南記粉麵 (金馬倫中心)

中午放飯決定去食南記，因為有一張$25 coupon到期平時正價真係唔會入去食，因為我覺得唔值咁貴叫咗一個清湯珍寶河粉 ($59)，唔包飲品配料包括招牌墨魚春卷、魚皮餃、牛丸、墨魚丸，同埋魚蛋等食物嘅時候都見到廚房炸咗好多墨魚春卷，呢個真係南記嘅招牌餸👍墨魚春卷有兩條，真係好好食其餘嘅就正常發揮，俾正價$59真係唔會去食…查看更多

南記既蕃茄湯米線湯底好深色，唔透明，蕃茄味濃，偏甜，感覺加左好多茄膏同糖份。魚皮餃不過不失，加左佢最出名嘅春卷，呢個小窩米線其實都幾好食。如果食太多譚仔想轉下口味不妨試吓南記。#小窩米線 #南記…查看更多

$32 招牌河粉，我就揀咗米粉今日，呢個下午茶嚟講性價比真係算幾高佢嘅份量都算非常多而且米粉嘅份量亦都非常十足！價錢嚟講真係非常抵食！牛丸爽口彈牙，而且質素比出邊普通嘅牛丸高，每一份有兩粒牛丸，兩粒魚蛋同埋兩條佢招牌嘅春卷，佢招牌嘅春卷真係非常好食，簡直係冇得輸！魚蛋亦都非常高質！！！另外佢有好多款唔同搭配嘅套餐，我就加咗$5可以多份生菜，可以加腩汁或者蠔油，都係健康之選鍾意食嘅朋友都可以試吓！佢嘅下午茶真係非常平！…查看更多

早幾日諗唔到食乜好，行行吓就見到好耐無食嘅南記。以前中環返工，一個星期最少會食3次。轉左工之後，都有幫襯其他分店，但係都唔太滿意，好多時都唔夠熱，同埋員工都好串。知道快餐都係唔係講咩服務，但係佢哋係去到黑人憎嘅地步。入返正題，果日叫咗春卷小鍋加腩肉，收銀哥哥提我下午茶跟嘢飲，咁叫埋可樂。我就外賣返公司食。因為行返公司都有一段15分鐘嘅路要行，醒起就問bar 位姐姐，有冇得分湯？如果分湯係咪出去加錢？姐姐好有禮貌咁解釋返我聽，如果加餸就會自動分湯，係免費。仲叫我下次都加餸就抵食啲。行到返公司，打開竟然仲係熱辣辣嘅，個湯無起曬泡！食返以前好喜歡嘅口味！覺得好開心同幸福。可能好大原因係遇到咁好又有禮貌嘅員工，做嘢又咁有效率，成個餐都好味咗？哈哈！我會多啲去金馬倫道分店食嘢😊…查看更多

見好耐冇食，就同朋友食個南記叫左一碗辣豬肉春卷酸辣米線，另一碗冬菇魚蛋辣豬肉春卷酸辣米線。湯底味道較淡，但夠酸。辣豬肉保持到水準，爽口，春卷都彈牙，冬菇同魚蛋就一般。…查看更多

今天我午餐叫了一份外賣，使用網上外賣平台訂購免運費的服務，非常方便。我點了一碗麻酸辣魚餃魚片米粉，這家店的味道一如既往地好吃！魚餃和魚片都非常新鮮，沒有任何腥味。魚餃皮薄而富有彈性，餡料豐富且鮮嫩，每一口都能夠感受到魚肉的鮮美和香氣。米粉的口感也非常棒，這碗米粉煮得剛剛好，加上麻酸辣湯汁，湯汁酸中帶辣，非常開胃。整碗麵食讓人回味無窮。我非常支持這家店，下次還會再來點餐的！唔貴又夠飽～唔錯之選～…查看更多

話說以前好鍾意食南記嘅魚腐，因為好大舊，又索湯，跟住大概一年多前突然話唔再出。慘😭 喺冇得揀嘅情況下，唯有食佢嘅魚蛋。點知今日去食，見到呢張告示，笑咗。休漁期我聽過，但係休漁期會冇魚蛋真係未聽過，佢用咩魚咁巴閉🙄家陣連魚蛋都冇埋，代替嘅係兩塊又薄又霉嘅魚片。#我想講粗口…查看更多

