南記粉麵 (士丹利街)

营业中

休息中

係中環得一個鐘頭lunch time，可以選擇餐廳少之又少，所以最常做的，就係買外賣返公司食。 夏天天氣咁熱，都令人食慾大減，所以最常食就係米線。難得公司附近有南記，打個電話提早order，去到就可以直接拿走，省卻等待時間。 最愛南記春卷同腩肉，春卷簡直係食南記必叫美食，而腩肉都煮得夠入味。不過每次都無分湯，拿到返公司時候，d 米線已經浸到淋曬，所以好多時候都會轉米粉。

黎到南記，叫招牌春卷就一定無死，所以我今次就叫左春卷墨魚丸河 $29。話說我自己係香港仔長大既，所以可以話係由細食南記食到大。今日食佢個春卷仍然係好好味，抵讚。 另外我一路都鐘意食佢個墨魚丸，硬係覺得佢比一般既鋪頭好食。所以春卷同墨魚丸都無咩挑剔定啦。反而今次想彈下佢個湯，味精明顯比以前多左好多（我都知之前有），我食完之後係好口乾，之前食好多次都無呢個情況，希望佢可以改善一下啦，唔好將一間老店個名做衰。雖然係咁，$29係中環黎講都真係算平，overall都算合格既。

Nam kee is my go to place when it is a rainy day or looking for something cheap but tasty. My only order at all times ought to be fish dumpling and spring roll noodle with little spice. It tastes super unbelievable, esp the spring roll. I have never tasted such spring roll before. It is made of usual fishball texture with some vegetables and tiny meat in between. I personally think little spicy is good enough even I am considerably good with spice.

本身我個人比較中意食粉面。如果港島有譚仔或者3哥，我應該日日會去食，可惜港島得南記。雖然南記口味同譚仔唔同，但南記普遍黎講算清清淡淡，都幾健康。今日無咩胃口，去左買一個南記，人龍唔算長，等左大概10分鐘左右就拎得。因為想食健康d，所以我額外仲加左個菜。個菜$10幾蚊，成大碗，比起其他店舖算抵食，加埋個2餸河粉，粉量岩岩好。但如果有得比我揀，我都想食下譚仔或者3哥，因為佢果個雞翼同埋口水雞真係超正！

很多朋友，因為宗教原因，健康原因或者環境保護原因不吃肉，最重要的是男神Dr.Strange, Benedict Timothy Carlton Cumberbatch 也吃素！所以我在生活上都多多嘗試，可是這次南記真的不適合吃素，他們的素菜沒有好好調味，基本上水煮冬菇和木耳。因為我點的是清湯底，所以只好加辣油和其它的調味。餐廳定位： 所有人，新假期，連登讀者，或者想嚐“香港大牌連鎖式經營的餐廳”的遊客價錢：35-100可以接受  食用方式：外賣，堂食Wifi：不知道奉送：筷子，調味）去吃米線一定要自己帶紙巾，尤其是鼻敏感，吃辣食流鼻涕的食客！）裝修：一般，有些雜亂，還算乾淨燈光：柔和噪音：人流一般，除了通電話，都沒有人為的噪音溫度：適中服務質素：還不錯，普通快餐店服務，和譚仔相似點菜:  菜式: 餐牌點菜過敏原：蔥謝謝你的閱讀與留言因為我是邊吃邊寫的窮忙學生，所以統一用一個格式，假期就會寫得比較詳細，再按需要作小許更改。祝你找到自己喜愛的美食，感受生活的美妙！Food is life, to live is to eat.

作為中環打工仔，南記一定是健康兼抵食的首選。兩餸清湯粉麵$29起就有，本人最心水便是超值套餐D餐的自選清湯雙拼（$40），可選我最愛的魚肉春卷（2條），以及魚蛋墨魚丸等配料，額外加多一送如鹵水牛展都係8蚊左右，套餐已經連汽水及分量絕對唔少的生菜或芽菜一份，健康又滿足。記得一定要落埋店家自製辣椒醬，超正。中環間南記午餐時間一定大排長龍，但收銀姐姐同埋出菜叔叔都十分快手兼友善，加埋食物好味又抵食，等多一陣都絕對值得。

行山前同朋友諗住普普通通食碗粉麵，唔想食得太飽，所以朋友帶路去左南記叫碗全場最平的招牌河( 我轉米粉) ，配料有招牌春卷、牛丸、魚蛋，只係$29 無睇錯呀，真係$29 咋！估唔到呢個價錢出現喺中環地段，而且仲食埋南記本身出名的魚肉春卷，仲要俾夠兩條，咬落去口感彈牙，超抵食！

