汤，点知： 侍应为坐在我隔壁（ bar 枱）的女士送上一碗味噌虾汤拉面，然后女士发现面前尚有一碗，一个正常又怎会一次过叫两碗拉面？于是那位女士便告知服务员，她只点了一碗，另一碗不是她的。一位年青的服务员拿著那碗汤在counter 腾两腾，成条件月bar 枱得我冇嘢食，于是她问我：「小姐你有冇叫虾汤面？」我话佢听我点豚骨汤的，她目无表情拧转面。然后，我见她将那碗多出来的虾面交给负责煮面的师傅仔，那位哥哥向负责落单的大婶查问，大婶一脸茫然，看到那位哥哥有点黑面，又听到他类似畀说话大婶听，本著不要浪费食物的心态，于是我同大婶讲，既然煮咗，咁我要啦，更因为我超级肚饿，即系有得食都是好的。 大婶将虾面交给我，然后立时说：「转虾面加要补返十蚊，总共一百一十五蚊。」 我并不介意多付十蚊，但我想更正她，我不是转虾面，我是帮你啃了那碗煮错了的虾面。 说回那碗虾面，汤底质素的确不错，面条是白色，幼身那种，在游一轮花园之后，还没有变得太腍，可以想像若果一煮好上枱便吃的话，效果应该更好。套餐包四只饺子，乏善足陈，得个油字，半熟蛋就几好，有流心效果。总体质素属于有惊喜，若果注重一下服务，可以加强顾客返转头的意欲。
继续阅读
Visiting this ramen stall in Jusco, Quarry Bay for the first time (‘d visited the one in CWB before)Small but well-decorated stall, nicely designed to enable diner feel the Japanese cult .Nice stall and especially friendly for people who want /have to dine alone LOLOrdered PRAWN MISO RAMEN ,thick soup with strong taste of miso and “piggy bone” – rich favor ;PSpecial Highlight is the ＂SELFIE＂ concept for extra seasoning & side dishes i.e. fresh garlic mash , self-ground sesame and spicy bean sprouts,etcccc! –HIGHLY RECOMMEND
继续阅读
#别天神 起香港都一段时间，由一间小舖做到而家几间分店，而早前佢起太古开左分店之后都未去食过；昨日终于忍无可忍去食左！虽然开左几间分店，但两种面都仍然有水准，虾子叉烧拉面中既猪骨汤，算几浓厚，而且会有轻微虾子味，味道几特别。而配菜都好好味，我就配左个日式饺子，内人就叉烧拉面配左个小龙虾沙律+紫菜，两种味道之下你会觉得：「黎多碗！唔该！」最后，亦都系我个人习惯…留返一粒粟米影张相，ごちそうさま！#今次起太古 #食左好多牙菜 #个饺子真系唔差 #个沙律又好食 #太古AEON里面呀 #另一间起尖沙咀 #之后铜锣湾都有分店 #自问钟意食拉面 #别天神系唔错既选择 #一兰就算吧啦 #豚王都差左 #下次我会去霸妈㊣木田==============================博多拉面别天神地点：太古Openrice: 博多拉面别天神
继续阅读