南豐餐廳餅店 (已結業)

其實是日在此茶記吃個早餐，一來是真的順路，二來本人是帶着一種破地獄的感覺，想真的看看此茶記又是否真的值得一面倒的負評呢？早上八時來到，人客尚不算多，此店內部的裝潢真的是非常之有老式茶記的味道，由汽水機、時鐘及枱椅，都帶有濃厚的歷史底蘊，非常容易的找了個卡座坐下，之後就看看有什麼吃的了。此店的早餐分成兩大類，分別為早餐及營養早餐，早餐的四款選擇之中，其實當中的變化就是只有那麵，其餘的牛油餐包及腸仔煎蛋也是事必奉上的，而本人在四個選擇之中，最後都是選了本人常吃的沙嗲牛肉麵。先來的是腸仔煎蛋及牛油餐包，餐包的樣子滿滿脹脹的，樣子非常對版，果然入口鬆軟，麵包具麵包應有的雞蛋及麵包香，始乎店家自家焗製的包點，是真的有點料到，不過這牛油餐包還有不少地方需要改善，其牛油味明顯不夠，而且也不夠熱，加上包身有點濕，確是影響了其美味。腸仔是油了一點，不過煎過的就是份外熱辣，鹹香好吃；雞蛋煎得好生，蛋黃會是一戳即破的樣子，而蛋黃旁的蛋白也是全透明，雖然喜歡吃有蛋黃汁的煎蛋，不過對於透白而質感有如鼻涕的雞蛋白，本人可真的是不太喜歡，不過本人又不能排除，有人是會喜歡這個風格的煎蛋，但沒有蛋香這一環就不是太多人會喜歡了吧。之後就來吃這碗沙嗲牛肉麵了，沙嗲牛肉就只有一小堆的，不過其醬油的顏色非常之深，果然那牛肉的醬油味，真的是相當之濃郁，而且還很有花生味，味道上本人可覺得頗為不錯，不過質感上雖然不韌，但就予人有種似浸濕了，變回軟身的牛肉乾，不過有了這麼濃味的牛肉，那公仔麵就很快被我解決掉，如果麵條能煮得硬身一點，不用煮那麼久，那就會更是美好。吃的感覺還不錯，心裡正嘀咕為何會有那麼多負評呢？莫非杯茶不太行，那用上捷榮瓷杯盛着的奶茶，嗅一嗅已經發現茶好有茶香，這可真的很難得呢！呷一口先感受那茶身，也確實挺厚滑，之後在口中滲出絲絲的茶味，雖然個人認為是可以再濃一點，但本人已經覺得這個濃度的茶身，現在已經絕少茶記會有如此強茶風的奶茶了，那個甘香的茶味，足以跟淡奶的濃郁奶味相共融，茶味奶味共同融合在口中的感受，也相當之不錯。連杯茶也是相當不錯呢！那問題就來了？何解此餐廳那麼多負評。…查看更多

是日由旺角火車站行落去, 離上班時間也是充裕的, 所以繼續找地方停低, 嘆返一個早餐才步入公司. 而是日既選擇是旺角的一間老字號, 南豐.入到來地方非常之大的南豐餐廳, 非常辛苦力找到了一個卡位搭檯. 一大清早, 8:30未夠, 此店已經是幾乎滿座, 老字號, 老品牌, 多的, 是老茶客, 不少是幫襯了幾十年的老旺角, 也有不少國內外人, 因為旁邊就是中旅社車站的關係, 就腳嘛, 係呢一度食完早餐再上車就啱哂.我食的早餐, 永遠是千篇一律的公仔麵, 改食扒餐時只是一個偶爾. 今日就來了一個豬柳扒五香肉丁公仔麵. 一樣, 是想簡單飽肚. 五香肉丁, 粒粒方塊夠大, 有辛口感覺但不辣, 最重要是食落香口. 肉丁汁令湯底加添辛香味道. 另外是豬柳扒, 雖然是吃到成口油, 但來貨的味道絕對不比麥當勞的差. 麵底雖然是普通的光身麵, 但湯底帶鮮, 也是非凡之作...奶茶夠哂濃, 不過, 硬是覺得佢好快凍.....美滿的早餐, 又繼續......工作.....…查看更多

同朋友打完機, 諗唔到食乜, 就求求其其入左呢間一去到人有三急, 去廁所先, 真係有小小恐怖, 而且我搵唔到有地方係比人洗手...大家見到個menu, 其實大家都覺得真係好似貴左d, 唔怪得食飯時間成間鋪加埋都唔夠5台客...D侍應唔知忙定係乜, 坐左好耐舉曬手都冇人黎幫手落單...:(本來想走, 不過坐低就算, 最多下次唔黎朋友們叫左2個常餐, 因為最平, 33蚊~我就叫左晚餐, 黑椒牛仔骨意粉個餐湯羅宋湯有小小辣, 食唔到辣既人未必接受到, 不過味道都OK有2隻雞翼叫做頭盤,無乜特別黑椒牛仔骨意粉就好似咸左小小, 不過都叫ok所有既餐凍飲加3蚊, 貴唔貴就睇下自己點諗我相信下次會求其揀其他茶記都唔會再黎始終地點唔算好, 野又唔係好好食, 入完後面個廁所會令人唔開胃, 同埋好似真係貴左D D, 再加上唔鐘意佢既服務...…查看更多

五月下旬‧晴早上來，連遇兩款出爐品，當然一併買下做早餐。菠蘿包硬皮，脆，不是我喜歡的類型。不過麵包滿有蛋香也鬆軟，真好吃。酥皮蛋撻更是熱得「辣手」，皮酥化，蛋餡熱辣軟滑不過甜，也不錯。遇出爐不吃，罪大惡極。…查看更多

