南記粉麵 (春園街)

营业中

休息中

南記一向係港島區居民既粉麵之專，南記自創特有醬料，我最喜歡既就係小窩米線，今次就點左豬腩肉小窩米線，簿簿既豬腩肉滷得非常入味，再配上自制酸菜、芽菜，如果再加入南記自制辣醬更加好味。南記粉麵價錢相宜，會再光臨

今日要去灣仔買D野，就順便去埋灣仔春園街嘅南記，一個人簡簡單單食個午餐，可能未夠12點所以好少人。我叫左個春卷魚腐清湯粗麵加紫菜36元，湯唔太咸，春卷幾脆幾好味。

南記嘅早餐超抵食！2粒牛丸，2條魚肉春卷同兩塊魚片，連埋野飲都係20幾蚊。佢個招牌魚肉春卷好有水準，超好味。而牛丸好彈牙爽口，最重要係好有牛味！魚片就不過不失，冇乜特別。

Ordered tomato based beef noodle. The beef chunks were great in taste but the noodle and soup taste very plain or tasteless as compared to the meat. The soup is like plain water mixed with tomato sauce. Noodle is chewy but it’s again tasteless.

南記一向快靚正價錢合理味道又好，灣仔呢間有幾年無食過，如今一食真不想再食。。中午午市時份來到，都好full，等了一陣位，大約5分鐘的時間就可坐低了。牛腩春卷酸辣米線——由交單到厨房起計，等上了10分鐘，比以往經驗都等得耐。湯底不錯，春卷有2條，味道也一如以往，不錯的。牛腩就唔得了，很靱味道一般，觀塘車仔麵檔牛腩反而更稔更入味。 這碗也算不過不失既，41元。春卷腩汁撈麵——呢碗真係不得了的難食，麵的份量很多，相信有2個麵餅，但那份梘水味是有12份。。聞落已經刺鼻，食落口得攻鼻。。真受不了，不得不放棄。。春卷4條，唯有食春卷飽。。

路過灣仔，聞到一陣陣粉麵的香味，原來是南記，不其然想起他馳名的炸魚肉春卷， 由於是平日的晚上，並不多人，我order了一個套餐：包括炸春卷拼墨丸米粉，炸魚片頭和一杯燒仙草豆漿， 不需5分鐘，便可以到櫃面取食物了， 米粉爽滑又有咬口，春卷是脆的，可惜墨丸是一般街貨，沒什麼睇頭， 炸魚片頭彈牙，再加上少許七味粉 ，實在太美味啦。 燒仙草豆漿其實是豆漿加涼粉 ，涼粉很滑， 媲美坊間的台茶店， 總括來說，是一頓不錯的晚餐，埋單50個大洋

香港人好似特別鍾意食米線 米線鋪開到成行成市南記可以話係香港扎根多年 叫得香港仔南記 因為佢真係香港仔發蹟 😂 呢排佢都幾大肆擴張 樓下都有番間 好啦 今日下午搞完銀行野 就順道想食下南記既小鍋米線🤣嗌左都等左一段時間先有得拎 但好野係值得等既😍相信食得南記都知佢個春卷係生招牌 😃 食左第一啖 已經滿足到不得了😂😂😂 真係到依家都搵唔到另外一間可以媲美 此外 辣豬肉都係佢地招牌 辣同醬汁既咸融合爽左後 係變得更令你上引 唯一可惜係佢今次醬汁落咸左🤣

去到灣仔附近做嘢，下午茶時間有少少肚餓，就買咗南記嘅外賣食，其實一般嚟講招牌河嘅湯底唔係呢個色，不過我加咗好多我最愛嘅南記辣椒油 同埋蔥花， 令到碗粉就好似食緊乜乜雲南米線咁嘅色，但係佢嘅味精都係冇米線鋪咁重嘅。而三寶入面，除咗 招牌嘅魚肉春捲之外，我比較鍾意食嘅係佢嘅魚蛋，彈牙得嚟都幾香，而且唔會好散， 牛丸嘅質素都唔錯，食落都係好彈牙，但係有肉汁。不過河粉可能因為太薄，個湯太熱，外賣去到食嘅時間，雖然只有短短十分鐘， 但係啲粉已經 煮到淋曬，一夾就斷，有點可惜。

