南記粉麵 (士丹利街)

营业中

休息中

什麼都加價，南記也不例外，粉麵一年內加了兩元，生菜加至七元，其他菜一律十元，不過然仍然人頭湧湧。我與同事久不久就會光顧一次。以前每次都是春卷配八爪魚丸，現在有時會配墨丸。以前湯底很鹹，現在ok喎，不知是改善了還是因為現在光顧的時間不同‧據我研究所得(hehe...) ，湯底是愈夜愈鹹的。同事則幾乎全都愛吃小鍋米線。如果喜歡吃小鍋米線，特別推介豬腩肉，一點肥肉也沒有。

通常點的是豬腩肉米線. 豬肉夠稔, 當然脂肪也較多, 有點像豬頸肉但又沒它那麼爽. 湯味很好, 其實辣是一點都不辣, 可是酸酸甜甜鹹鹹的很開胃. 米線也煮得剛剛好. 可是找座位是很大的問題. 最好是外賣, 不然應該先找到位置才買麵, 否則可能麵好了都沒找到位子, 米線都浸稔了又索晒水.

中環～高檔地方是但走入一間港式茶餐廳食個下午茶加杯凍飲係咁易都三十幾四十，仲要唔飽。雖然南記係快餐店型式既粉麵鋪頭但係一碗麵加飲品再加碟油菜先三十一蚊，嗰到ｄ油菜起碼有半個西生菜先至係跟麵加三蚊，野飲都係加幾蚊，其寶一碗小鍋米線都已經可以好滿足。如果細食既可以叫下午茶餐埋簞竟然廿蚊有找。去到唔知食咩可以叫碗招牌麵，因為呢咩都有唔駛諗好耐都唔知食ｄ咩好。另外春卷都係極力推介，真係好味同朋友去食必定會叫個淨春卷share，提醒大家佢地既豆漿略為細杯如果習慣飲開茶餐廳size建議order翻正常飲品!!

2007年12月6日，南記灣仔店以前成日去，中環呢度就第二次。我最鍾意食呢度D瀨粉，此外，記憶中牛墨丸都不好吃，最好吃的包括春卷和腩肉，所以叫了：春卷魚片瀨粉：17元，以前灣仔賣15元，覺得很抵吃，現在漲價了，但仍抵吃。瀨粉麵條仍然有水準，春卷一向好吃，魚片都OK喎，不過如果可以少D味精就好了。每次吃完都覺得口渇。

明明名牌係嚮附，偏偏一樣咁多人，價錢平民是主因，食落也唔覺搵笨。招牌春卷無人有，牛腩魚片又夠，小鍋米線辣酸夠，吃落包保好醒神。弊在店細人迫人，二樓地下唔夠凳，四位猛男企住等，食完馬上要走人。

The bowl was big but not a lot of noodles in there. I didn\'t get that full feeling like I normally do. The pork tasted pretty good though. Service was fine. They weren\'t rude or anything.

聽聞它的米線好味，於是試下．三大人一小童，叫左３個米線，４杯飲品．當亞姐叫我地的號碼時，就出去拿，已發現少左杯飲品，亞姐堅持自己無錯，仲大大聲話３個米線，就３杯飲品．最后我們找到張單同佢對質，佢先比番杯飲品我，超無禮貌，sorry都無句。問佢攞一對碗筷，只答「係出面自己攞」，嘩，第一次幫襯，我知係邊就唔駛問你啦！講到米線，酸辣湯底仲有腐皮，都幾好味，好似係荃灣食的米線，腩肉唔錯，魚肉春卷普通，牛腩麻麻Anyway, 如果態度唔好，野食好味都無用．多人幫襯係因為地點係中環加上價錢ｏｋ。如果你係荃灣，態度又差，相同價錢其實有很多其他選擇!