最近南記粉麵推咗出咗我好鍾意嘅「胡椒•酸菜。豬肚湯。雞扒旋風豆腐串米線」，急不及待即刻去試。💛喺呢個咁凍嘅冬天飲酸菜豬肚湯，可以驅寒，正呀！豬肚同雞扒份量都好多，雞扒好香脆，豬肚夠爽口，食到停唔到口呀！💛另外，仲有新出嘅飲品紅胡椒菠蘿特飲，夠哂特別，飲落去有少少辣椒，不過加上清甜嘅菠蘿，飲落口感爽辣好過癮。…查看更多

見尖沙咀有分店 ，當然要嘗一嘗，價錢抵食，店舖寬敞，座位之間距離唔迫。南記價錢合理，有多款套餐選擇，套餐靈活，顧客又可以自選食材，牛肉、純豬肉、酸辣愛好者因物，亦有推出下午茶時段優惠。南記出名春卷，就叫左B餐：招牌滋選小窩（酸辣）（$57）入面有多款配菜：招牌辣豬肉、招牌春卷、魚片、冬菇⋯非常足料，大大件冬菇，食材唔會細小，酸辣唔會太辣 ，岩曬鐘意食bb辣既朋友，春卷配上酸辣湯，別有風味，套餐奉送可樂，$57真係抵食。…查看更多

今日又黎到尖沙咀唸住食南記春卷既時候發現佢又有新野食，推出期間限定南記粉麵 「胡椒•酸菜•豬肚湯~雞扒旋風豆腐串米線」連特飲「紅胡椒菠蘿特飲 」套餐，佢湯底用左由特級黑白胡椒•爽豬肚•酸菜，熬製而成的秋冬驅寒湯底。當中的黑白胡椒的香和辣味逼入了爽、岩晒依家凍到結冰既天氣食完暖笠笠好舒服，加上厚厚既豬肚同埋雞扒仲有有吸收左每滴胡椒湯精華的超長超大塊既「旋風豆腐串」令整碗米線口感昇華不過最可惜係今次冇春卷如果唔係就更完美喇，不過份量已經好滿足😋再配上「紅胡椒•菠蘿特飲」味道新穎獨特，紅胡椒帶有甜味和香味與爽甜菠蘿凍飲，每一口都帶出溫和迷人的水果清香。菠蘿味勁出I LIKE IT😍。#好食推介 #食物遺照 #食物殺手 #food #foodie #foodiehk #zaki食評 #hongkongfoodie #hongkongfood #hkfoodie #hkfoodblogger #hkfoodstagram #hkfoodlover #instafood #hkig #ighk #hkigers #yummy #eat@namkeenoodle @chillchipr #南記 #南記粉麵 #namkeenoodle #namkee #胡椒豬肚湯 #胡椒豬肚雞扒米線 #旋風豆腐串 #紅胡椒菠蘿特飲 #南記fans南記粉麵金馬倫中心57-59號,1樓…查看更多

平日喺尖沙咀30幾蚊可以食到一個下午茶，仲要份量都ok，有沙嗲牛麵+魚片頭連汽水，味道又唔差，抵食過某d連鎖米線舖。而且座位都唔會好窄好迫，只係人手唔係好夠，收銀排長龍。…查看更多

#南記粉麵 出左新既懷舊避風塘滋味套餐(💰58) ⠀⠀⠀⠀⠀⠀「艇仔粉」湯底由大地魚和蝦🦐混合熬製而成，每口湯都散發著魚既鮮同蝦🦐既甜🤤🤤⠀⠀⠀⠀⠀⠀自選麵底加上有脆炸香口的銀魚仔、翠綠生菜同紅腸既傳統配菜外，仲有招牌春卷、皇牌爽爽豬肉，份量十足🈵而享用過程中感受到懷舊避風塘滋味👏🏻⠀⠀⠀⠀⠀⠀套餐仲有一份「炸魚皮」😍放入附送的香辣粉shake shake 吓🌶好玩又好味❗推薦大家蘸一下魚湯再食，味道更鮮香有層次‼️⠀⠀⠀⠀⠀⠀最後介紹下杯冰涼特飲【 🥭芒果冷泡鐵觀音】，清新酸甜茶香，唔會太甜❣️☺️…查看更多

