南記粉麵 (已搬遷) 新店位置

成日見咁多人排隊, 所以我都要湊熱鬧, 更係要帶埋傻鬼去試下啦.我地2條友人決定每人叫2個餸, 咁我地就有4個餸食啦(hohohoho)叫左: 牛筋+羅白面同埋魚腐+雞翼尖河, 仲有腐乳通菜&支裝細coke牛筋好淋好入味, 羅白又無根, 魚腐就普通啦, 雞翼尖都幾入味. 最值得讚係腐乳通菜. 因為其他店d腐乳通菜會有菜水係入面令到d腐乳淡左, 不過這間就唔同每條菜都可以有腐乳味.正正(我去埋渣甸坊間分店啦, 其實都一樣味啦...好似無咁迫人, 仲有佢地平個登龍街新記)

今次係第二次去食,估唔到比上次仲大碗,我地兩個人, 一個叫左腩肉+雲吞+小鍋米線, 一個叫左春卷+ 腐竹+小鍋米線, 腩肉勁入味又好咬,一d都唔un, 雲吞有成7粒咁多,都ok大粒同好味架d餡, 真係好誇張,春卷又有成4條咁多喎,話係必食之選真係無講錯, 腐竹又係好大塊,南記真係好料十足,不過對我來講實在太大碗,所以食晒d後,剩左差不多半碗米線我一直以為最好食既米線係荃灣既「雲貴川」,不過而家已被「南記」取代左lu...再加上佢既座位都幾闊落,一d都唔逼,買野食個counter都好有系統,因為係嗌飛,直頭將傳統粉麵融合埋快餐買食方式

你地錯晒喇....南記係好食...不過佢最正最特別同吸引既地方係d 辣椒醬....去到唔食佢既辣椒醬就真係好似畫龍未點睛咁....辣椒醬加春卷....真係好好食....我鐘意左十幾年架喇....去親銅鑼灣都忍唔住唔食....連我所有朋友都知...仲問我係咪有股份架添(我都想呀)...哈哈...日日食都唔會厭...真係唔係誇張架

以前在附近番工，LUNCH 實食。魚卷加腩肉河。D腩肉辣辣地好正

春卷好食!! 小鍋米線好好味, 湯好味, Sweet and sour... nice... the pork 小鍋米線不防來試一試, not fat at all.. Dinner set only $30 + drink and Vegetables..

板主南記己經由糖街遷至到銅鑼灣怡和街62號(即麥當勞側),地方大左,共2層,分下層非吸煙區同上層吸煙區今日又食到我好鐘意食既春卷牛丸粉線($16),春卷d味好似炸魚旦,好好味! BF食左春卷貢丸粉線($21),再加2杯豆漿(@$5),豆漿唔好飲既.

一個招牌河十五元,有春卷,牛丸同魚旦,唔記得幾點仲會送杯豆漿.....放學下午茶之選...一星期三次呀春卷一流...好正......好味到試過再叫多個淨春卷牛丸唔錯....幾彈下...魚旦係就係普通左d...唔係特出....但係十零二十元一碗...都唔會有人低b到以為會用一元一粒既魚旦架啦(用乜魚整咁貴呢???) 用左既話都唔知果十零元夠比魚旦,定人工定係夠鋪租......簡單d講.....物有所值.....甚至物超所值

如果食15蚊一餐, 情願o係榮記等位! 魚蛋冇味, 牛丸似食緊橡筋咁, 好難食.我屋企開舖頭幫人訂凍肉/ 丸類, 所以一食就知佢d 貨係cheap 野, 老實講, 靚既魚蛋來貨1蚊1粒左右. 佢o個d 肯定係cheap 野( 深圳來貨). 收人15蚊, 賺到喊.

I REALLY like 南記!I go there a lot...usually because it's cheap and so I can afford it...but seriously, also because they have REALLY nice noodles. Most of the time, I order Fish Ball noodles ($15). It takes about 1 minute waiting time (these guys are amazingly fast) and the bowl of noodles is HUGE!Not only that, the noodles are impressively "Dan Ah" (chewy). It's a self serve seating...so not really convenient if you're not eating here with someone else. The drinks aren't amazing...but then agai

平就平啦..但食物就真係無特別,..最特別就係佢個自助及開放的廚房...一眼看清楚...dirty得好勁,有一些原料大大袋放在地下..而地面好多垃圾...製作員工不整潔...不可以食店...

我真係唔覺得佢d麵同河有几好食,又話佢d魚蛋好食,我覺得一般囉....其他咩紫菜三寶就ok啦,但我d朋友講到好出名好好食,好似全港佢至掂,我真係唔係好明...銅鑼灣呢間仲係成日排隊,唔知點解-______-

南記粉麵向來都唔算貴，10零廿蚊就有一碗，我都幾鍾意食佢地既春卷，而且以我所知淨係得南記有春卷食。同埋每檯都有成"an"冬菜俾人落，岩晒我，貪佢夠惹味~~

個人最鍾意就係魚肉春卷魚蛋河, 必食. 魚蛋好彈牙, 但有少少腥味. 春卷好味道, 唔係度度都有得食. 又唔貴喎. 有d時間仲有豆漿送. 而且佢d辣椒醬都好正, 好夠辣. 不過食完就有dd口渴啦.

呢間南記我成日去, 個小鍋米線好好味, 不過如果唔食得辣就一定要叫佢走辣, 春卷係個人推介, 尤其是送河粉食.

0黎到0既春卷好好味，同出面0既唔同，而且價格合理，不防來試一試。