南記粉麵 (黃埔天地奇妙坊)

营业中

休息中

喺香港食米線既舖頭其實都真係有好多間，但作為一個新界人，真係好少機會可以食到南記，因為新界區無分店，想食南記就要去九龍或者更遠既港島，好彩公司附近有一間，想食粉麵既時候，除左3哥，又多一個選擇。舖頭坐滿晒人，而且仲有好多人等緊位，想搵個位堂食都真係有難度，於是乎外賣拎走返公司食。點左個有營套餐 $40，揀左雙拼 (招牌春卷+魚腐) 配米線、凍豆漿(細)、生菜，個套餐有咁多樣野都只係 $40，價錢都算合理。外賣返到公司一睇，竟然俾錯左河粉我，但錯有錯著，河粉唔錯，食落好滑，加埋醋同秘製辣椒醬一齊食真係絕配，當堂令一個平平無奇既清湯底變得吸引同好味。春卷係南記招牌之一，所謂既春卷其實係用腐皮包住魚肉黎炸，外型一條條好似春卷咁，由於佢將春卷放左落湯度，所以係浸淋左，我就覺得無乜特別，唔可以話好好食，另外魚腐就正正常常，生菜太熟，豆漿唔太甜。之前食過一次，叫左招牌春卷牛腩酸辣米線，我覺得南記既酸辣幾好食，比較濃味但唔算好油，個人黎講我覺得牛腩好味過春卷。

南記粉麵由細食到大，而家喺學校附近有得食真係好開心呀今次叫咗個套餐，五十幾蚊就有嘢飲，冬茹、招牌春卷、魚片、豬肉等嘅餸，再加麻辣湯底嘅米線，大大碗，男仔食都夠哂飽呀！

係附近行完街，睇吓有咩好食之下，點知俾我睇到間南記，估唔到紅磡都有，星期六都不用等位，太好，入到去有好幾個位置都因為冷氣機滴水，所以唔坐得，要同其他人一齊坐，見到有新嘢，蕃茄湯底，膽粗粗諗住試下啦。點知，唔好食既，完全唔係想像中咁。蕃茄湯底，食出都無新鮮蕃茄感覺，配有肥牛，超級韌，我一塊都食唔落肚。。無牛味，除了自家製春卷，還可以之外，真的一點特別都無，無套餐，配料已經指定左，無嘢飲。。。成為五十幾蚊，呢個價錢真係食套餐仲好過。。。都係自己貪新鮮既後果。。。

紅磡同黃埔都好多食店可選  但食米線計南記係我新寵 全因爲個麻辣湯底我覺得做得好出色 個湯度真係見到真材實料既椒 而且有麻味! 平時我多數叫肥牛，分量適量！自從試左一次下午茶食小窩米線之後，發現原來春卷都好好味，轉麻辣湯底加兩蚊， ＄36連埋嘢飲算幾抵食！不過麵底分量就唔夠對面x哥多啦，不過食米線湯底好重要，所以都唯有繼續食，但係如果多啲就好啦。順帶一提，次次叫親麻辣湯底都總係比其他湯底嘅客人等得耐，唔知點解呢。

不用餐餐大魚大肉，其實有時簡簡單單吃一餐，也可以很滿足☺️。今次選擇了南記的春卷魚餃河，春卷是我的至愛，好味，而且有口感👍🏻魚餃亦尚可。一個人的午餐，30元以下，算是不錯了。

速食南記.....星期四去左紅磡 有D趕時間就去左食南記.....叫左碗小鍋魚片春卷酸辣米線南記既酸辣無甘油 係幾好既加一杯雪碧個湯底非常夠味 小鍋有好多配菜 好好食 有芽菜 酸菜 艽菜 腐皮......好充料有四片魚片同兩條春卷魚片好新鮮彈牙 米線唔會太硬或太淋 加埋辣椒油落去 不得了👍🏼😋整體味道唔錯 份量都好夠👍又唔洗等好耐 好快就有😋😋😋一碗米線加杯汽水 $43 都差唔多了而家d 物價...差不多了....