20070802明明白白寫著9：45打烊，不過直到最後的一分鐘，仍不斷有客前來，當然了，要咩冇咩也是意想之中的事。過了下午兩點這個午市高峰期，價格就有所優惠，14元一大碗面，加1元有凍豆漿飲，區內算是很抵。選了八爪魚丸和魚皮餃，米線，另外灼一碟菜，也不過21元。魚皮餃是意料之外的鮮甜有魚味，面底與菜的火候都恰到好處，不錯。下次早一點，來試小窩米線。

南記既春卷小窩米線, 大大碗的, 好夠份量, 小窩即是酸辣湯底, 小酸小辣的, 對我來講ok呀, 春卷4條, 南記既春卷真係一時時的, 今次食又好食左喎~ 另外有腐皮, 酸菜, 芽菜, 肉碎, 值得一提肉碎, 以為淡而無味, 但唔係喎! 原來醃過的, 竟然小小的肉碎, 都咁精彩~ 而米線亦剛剛好, 唔太軟, 亦唔太硬. 又大碗又低食, 普通一碗春卷粉(春卷都係4條), 都只係$15,唔怪得每次經過南記都排晒長龍啦!

20-5-2007 1341臨上堂前，拿拿聲黎呢度打個底，本來想叫酸辣腩肉米線，個肚唔係咁餓，叫個魚皮餃春卷麵加豆漿。魚皮有三舊，春卷就有兩條，魚皮味道不錯，春卷就其實係腐皮包住魚肉，以前好鍾意食，而家反而麻麻，怪怪地，最差係個湯到，湯冇乜味，麵完全唔爽，仲衰過係茶記叫碗麵。總之叫番米線，或者過沾仔記食仲好。

LUNCH到差不多240,南記仲咁多人,我叫春卷小窩米線,好彩仲搵到位,以生環境講,都幾普通,唔可以叫乾淨,以食物講,春卷OK,幾好味(有4舊),個湯底酸酸辣辣,不過好味精,另加D酸菜同腐竹,同米線一齊食,一定夠飽,同幾開胃,不過食完就幾頸渴!

排隊叫嘢食+取票攞嘢食,成個快餐店形式咁,餐牌貼晒幾面牆,睇落好似好清晰大大隻字有埋號數咁,實質感覺有啲混淆.原本想食碗7號酸辣炸醬米線+八爪魚丸+春捲要大辣嘅下午茶,一心諗住可以品嚐一吓.點不知當我同嗰位高8度表面呆滯嘅中年阿姐落單:{一碗7號酸辣炸醬米線要八爪魚丸同埋春?}中年阿姐好大聲咁講:你嗌咩呀?你食咩嘢呀?你唔識嗌呀?炸醬米線就只有炸醬餸,冇其他餸俾你,你要餸嘅話只有13號嗰碗啦,你唔識睇呀?哇!响嗰一刻啲OL&OB視線而向我,我變成佢哋嘅焦點,令到好>m<.當我想回答嗰一刻,佢就打咗單,然後變得鬼鬼祟祟蚊子咁細聲話:單都落咗咩都佢講晒啦.當我食嗰碗>m<米線時,毫無味道,明明係大辣,但一啲味都冇,啲湯仲好似加咗好多水.我諗嗰位中年阿姐要學MR.LAU所講嘅態度實習吓啦.

通常都是同事叫外賣時順便叫一份，不是有太大感覺。大大碗，很深色的湯，初次吃時竟有偏甜之感(!)那些好像是豬頸肉又不是的豬肉挺好味，印象就有這麼多。

Fishy things being my favourite, this is one of my frequent haunts. A great place for a super quick steaming bowl of flat rice noodles. Picks are fish "spring rolls" and fishballs. Their condiments (pickled vege and chilli oil) conpliment the broth very well. Filling meal for less than $20; can be done and dusted within 15 minutes, if that is what you're after!

今個星期六要返工,放工後同媽咪參加左一個小朋友party,唔知小朋友party d野食會唔會唔合胃口, 所以都係食小小野先, 平時同同事食午飯有一位同事成日提意食咖哩,我發現係咖哩店前一條街成日有人排隊,好奇心所致,好想食下,但成日都無位,雖然星期六有好多寫樓唔洗上班,但這裏也有好多人,很難才有三個位,我們叫了兩碗野,一碗雙丸春卷粉(名字自己作)15元,一碗米線有好多料好多米線23元,我比較喜歡米線,好好食又足料比尖沙咀平,又大碗,女仔可以一碗兩人食!!共食了38元,3個人都好飽!!!正,下次一定會再來!!