出街食午餐唔知食咩好，黎到南記有下午茶喎。跟菜底$20，跟米線都只係$28，春卷一樣咁好味，有時諗唔到想食乜，呢個餐平平地真係煩惱少好多！另外仲有飲品同紙巾送加辣椒油同辣醬都好味呀～

好耐都冇食過南記，於是叫咗碗肥牛米線蕃茄湯底外賣返公司食。不過等咗勁耐，好似都有兩三個字。幾鐘意個湯底，可惜肥牛韌咗少少，不過算啦，喺中環諗唔到食乜佢都算係幾好選擇。

好耐冇食南記了， 早兩日經過中環入左黎食lunch, 叫左一個酸辣豬腩肉小窩米線加春卷。酸味多過辣味，米線唔會太冧，豬腩肉份量都唔少，雖然好薄，但好入味。致於春卷，係用腐皮包裹着魚肉的春卷，好香脆、亦都食得出魚味。$47 甘大碗，又好食、性價比高。

我一向有食開南記,都可以話係半個fans,但今次真係好失望,因為點都唔到佢d外賣伏到咁。。食物： 蕃茄春卷菜肉雲吞米線@加墨演，紫菜，腐竹，韭菜 （大概$80-90）可能大家見到我加咁多餸，一定覺到我係咪傻家。無錯，呢次我都覺得自己太傻，原因唔係叫得太多，而家完全中大伏。咁到底點解咁伏呢？ 先講個湯，係淡如水，都唔好話有無蕃茄味，佢係完全無味！無味！無味！大佬，味精味都比少少我啦。 跟住到米線，可能要運送關係，米線係好散好易斷，痴埋一舊舊，想整鬆少少都唔得。紫菜亦因浸得太耐而好難食，一patpat舊埋ge黑色物體。 唯獨有少少安慰係墨演同春卷仍然唔錯。

#南記粉麵 (中環)中環士丹利街66-72號地下-----南記清湯雙餸河（$29）- 無錯 係29蚊 可能係除左m記特價餐之外 整個中環最平ge午餐🤣 是日無咩胃口～想食清清地 叫清湯 先發現 原來南記清湯比其他湯底平咁多～ 簡直係中環ge窮人恩物😂 味道方面 南記春卷好食就個個都知ga啦～ 而佢ge魚腐就不及春卷咁出色啦 魚味淡 魚肉比較散 咬落去空氣感重 唔彈牙 食完個感覺唔實在 調味都好一般 同佢個春卷簡直天同地ge差別 無咩事b仔應該都唔會再食佢個魚腐啦～😆-----B仔整體評價：7.5/10個👍🏻B仔抵食程度：9/10個👍🏻B仔環境評分：外賣喔B仔味道評分：7/10個👍🏻（魚腐扣分！）B仔回頭機會：10/10個👍🏻（糧尾救星⭐）-----#swallowhk跟住我一齊吞食香港啦！#swallowcentral

唔知係咪因爲佢係中環既關係，所以貴少少，叫左個珍寶米線，諗住佢每款餸都只會有一兩件左右，但點知佢差不多款款都比左3件我！我仲諗住少少地食個下午茶，點知就食到我好飽哈哈，經過既朋友仔記住試下啦~

好耐無食過南記啦😭😭 好掛住佢個魚肉春卷同酸辣湯底😭😭 今日就特登去搵黎食😛酸辣湯底好似比以往辣左少少😂 食到流鼻水都照繼續食😂😂 同埋配料好似少咗 芽菜得幾條🙈😣魚肉春卷雖然賣相麻麻 但就一樣咁好食😋😋 仲有個煙煙un un既口感😋 同珍珠奶茶啲珍珠一樣令人回味😍不過魚片就唔得 始終白灼都係有陣腥味😣 唔係幾好食。。😅😣南記既米缐都同譚仔果啲唔一樣😋 呢間會較似雲南米線🍜 當中米既份量感覺濃啲😋 會煙un啲 較硬😋

工作位於中環的我...食野昂貴之餘還人山人海南記開設在中環簡直是窮人的欣物，下午茶餐26元起，只限清湯底...麻辣湯底34元起...散叫份量多一倍價錢大約48元起不配飲品我這樣的窮人當然order26元的茶餐仙草奶茶+5元 奶茶不太甜，仙草爽口份量多(豆漿+汽水不用另收費)招牌河粉 $26 有3樣配料，非常的足料2條招牌春卷，2粒墨丸，2粒牛丸加上自家製的蒜蓉辣醬和辣油真的美味依嫁購買食物還附送一包紙巾味道 賣相 衞生 服務 抵食 推介