下午茶時段,,同兩位親戚入內食個TEA...一個叫 西多一件 + 熱0T = $$30一個叫 豬扒包 + 熱啡 = $$30一個叫 炸比沙津 + 熱MT = $$30咁就埋單$$90.....貴得恐怖...最離譜係...西多一件咋...咁都要30蚊...仲話下午茶??叫個全日供應既飯餐都係 $33姐....…查看更多

昨天和朋友到了旺角，朋友肚餓，便陪他到了這餐廳吃午餐。看看餐牌，價錢也不便宜，我也不肚餓，便叫了一個法蘭西多，但都要$20！好吧，好過坐著什麼都不吃，西多來到時，比我想像中更細件．．．幸好味道都算可口．．．但並不是物超所值:(…查看更多

凌晨2點幾見肚餓,行過洗衣街,見到呢間茶記,心諗是但啦.唔想再行.但...........$44一個海南雞飯.我都知係跟油飯.雖然油貴..但食完碗飯,成隻碗都係油.同埋碟雞鹹左D.所以.....一次意外,永不光顧.…查看更多

流落旺角洗衣街，餓極了，居然棄美而廉而選南豐，活該！因為趕時間，選了是日午餐A「焗牛舌飯」。附餐湯和飲品。共$29，係經濟實惠之選。那紅湯（羅宋湯）係港式作法，料多味足，都唔錯，有！埋牛油餐包都perfect！那杯奶茶都唔錯，奶跟茶比例好好，唔會太黏喉。但那個焗牛舌飯雖然係即焗，但那紅汁過鹹和過多係事實；飯底炒得過油膩，相當倒胃口。因為汁料過多，焗完等於無焗，壓根兒係一個蕃茄燴牛舌飯…。客路比較草根和麻甩，上班族請三思。…查看更多

同小牛食晚餐,心大心細想係美而廉同南豐二揀一,由小牛決定,選左南豐...叫左兩個餐,分別係午夜什麼餐($28)同埋泰式粉麵餐($29),前者有個麵,煎蛋,同牛油方包,個沙嗲牛肉麵既麵淋得可以,唔好味,唯一好處係沙嗲汁夠多夠香,牛油方包好似牛油唔使錢咁,勁多,好牛油一定岩!但係要彈既主要係個泰式牛肉湯河!果的所謂牛肉呢,好聽講咪係肥牛囉,唔好聽講,根本係肥膏,忌食到肉都難,好多牛肉,但係件件都係咁,叫人點食喎!食落啖啖都係牛筋同牛肥膏,激死!仲搞到個底出晒油,咁搞法,d粉幾好食都假啦!唯一好既,咪係配多碟油菜,balanced一些咁囉!總之好難食啦!早知係咁,我一定去美而廉,美而廉個晚餐$41,都平過呢度$44啦!唔會再黎!…查看更多

行過旺角，經過洗衣街一間舊式茶餐廳，門口設有麵包部。見到兩款我鍾意食既野擺埋一齊︰「老婆餅」，「合桃酥」。咁岩又有d肚餓，咪買黎食囉。好耐無食過呢兩樣野，但係都預左呢d茶餐廳既水準一定唔會好得去邊。點知真係開口中，第一啖食個老婆餅都無乜特別，有d椰絲有d芝麻，但係比較硬，再食第二啖，就食到大大粒既糖東瓜，而且成個老婆餅食到有5大粒糖東瓜！！雖然老婆餅係用糖東瓜黎整，但係人地都會整做"糖東瓜蓉"。佢個老婆餅居然有5大粒糖東瓜真係絕對不能接受！！再食合桃酥，味道甜左d，又"林"，簡直係失敗中既失敗！…查看更多

去過呢間茶餐廳食過幾次野，不過不失啦!!不過有時有些伙計顧住傾計，唔專心聆聽留意客人「落單」。…查看更多

今日食完米線後飽左大半日不過朋友仔下晝三點已經有d餓加上行到腳軟軟見呢間舊式茶餐廳似乎無淨飲雙計就陪佢入左黎食個下午茶要左個炸雞翼拼沙津配凍檸茶因為即炸都等左差唔多五分鐘先有得食份量都算多有兩大隻雞全翼同半碟罐頭雜果沙津雞翼炸到金黃色味道同個雜果沙津一樣佢話都ok既我試左啖沙津覺得好漏相信係因為沙津醬太多喇多到食完都仲有好多o係碟上面凍檸茶朋友仔話甜到漏搞到佢想加茶先飲雖然出品麻麻不過都見到佢都好想可以繼續做落去加左d泰式粉麵去吸引後生仔服務尚可加油啦!…查看更多

同佢隔離o個間美而廉一樣, 南豐係旺角數一數二o既老牌食肆, 而且仲係間好有江湖feel o既茶記, 乜o野人都可以o係呢度見到.以前我同班friend都時不時o黎呢度, 貪呢度o的o野幾平, 而且坐幾耐都唔會俾人趕, 係理想o既吹水聚腳點, 但係我一o的都唔鐘意呢度, 因為地方好污糟邋遢, 一坐低就覺得周身唔聚財, o的小菜套餐雖然幾夠鑊氣, 但40幾蚊唔算平.但呢度最恐怖o既係?個廁所, 其設備之簡陋, 衛生惡劣o既程度只能用「地獄無門你闖進來」o黎形容! 每次人有三急我都行過對面皆旺隔離o個間麥當勞o既洗手間解決. 南豐o既廁所實在太嘔心喇. >_<後來我地o既吹水陣地轉移到油麻地o既吉野家, 忍受南豐o既惡夢從此結束. 謝天謝地!…查看更多