南記粉麵 (淘大商場1期)

营业中

休息中

平時冇咁早起身，所以好少食到早餐😂。今日見到 #南記粉麵 過咗11點仲有早餐食，咁就要試下啦。新早餐系列 #太陽湯麵 ，每碗麵都有一隻 #太陽蛋 🍳，可以選配炸豬扒﹑五香肉丁﹑午餐肉﹑火腿和仿鮑片等，真係好豐富。我揀咗 #五香肉丁太陽麵 🍜，有五香肉丁﹑厚切餐肉﹑春卷﹑太陽蛋及飲品，呢個組合都幾合襯。有2塊唔會太鹹嘅午餐肉，仲有流心太陽蛋，春卷彈牙，個麵軟硬適中，配埋惹味五香肉丁，整體味道唔錯，份量足夠我當埋午餐添😆。最後飲返杯香滑熱奶茶，咁就醒神晒！

同朋友行街經過，佢話聽聞南記都ok就諗住去試下。起初見到門口有自助點餐機，都覺得好方便，我們就排隊點完餐入去，點知入去先發現裏面勁多人但冇位，以為自己去做food court。佢冇人帶位，冇派飛，又冇安排人排隊，完全係入去要企喺人地張檯隔離等位。心諗，你間野咁細玩food court mode，叫人自己搶位？我哋等咗十分鐘唔對路，完全冇人走，諗住問下可唔可以退飛，佢就話係我哋自己冇睇清楚就落單，冇得退。我哋話，你哋爆咗又唔同啲客人講，等啲客人喺外面落咗單先入黎搶位，好唔負責任，又唔安排人排隊。佢當然死都唔退，我哋唯有死等詳情見照片，勁多人唔知冇位落咗單先入去等位，裡面就好逼啦，仲有服務員話佢哋擋路……而且期間我哋未又位，但佢又上咗餐，唔通要我哋企喺度食？？？最後食嗰個咩牛魔王套餐，麻辣湯底完全唔麻唔辣得個鹹字，仲有種食緊五香肉丁嘅feel從服務態度到嘢食都唔得，我不如去真food court，有更多選擇同空間，入餐廳就係唔想畀人睇住食，結果我哋食嗰陣隔離都一直有人等位……

南記粉麵 - 好正嘅酸辣米線🍜今日lunch嗌咗南記嘅外賣米線，照舊都係嗌咗招牌辣豬肉酸辣米線再加春卷😆南記嘅酸辣湯底真係一流，酸菜醃好入味，湯底又夠濃郁，而且小辣辣得岩岩好，岩曬啲唔太食得辣嘅人士🤣 辣豬肉分量都幾多，口感幾好，但就無咩辣味。南記嘅春卷頭幾啖食就好好食，但食多幾啖就覺得一般般啦，因為好似落得比較多魚膠粉咁。味道😋：8/10價錢💰：7/10服務💁🏻‍♂️：7/10環境🪑：6/10

唔知點樣一杯豆漿可以污糟到咁，飲哂成杯先發現有十粒大小不一加長條形既黑點佈滿紙杯底，仲未計已飲咗落肚嗰啲，見到已經咁恐怖，未發現嗰啲不敢想像……………………………

今日返工去開九龍灣做嘢，經過開淘大商場，我去咗南記度食酸辣粉。酸辣粉真係我的至愛，所以譚仔我都同樣咁捧場。南記的酸辣粉湯底係多了一種甜味，令成個湯底嘅味道更複雜，又有層次。我叫左招牌小窩米線，仲有招牌春卷，辣豬肉，冬菇同生菜。招牌春卷唔使講，一定係必要的餸。好食，好香！辣豬肉都唔錯，想叫肉類，呢個係最好選擇！冬菇大粒，醃得又夠甜！又淋，冇得彈！生菜正正常常😂😂，可樂都正常，有甜味有氣😂😂！不過整體來講係好味，幾抵食！

幫襯過呢間三次，次次都等好耐先有嘢食。最近一次係星期日夜晚七點半去買外賣，叫咗個紫菜四寶河，由落單到攞到外賣，竟然等咗半個鐘，期間不斷有人催單，只見廚房阿姐黑口黑面，你有你催，佢繼續叫人等。我見廚房入面得三個員工煮嘢，根本處理唔切啲單。另一樣想講就係呢間鋪只開咗兩個月，新裝修，但竟然放到一地膠水桶去接冷氣機滴水，衛生情況好一般！嘢食方面就同其他南記無乜分別，反正都係同供應商，同一條 formula 煮出嚟，我叫嘅紫菜四寶河不過不失啦。食得南記都係想快，下下等半個鐘真係咪搞我，其實有心做係咪應該加多兩個人做廚房？咁做生意法除咗趕客，我真係放長雙眼睇下可以維持到幾耐！