係實習之後再次番朝九夜六 真係好唔習慣一放lunch time即刻同同事出去搵野食灣仔好多茶餐廳 但我地都係對米線情有獨鍾一見到南記就把握時間衝入去我叫左酸辣米線兩餸38蚊每次必叫招牌春卷同冬菇冬菇大大粒 炆到好入味 有家既感覺只可惜lunch time真係好多人 20分鐘趕住食完就要走

每次經過南記都排滿長長的人龍，由其中午12:00至1:30，想有位置坐下慢慢吃都十分困難，於是我選擇在早上吃。魚蛋春卷小窩米線套餐送罐裝汽水都只是$36，全日供應。

今日晚餐想食得清清地！揀左春園街間南記，我都係叫返我最鍾意既招牌河，春卷牛丸魚旦$28，因為我鍾意食春卷，d人話有記春卷好食，我就鍾意食南記！呢度既辣椒醬又係南記既第二個皇牌！我老公就叫左珍寶小鍋米線$54，餸就同我一樣，仲有魚皮餃墨魚丸另有少少配料，芽菜腐皮等等。配酸辣湯底！好食就好食不過真無貴喇！南記都要$54一碗，仲要未包野飲！另外叫魚片頭，$20 8舊！煎得多油左少少！另外我地仲叫左豆漿大杯裝$11，同凍檸茶$15，完全係無得加錢配野飲！我而家真係驚覺南記食飯太貴吧！我印象中幾年前仲係$20碗招牌有埋野飲呢！

呢間每日午餐真的特別多人吃,好不容易找到位啊…, 但今日想去食下d開胃餐, 就諗起？？春園街南記 咪行去碰碰運氣, 睇下有無位, 叫左餐等了一會兒就有位坐, 基本上好多人都食完就好快起身讓人坐, 不會逼留。 今日不例外叫我最愛的 兩餸有:咬落爽口又彈牙的貢丸、皮薄魚餃, 重有每碗必有的‘酸菜’及酸酸味味帶少辣碗湯底, 另到成碗米線更加豐富, 大大碗, 令我越食越開胃, 好滿足的一個午餐, 真係好好味!價錢經濟, 算是平民價! 抵夾大碗!

係2018年3月23號，本人光顧卻遇上不快經歷，於當日19:15本係於春園街分店惠顧時，我向櫃檯職員根據餐牌指示下單，唯收銀職員如同對餐牌一無所知般，我要求辣豬肉春卷米線，該職員卻問我是否要春卷辣豬肉米線，借問兩者有何分別。其後該職員更加戲謔本人唔識睇餐牌。請問這就是南記嘅香港仔服務態度？如果是的話，本人定當替貴公司努力宣傳，好讓人人都認識貴公司文化。

朋友推薦食南記春卷，午餐時間太多人，根本無位堂食，所以早餐去試下，早餐想食清淡d,所以點左春卷清湯河，跟餐送豆漿或汽水，留單後，好快就可以拎食物，而且很便宜，春卷好食

大地回春, 萬物都要從冬天中甦醒過來, 人也要如此。所以呢晚放工後就要繼續進修, 上進努力。六點幾過到去灣仔, 唔係好夠時間食野, 又唔想比到貴一貴食20分鐘就要走,又想清清地、 40蚊左右有交易, 所以米線、潮州粉麵成為我的首選。諗起春園街有間南記, 二話不說就入左去解決我的晚餐。入到去, 唔算好多人, 店舖細細, 人個人難免要搭檯, 而且入面仲有一排面壁位可揀tim~因為唔想食gam 貴, 想清清地就算, 如是者我揀左右為(我認為)係全場最平的「招牌河粉」, 而我因為喜歡米線就轉了做米線。我喜歡這米線的原因, 係因為28蚊已經包2條春卷2粒魚蛋同2粒牛丸,唔貴又多餸。有魚肉餡的腐皮春卷, 香口得黎又唔會太過熱氣, 魚蛋都幾有誠意, 雖然唔算最上品, 但起碼D肉唔會太削, 而牛丸都彈牙爽口加少少魚露同辣椒油一齊食就最過癮呢一餐, 以灣仔區28蚊黎講, 性價比其實幾高, 好評!!