一諗起南記就一定要食佢嘅招牌春卷😋😋今次期間限定嘅「艇仔粉」套餐唔單止有我最中意嘅春卷 仲有皇牌爽爽豬肉、紅腸同脆炸銀魚仔添個湯底仲係由大地魚同蝦熬製而成🤩味道鮮甜 別有一番避風塘風味😌$58個套餐仲有脆魚皮加埋杯芒果泡鐵觀音 岩哂喺附近返工嘅打工仔做lunch😏…查看更多

點解可以咁好食🙈🙈 芫茜控必試💁🏻‍♀️火熱全新南記期間限定「芫茜蓉湯底米線套餐」🔥我見個個同事都去試，就去試吓。特登著綠色襯番去打下卡✌🏻✌🏻認真制作，佢哋用大量芫茜熬製成濃郁的芫茜蓉湯底，湯底正好清新，忍唔住飲幾啖😋 炸豬扒好鬆脆，有驚喜，🤩芫茜丸好特別，第一次食🤪、口感唔錯🤫另外點小得芫茜的靈魂伴侶皮蛋🥚，加上創新特飲芫茜「可口可樂」🥤估佢唔到咁好飲😎啖啖米線都充滿芫茜香氣😎你試咗末？〈套餐價 $53起〉抵挑戰下，已經包哂炸豬扒．芫茜丸．皮蛋芫茜蓉湯底米線」連特飲芫茜「可口可樂」…查看更多

今日陪老婆出尖沙咀做身體檢查，檢查剛啱安排晌中午打後少少時間，所以，剛好趁佢檢查嘅時間嚟食晏，食完接番佢就啱啱好。一支公，食咩都無所謂啦，所以，最後揀咗平平哋嘅「南記」。因為過咗放飯時間，所以，客人唔多，寥寥可數，三、五、七枱客，仲好啦，安安靜靜。有啲咩選擇，電子餐牌就放晌晒收銀位嘅頭殼頂，其實，大部分香港人對「南記」都好熟啦。 好奇加上貪得意，試咗佢哋個「芫荽蓉湯底」套餐，先聲明，小弟唔喺芫荽控，不過，對芫荽唔抗拒，亦喜歡飲芫荽皮蛋湯。 芫荽蓉湯底米線套餐 $53嘩！果然好芫荽喎，個湯底青到呢……，而杯可樂一樣好青吓！其實碗米線都幾大份，當然賣相就無張餐牌嘅咁靚仔啦，但一樣交足貨，有齊炸豬扒、芫荽丸、皮蛋，以及豆卜，加上份量十足嘅米線，究竟伏味濃唔濃呢？ 先試試湯底，見有人寫過以沼澤色嚟形容，其實，跟意大利麵嘅青醬咪差唔多，所以，對於顏色無乜反感。「南記」嘅魚湯底一向都唔錯，加咗大量芫荽去打，呷一口，真喺勁芫荽味，比一般芫荽皮蛋湯更強勁，誇啲講真喺有「餘韻」，芫荽味仲晌口腔內盤旋，同時，亦感受到當中嘅鮮甜味。 啲餸料都好啱食，炸豬扒大大塊，做得鬆化，又唔喺好油，不失一貫水準；芫荽丸亦有啲驚喜，豬肉丸搓得夠彈牙，芫荽味突出，唔會覺得怪怪哋；豆卜索滿湯汁，就自然好食，如果喜歡食芫荽嘅朋友，相信呢個米線可以過足癮。 芫荽可口可樂不得不佩服港人創意，檸樂、黑牛，依家仲搞杯荽樂，真鬼馬。因為本身接受到芫荽嘅草青味，所以，整體感覺就好似加咗啲五青汁嘅可樂，可樂散發出嘅汽泡，令到入口時芫荽嘅氣味感覺清爽啲。不過，好唔好飲，好個人嘅，相信對呢杯可樂嘅睇法都會好兩極，但小弟就幾OK。 試完呢個套餐，整體感覺唔錯，但對芫荽無偏好嘅人就無謂試。此外，都要讚讚香港人，真喺有好多創意，晌香港可以食到世界各地美食之餘，又試到好多新嘢，美食之都都唔喺浪得虛名！…查看更多