影片
以上资料只供参考，请与餐厅确认详情
虽然公众假期但为食猫依然要去上堂，今日继续系大埔区揾食😋但系因为迟出门口，要食个快餐，所以最后选择左系翠屏商场楼下的南记粉面。平日午餐食得多，早餐我都系第一次。即刻睇下有咩事先🤔选择都算多，加上早餐其实都可以叫午餐既粉面，所以林林种种，睇到我花多眼乱。最后因为好想食米通，所以拣左个简单双拼，要做个蕃茄汤春卷米通，再加鱼皮饺汤，连杯冻豆浆！咁丰富都只系$37大元，认真相当抵食啊！味道中规中矩啦，连锁快餐粉面味。但价钱相当进取，有时想平得来多选择，绝对推荐大家考虑下南记🤭
继续阅读
收银阿姐服务麻麻哋，手脚慢搞到成日排队条龙好长，见到入边嘅员工个个都冇乜表情，不过下午茶就真系抵食，而且鱼蛋牛丸，弹牙有味道。下午茶超多人，有时可能要等位，有卡位，最紧要系旧冷气，坐得舒服啲，有自助水。炸鱼角必食，呢个要赞吓几有诚意，即刻整返热俾客人，是其中一款追加小食，几蚊鸡好抵食。辣椒油油系够晒香，辣得自然招牌河鱼蛋弹牙，牛丸味道浓郁，虾卷果然系招牌菜。汤底味道几清，河粉份量多。几个人share一匙羹辣椒油，捞埋汤河食特别正最后饮埋杯豆浆爽晒。
继续阅读
除咗谭仔米线同三哥米线之外，而家都有好多唔同米线连锁店。而南记粉面就系其中一间，喺香港好多唔同嘅地方都有佢嘅分店，而且都开咗一段时间。南记粉面最出名嘅就系佢嘅辣猪腩肉同埋鱼卷，以前鱼卷会脆卜卜同埋另外分汤上，今时今日佢嘅鱼卷已经直接放落汤度。所以，鱼卷令人感觉上质素已经大不如前。记得猪腩肉以前系比较大块嘅，而家就薄切，但调味亦都系非常入味同埋出色。至于汤底方面，佢都有酸辣汤，麻辣汤，蕃茄汤底等等可以选择。麻辣汤底相对浓味，而且辣度充足，大家可以一试。
继续阅读
经外卖app落单。胡椒猪肚套餐，有杯菠萝特饮。加𩠌：大肠，辣猪肉，春卷共$121.6佢可能落错单，比多左块鸡扒我。但又几好食噃。讲返个套餐。汤底有酸菜味，但唔够胡椒味。菠萝特饮有菠萝肉唔太甜，几好。
继续阅读
来到南记要点最爱既辣猪肉+春卷配酸辣汤🍜，暂时最钟意既酸辣汤都系南记，酸菜好食汤又好饮，辣猪肉一啲都唔韧块块都仲要好大块，好入味好好食，而春卷唔洗多讲啦，哩个必必必必必食🤤如果有好味既酸辣汤可以同我讲，去试试佢～
继续阅读
您可能会有兴趣的...