次次一個人，就只係想吃d入得口又唔貴的野食，今次就食南記。已經好耐無食，再點番春卷粗麵，春卷好特別，味道不錯。個粗麵麻麻，但入到口，份量足，算係咁啦。頹頹地食餐飽的，算能接受😊

一直都係南記魚肉春卷嘅fans, 而且覺得南記嘅酸辣好味之餘又唔會太油。但最近真係好失望, 可能係分店嘅問題, 一向食得辣嘅我今次都係叫中辣, 但係完全覺得唔辣, 極其量都只可以當小辣, 而且湯底偏淡, 米線亦都煮太淋, 但又唔索味。只有魚肉春卷一如以往好味其實最近兩次食都已經感覺到質素下降。希望可以改善吓。

平時都幾鍾意去南記食米線, 但因為喉嚨有啲痛所以今次唔敢食辣, 唯有食碗涌清湯底既大什錦河.  $45 價錢唔算好便宜, 好彩份量都大碗, 有好多配料: 春卷x2, 牛丸x2,  魚皮餃x3, 墨魚丸x3, 魚蛋x2. 所以價錢都算合理既! 樣樣配料都幾好食, 牛丸幾爽口, 有牛味. 魚蛋都OK唔腥, 不過麻油味都幾重. 魚皮餃就正正常常啦, 食落似係四海魚皮餃. 墨魚丸就係第一次食既, 原來都唔錯, 墨魚味幾香, 口感幾爽口彈牙, 唔會成舊粉咁. 而最鍾意就當然係春卷, 其他地方都好少食到咁好食既魚肉春卷, 聞落好香,, 雖然係炸過但又唔會油膩. 而個清湯底都唔會好淡, 河粉都好滑身, 食完好飽, 唔錯!

成日都聽人講南記好食，但我就從來都冇食過次次食米線都係譚仔譚仔同譚仔今次就試下南記喇叫左酸辣米線，（少辣）餸就要左冬菇同春卷34蚊湯底其實一般般，吾夠出面其他米線鋪濃味同埋要左少辣，但完全吾辣(我本身係吾食得辣既）米線份量方面，就一般喇，吾多多少要讚既地方係，D餸好足料，2條大大條春卷（似係腐皮包住魚滑？!）仲有2舊好大既冬菇，大得黎都好諗。總括黎講，係抵食既。如果有一間米線鋪，係有南記既餸，但係譚仔既份量同湯底，咁就正喇

南記得其實不嬲都好平，佢既清湯都好好味，雖然淡啲，但係好清甜！特別係佢既酸辣湯底，一試上次癮配料又十足，配埋招牌春卷簡直係好完美！甘既價錢食到甘有質素既酸辣湯底加配料，好超值！佢既酸辣程度拿捏得岩岩好，真係好好食

是日黎到紅磡奇趣坊附近既南記粉麵 叫咗個套餐食 套餐可以有一個粉麵(雙拼同單拼都得) 有個油菜 仲有豆漿添店內位置都幾多 所以都好容易揾到位食春卷係我必食餸 雖然叫春卷 但其實佢係魚肉卷再加腐皮 今日仲叫咗魚腐 魚腐有啲油 冇乜魚肉味 所以下次都唔會再叫唯一唔太開心係店內冷氣太弱 令食碗麵都食到成身汗

招牌河：河粉有牛丸、魚蛋、春卷單以價錢嚟睇真係非常抵，但佢嘅河粉真係非常之軟弱，每用筷子夾啲河粉都會係咁斷...攪到最後要用匙更先食到。而春卷照舊都好好味，但湯底就好多味精，食完非常口渴。

$30的小鍋米線只是當時推廣價, 原價要多數元. 還記得當年在香港仔店吃雙併粉麵的時代, 那時它未大肆擴張, 還是舊式模樣, 說不上什麼裝修, 但價錢便宜多了, 對我這個不重裝潢的人來說, 那才是值得欣賞的時候, 現在是付錢讓眼睛舒服點, 坐得寬點, 但適合不趕時間想坐久些的人. 其實現在的裝修模式也只是一般快餐店那種, 可能因地點令舖租比老舖貴很多的關係吧. 雖然不是很貴, 但習慣了舊式店那時的模樣嘛, 反正味道沒大分別, 又不是改進了. 那天周末店內人多, 落單後等了頗久. 菜肉雲吞的味道和湯底及配菜也算一般吧, 要的是小辣版, 等於正式的雲貴店那種微辣版. 大概有5-6隻. 湯底不算特別, 怕有味精所以多喝. 米線質地略軟了, 不彈牙.

$20元吃飽飽用良心食堂來說南記實在也不為過，$20的早餐招牌河，有魚肉春卷、牛丸、魚片(每樣兩件魚片是四件 )滿滿的一大碗份量十足，材料一點也不求其，最喜歡春卷新鮮炸起又彈牙，湯底清清地又鮮味，吃到一半再加辣椒醬又是另一個驚喜，香辣無比，口水直流，大口吃完，滿足非常！加3元還有豆漿呢！是問現在這市道上那兒找？